Paulus hang hadapen Raja Agripa ¹ Dayairu, Agripa kaeau ma Paulus, "Hanyu naparsilahkan bapaner pakai ngalun diri." Balalu, Paulus ngansang tangan ni nelang nyantarang pangalunanni. ² "Katuluh hal sa nadawa ulun Yahudi ma aku, aku manganggap pamelumku bauntung, Raja Agripa, daya aku nyantarang pangalunanku na hadapnu andrau yena, ³ khususni daya hanyu ialah ulun sa tu'u karasa katuluh kabiasaen andri parsoalen hang helang ulun Yahudi. Daya iru, aku mamohon ma hanyu neu sabar nyandrengei aku. ⁴ Katuluh ulun Yahudi karasa sara welumku teka aku masih rumis, sa hingka awal haut nangalis pamelumku hang penah-penah bangsaku re'erai andri hang Yerusalaem. ⁵ Daya haut lawah here karasa hal aku, jaka here hakun, here panai basaksi bahwa aku welum sasuai andri ajaran kalompok sa mape tu'u hingka agama takam, aku welum ialah ulun Farisi. ⁶ Balalu ta'ati, aku mindri hang yena neu na adili daya pangharapenku ma janji sa nasanjari daya Alatalla ma nini moyang takam. ⁷ Janji yenalah sa naharapkan daya karuehwalas suku bangsa takam nampan kaiyuh kaham, sementara here menyembah Alatalla kaandrau-kamalem. Makani, daya pangharapen atilah aku na dawa kawan ulun Yahudi, ya Raja. ⁸ Daya inun hanyu anggap musatahil bahwa Alatalla kaiyuh kaelan-welum ulun sa haut matei? ⁹ Dagana yerulah, aku re'rai ngakira bahwa aku harus ngulah rama hal pakai nawan ngaran Yesus hingka Nazaret. ¹⁰ andri, yerulah sa naulahku hang Yerusalem. Aku puang ekat nampasuk kawan ulun barasis ma wuang panjara, udi narime wewenang teka kawan imam kepala, kayeru pada hantek here na hukum matei, aku pada satuju. ¹¹ Balalu aku pute mahukum here hang sinagoge-sinagoge andri bausaha mamaksa here nampan menghujat. Andri nelang marikang tu'u ma here, aku ngakasah here, sika hampe ma kota-kota asing." Paulus Ngakesah hal Hanye Panalu andri Yesus ¹² Pakai maksud yeru pada, aku rahat hang kia'an ma Damsyik, mitah wewenang andri natugas hingka kawan imam kepala. ¹³ Rahat penah andrau, ya Raja, hang penah kiaanku, aku kadinung ialah ra'ai teka langit, labih nyarak hingka mate andrau, sa nyanra'ai hang kulilingku andri kawan ulun sa takia baya aku. ¹⁴ Balalu rahat kami katuluhni tasungkur hang amau tane, aku nyandrengei ialah lengan sa kaeau ma aku hang wuang bahasa Ibrani, 'Saulus, Saulus, da inun hanyu manyiksa Aku? mahadin baginu pakai manyepak galah rangsang.' ¹⁵ Balalu aku nunti, 'Hie Hanyu, Tuhan?' Tuhan nyangai, 'Aku Yesus, sa rahat hanyu siksa. ¹⁶ Sika, amuan andri mindrileh baya pe'e nu. Daya Aku haut nyantarang tenga-Ku ma hanyu pakai aheng ati, ialah manatapkan hanyu jari pelayan andri saksi, puang ekat pakai inun-inun sa haut hanyu dinung, labih hingka yiru pakai inun-inun sa dieni Aku tutui ma hanyu. ¹⁷ Aku kai manyalamatkan hanyu teka bangsanu ati andri teka kawan bangsa sa lain, nuju here Aku mangutus hanyu, ¹⁸ pakai nguka mate here nampan here waleng hingka maiyeng nuju mara'ai andri teka kuasa iblis ma Alatalla nampan here narime pangampunan teka kawan dosa nelang narime nuhi' kala kawan ulun sa haut na barasis daya iman hang wuang Aku." Paulus Nyantarang hal Gawianni ¹⁹ Daya iru, Raja Agripa, aku ang suah ang nu'u paninungan surgawi yiru, ²⁰ kude, awalni, aku mahabarni ma here sa naan hang Damsyik, balalu hang Yerusalem andri hang katuluh pulau Yudea, pada ma kawan bangsa sa lain, deya here harus batobat andri waleng ma Alatalla, nelang nu'u kawan inun sa sasuai andri pertobatan here. ²¹ Daya yirulah, kawan Yahudi nyama aku hang Bait Alatalla andri bausaha munu aku. ²² Hampe andrau yena, aku haut narime piawatan teka Alatalla hampe aku mindri hang yena neu basaksi, nuju ma kawan iak atawa ma kawan ulun sa hante andri puang ngantuh sa lain, kacuali iwara inun sa haut na eyau daya kawan nabi andri Musa hal sa kai bakajadian, ²³ deya Kristus harus sara andri deya, ialah alasan jari sa awalni bangkit teka ulun matei, Hanye kai nampihabar ra'Ai nuju kawan ulun Yahudi atawa ma kawan bangsa lain." Paulus Bausaha nampiyakin Agripa ²⁴ Helang Paulus rahat iwara kawan inun wuang pangalunan ni, Festus kaeau gagumet, "Paulus, hanyu haut rapui! alimu nu sa rama yiru sa ngulah nu puang waras." ²⁵ Kude, Paulus nyangai, "Sa Mulia Festus, aku yina puang rapui, aku iwara hal kebenaran nelang kawan inun sa na antuhku masuk akal. ²⁶ Deya, Raja karasa katuluh yena andri ma Hanye aku pada he'ei bapaner. Deya, aku parasaya mahi isa pun sa luput teka panantauan ni sa puang tajadi hang uneng sa lawit tu'u. ²⁷ Raja Agripa, Inunkah hanyu parasaya ma kawan Nabi? Rasa ku hanyu parasaya." ²⁸ Raja Agripa kaeau ma Paulus, " Erangitus ai, hanyu haut panai meyakinkan aku nampan jari ulun Kristen." ²⁹ Balalu Paulus nyangai, "Aku ilaku ma Alatalla nampan hinang atawa lamat, puang ekat hanyu, pada ma katuluh ulun sa nyanrengei aku andrau yena, panai jari kala aku, kacuali kawan rantai yena." ³⁰ Balalu, Raja mindri. Pada gubernur, Bernike, andri katuluh ulun sa maharung baya here. ³¹ Sambil here nanan ruangan yeru, here bapaner isa andri sa lain, "Ulun yena puang ngulah inun-inun sa patut na banding andri hukuman matei atawa na panjara." ³² Daya yeru, Agripa kaeau ma Festus, "Ulun yena haut ta'u na bebaskan jaka hanye puang mamai banding ma Kaisar."