Paulus ma Negara Makedonia andri Negara Yunani ¹ Udi kajadian babur pamuru iru luput, Paulus nerau kawan muridni, dami udi ngampi kukuh atei here, hanye iwara ne'u jalananni nuju ma Makedonia. ² Udi hanye takia ma daerah-daerah hang yaru nelang ngami wahai patataan ma here, hanye hampe ma Yunani. ³ Balalu, hang yaru Paulus muneng salawah telu wulan. Daya kawan ulun Yahudi basakongkol ne'u nawan hanye hantek hanye hamen balayar ma Siria, balalu akhirni hanye mulek mitah Makedonia. ⁴ Paulus na hengau daya Sopater teka Berea, iya hi Pirus, daya Aristarkhus anri Sekundus, teka Tesalonika, anri hi Gayus teka Derbe, anri hi Timotius, pada Tikhikus anri hi Trofimus teka Asia. ⁵ Here tulak badahulu nelang nganrei kami hang Troas, ⁶ kude kami balayar teka Filipi udi Hari Raya Tidak Beragi, palus nunung here hang Troas hang wuang dime anrau, hang yaru kami muneng salawah pitu anrau. Kunjungan hi Paulus sa Terakhir hang kota Troas ⁷ Hang anrau pertama minggu yiru, hantek kami bakumpul sasameh ne'u mambagi-bagi rote, Paulus bapanner ma kami daya hanye hamen tulak ketuni, kalairu wahai patataanni hampe penah malem huan luput. ⁸ Wahai summu na samelum hang loteng, uneng kami bakumpul yiru. ⁹ Balalu, hang yiru naan pemuda bangaran Eutikhus sa rahat maharung hang jandela nelang siruru. Udi hie, daya paner Paulus masih lawah, hanye magin siruru palus saandre balalu hanye lawu ma kapit teka loteng tingkat telu lewu yiru balalu na enat hang wuang kondisi haut matei. ¹⁰ Kude, hi Paulus minau balalu mangkading hang amauni anri ngikupni, nelang kaeyau, "Ada ridu daya hewukni masih naan hang wuang hanye." ¹¹ Hantek Paulus mulek ma ammau, hanye mambagi rote dan kuman, hanye bapanner ma here lawah tatu'u hampe damihari. Udi hie, hanye tulak. ¹² Here ngatet pemuda iru huni mudi nelang atei here tu'u miarai. Kia'an hingka Kota Troas ma Kota Miletus ¹³ Kude, dami tulak badahulu ma kapal, kami palus balayar ma Asos, aheng kami palus ngalap hi Paulus hang yaru daya hanye haut baransana kalairu, hanye raerai hamen tulak ma yaru takia pee. ¹⁴ Hantek kami panalu hanye hang Asos, kami ngennei hanye, balalu tulak ma Metilene. ¹⁵ Udi balayar teka yaru kami hampe ma ketuni ni ma Khios. Anrau salanjutni kami nyariet Samos, balalu erang anrau udi yiru kami hampe hang Miletus. ¹⁶ Daya, Paulus haut ngalap kaputusan ne'u balayar mitah Efesus hampan hanye puang nangalis katika hang Asia daya hanye hamen hinang hampe hang Yerusalem, amun iyuh pas anrau Pentakosta. Hi Paulus Bapaner ma Penatua Efesus ¹⁷ Teka Miletus, Paulus nunyu ulun ma Efesus ne'u iwara ma kawan tueh ungkup hang yaru hampan manalu hanye. ¹⁸ Dami here panalu anri hanye, hanye kaeyau ma here, "Naun haut karasa, kalaawe aku welum hang penah naun salawah yena, teka anrau pertama aku ngampirarah peeku hang Asia, ¹⁹ nelang melayani Tuhan anri katuluh kerendahan atei anri riu mate, pada hang wuang kawan purija sa menimpa aku mitah kawan ulun Yahudi sa basakongkol, ²⁰ kalaawe aku puang ngaret aheng nahampe kabar ne'u hal sa bariran nelang ngajar naun maeh iru hang hadapan ulun rama kalahie pada teka lewu ma lewu, ²¹ tu'u-tu'u ngami kesaksian, ma kawan ulun Yahudi kalahie pada ma kawan ulun Yunani, ne'u batobat ma Alatalla nelang parisaya ma Tuhan takam, Yesus Kristus. ²² Andri taati, dinungleh, baya na huruk daya Roh, aku rahat hang pakiaanku nuju ma Yerusalem, nelang puang karasa inun sa sagar na alamiku hang yaru, ²³ ekat daya Roh Barasis sa iwara anri tu'u-tu'u hang tiap tumpuk ma aku penjara anri kararaen haut nganrei aku. ²⁴ Kude, aku puang maanggap welumku baharaga ma aku raerai daya yiru aku kaiyuh nyanyari tugas anri pelayanan sa haut na tarimeku teka Tuhan Yesus, hanye yiru hampan iwara anri tu'u-tu'u ne'u kabar maeh Injil anugerah Alatalla. ²⁵ Andri taati, dinungleh, aku karasa bahwa mahi hang penah naun, sa ma hanyu aku kaliling iwara ne'u karajaan Alatalla, sa sagar kadinung aku lagi. ²⁶ Daya yiru, aku basaksi ma hanyu anrau ina bahwa aku puang bahala hang ammau ira' naun katuluh. ²⁷ Daya, aku puang ngaret aheng ne'u iwara ma hanyu katuluh ransana Alatalla. ²⁸ Jaga tenga dagingnu anri katuluh ungkup, sa hang ammauni Roh Barasis haut ngenat hanyu jari pakatik ne'u menggembalakan ungkup Alatalla, sa na iyuh anri ira iyaNi raerai. ²⁹ Aku karasa dami udi pitulakanku die, kawan serigala sa buas sagar muneng hang penah naun, hanye puang piahi anri kawan ungkup yiru. ³⁰ Anri, hang penah naun raerai sagar naan kawan ulun sa bapanner ne'u kawan hal sa ngapitawang hampan tau ngalap kawan murid teka here ³¹ Daya yiru, ware naun saratang bajaga, nelang tatap kaitung kalaawe ang karasa ka anrau ka malem, salawah telu taun, aku puang suah taduh ngapiitung nelang matataan naun katuluh anri petak riu mate. ³² Anri taati, aku nyarah naun ma Alatalla anri ma lengan anugerahNi sa mampu ngammuan palus ngami warisan ma naun hang penah kawan ulun sa na haut na barasis. ³³ Aku puang hamen perak, atawa amas, atawa pama hiepun. ³⁴ Hanyu raerai karasa amun tangan ina sa nyansukup inun sa na perlu dayaku anri kawan here sa muneng baya aku. ³⁵ Hang wuang katuluh hal, aku haut nutui ma hanyu bahwa anri bagawi kala ina, takam haut ngarawah kawan ulun sa puang mampu nelang ngitung lengan Tuhan Yesus, daya Hanye raerai kaeyau,' labih maeh nelang arai takam ngami daripada takam narime.''' ³⁶ Balalu, dami hanye haut kaeyau kawan hal iru, hanye nepet ulu alep nelang lakudoa sasameh baya here katuluh. ³⁷ Udi hie, naan wahai sa nungkau hang penah here katuluh nelang here ngikup nyiuk hi Paulus. ³⁸ Here tu'u mahanang atei, magin dami hanye kaeyau amun here puang sagar nantau hanye lagi. Balalu, here nengau hi Paulus ma kapal.