¹ Ada hanyu tamam nyangit sa labis matueh teka hanyu malengkan insing hanye nynrengei kawan lengan nu kalala hanye ambah nu.Ulah kawan lun sa iya yalah pulaksanai nu. ² Nelang kawan wawei matueh yalah ineh nu.Kawan wawei bujang yalah kawan andi nu,andri sara sa maeh. Hal Kawan Walu ³ Hormat kawan wawei walu sa tuu tuu welum raerai. ⁴ Kude amun erang ka ulun wawei walu naan kawan anak atawa kawan umpu,here yiru sa mambatang harus na ami pangaturen neu here sa patut mantaru wangun kawan ungkup bahemni,nelang iwaleh budi ulun matueh atawa itak here.Daya hal yiru ngampi sanang atei Alatalla. ⁵ Wawei walu sa tuu tuu welum raerai,nelang puang uweng hie hie sa tau kaiyuh mamalihara hanye,ekat baharap ma Alatalla. Kaanrau kamalem hanya sarantang badoa ma Alatalla nampan ilaku pangarawahenni. ⁶ Kude wawei walu sa katuju welum irarami,hanye haut matei biar hanye pagun welum. irarami,hanye haut matei biar hanye pagun welum. ⁷ Ta hampe ma here kawan patitah yiri, nampan here welum puang uweng wadaanni. ⁸ Kude amun naan ulun sa puang mamalihara kawan kula kadangni,labis likan kulawaraga rerai,ulun yiru marutad nelang labis bere teka ulun sa puang parisaya. ⁹ Ekat wawei walu sa sukup kawan syarat kalayiti iyuh natampasuk mawuang daftar kawan wawei walu, umurni harus puang kurang teka enempulu taun,hanye ekat suah hindra narangan. ¹⁰ Taru ulun yalah wawei sa ngulah kawan hal sa maeh,umpama ni:haut nante-ngamau kawan anak ni andri maeh,katuju narime tamu manginap hang lewu ni,malayani kawan ulun sa parisaya,ngarawah kawan ulun sa susah, nelang bagawi bahimat huwang katuluh masam pagawian sa maeh. ¹¹ Ada nampasuk ma daftar yiru kawan wawei walu sa lagu iya,daya amun nanam kabahirien magin tamam,here hamen narangan lagi nelang nanan Kristus. ¹² Here hala daya puang nampalus janji sa na ami ma hanye. ¹³ Kamulek here pada ngumpe andrau malem lepuh ganta maaru-maati.Nelang sa bere tatuu hanyeyiru here paajar nangkurun ngaran ulun lain nelang sampur urusan ulun lain nelang maner kawan hal sa puang patut napaner. ¹⁴ Daya yiru aku hamen nampan kawan wawei walu lagi iya narangan lagi,kaiyuh anak nelang ngurus lewu rean,nampan kawan musuh takam puang uweng kasampatan neu namusuk ngaran takam. ¹⁵ Daya naan kawan wawei walu sa haut tawang uma roh jahat. ¹⁶ Kude amun erang ka ulun wawei Kristen naan kulawarga walu,hanye harus ngarawah wawei walu yiru.,ada maladar ungkup nanggung here. Andri kalayiru ungkup tau ngarawah kawan wawei walu sa budas puang uweng kula kaluagani. Hal Panutua anri Salainni. ¹⁷ Pamimpin ungkup sa nampalus tugas ni andri maeh,patut naami panghargaan rueh kali lipat, samabatang tuu here sa rajin bakhotbah andri ngajar. ¹⁸ Daya huwuang Surat Barasis naan nasurat,"sapi sa rahat ngiik gandum,ada na karut wawani",pada,"ulun sa bagawi,naan hak narime upani. ¹⁹ Ada narime pangaduan nadap erang kaulun pamimpin ungkup,amun puang uweng saksi sunah rueh kaulun atawa kabis. ²⁰ Ulun sa ngulah dusa harus natagur hang hadapan katuluh ungkup,nampan kawan ulun sa lain pada takut. ²¹ Hang hadapan Alatalla,Kristus Yesus andri kawan malekat sa tapidi,aku ilaku tatuu nampan hanyu makai kawan patitah yiri andri puang uweng dawaan nadap hie-hie nelang puang pada pihak mamihak. ²² Hanyu ada kajut hinang hanrapak tangan hang amau ulun maresmi pangangkatan ni jari palayan Tuhan.Amun ulun lain badusa ada umba pahawit hawuang dusa yiru.Jaga tenga nu nampan tatap paruna. ²³ Ada lagi ekat nggut ranu risak,uut pada hena butit anggur pakai ngarawah pancernaan nu,daya hanyu gaha sakit-sakitan. ²⁴ Dusa mehe ulun,kapihuan naadili,haut dinung andri batantu tuu.Kude dusa ulun lain wau rasa handrian udiyiru. ²⁵ Kalayiru pada kawan ulahan sa maeh palus dinung.Nelang biar sa puang hinang nadinung,sika puang tau lajur padina.