¹ Kawan ulun Kristen sa jari walah, harus nganggap tuan here patut nahormat, nampan ulun puang kaiyuh nangkurun ngaran Alatalla atawa pangajaran takam. ² Kawan walah sa tuanni ulun Jristen puang iyuh ngampahe tuanni daya here sameh ulun kristen.Likan here patut malayan tuan here yiru andri labis maeh lagi, daya tuan sa nalayani andri maeh yiru hanyeyiru sameh ulun parisaya sa nasinta.Hanyu harus ngajar nelang ngami nasehat neu katuluh yiti. Hal Ajaran Lain anri Sinta Duit ³ Hie sa ngajar lain teka yiru nelang puang katuju andri ajaran sa bujur teka Tuhan takam Yesus Kristus nelang andri ajaran agama takam, ⁴ hanyeyiry ulun sakah nelang puang karasa inun-inun!panyakit ni hanyeyiru katuju basual nelang ipamanas neu kawan pangutuhan hampe nimbul kawan kasiwa,pipasahan,puntaka,suriga hal sa puang naeh. ⁵ nelang pirawekan sa puang galis-galisni. Sara vapikir kawan ulun yiru haut patitah nelang puang bujur.Here minda tau kaiyuh tatau teka agama. ⁶ Samula tuu agama ngami kauntungan sa hante,amun ulun kaingkam sukup andri sa naan hang hanye. ⁷ Daya takam hawi ma dunia yiti puang uweng nginsing inun-inun,nelang takam kaluar teka dunia puang uweng nginsing inun-inun. ⁸ Jari amun naan kutaen andri pama pakaian,yiru haut sukup. ⁹ Kude ulun sa hamen tatau,tagoda nelang taawet daya wahai masam kabahirien sa lunga nelang sa nanrusak.Kawan kabahirien yiru ngulah ulun rusak hansur binasa. ¹⁰ Daya teka sinta ma duit,hawi wahai masam kajahaten.Naan mehe ni daya sinta ma duit hampe puang lagi ngalut ajaran Kristen,balalu here wuah kahanangen sa ngampi lenuh atei here. Papire Hal sa Harus Naitung ¹¹ Kude hanyu,ulun wat Alatalla,sanawit katantuluhni yiru.Ware hanyu ngakali jari ulun sa mawitu bujur hang mate Alatalla,sa nyarah pamelum ma hanye,parisaya ma Kristus,sinta ma sasameh marunsia,sabar hawuang kahanangen nelang maeh tingkah laku andri lamah lambut. ¹² Ware hanyu bajuang tatuu nampan welum yalah ulun Kristen nampan hanyu kaiyuh nanrabut hadiah pamelum sajati palus kalalawah.Daya neu yiru sabujur ni Alatalla nerau hang awuk hanyu mangaku hang hadapan ulun rama sa hanyu parisaya ma Kristus. ¹³ Nelang itati,hang hadapan Alatalla sa ngami pahewukan ma alakatantuluh,nelang hang hadapa Kristus Yesus sa ngami kasaksian sa bujur ma hi Pontius Pilatus,aku laku yiti teka hanyu, ¹⁴ Ware hanyu ngalut nuu ma katuluh parentah yiru andri maeh nelang puang uweng wadaan ni hampe hang andau Tuhan takam Yesus Kristus hawi kamulek. ¹⁵ Pihawianni sagar na tukas hang wayah sa pas tuu daya Alatalla raerai. Hanye panguasa,hanye mulia,Raja katuluh kawan raja, nelang Tuhan katuluh kawan tuan. ¹⁶ Ekat hanye sa puang nakuasa daya pampatei,hanye welum hang wuang sahaya sa ouang kaiyuh nasarita daya hie-hie.Puang uweng erang jaulun marunsia sa suah kadinung hanye atawa kaiyuh ninung hanye.Ma hanye hormat nelang kuasa palus makalalawah,Amen. ¹⁷ Ma kawan ulun sa tatau hang dunia yiti, ware hanyu ilaku nampan here ada sakah nelang ada harap ma jawan banda sa puang tatap-umpamani andri katatauen.Here harus garap ma Alatalla sa ngami alakatuluh ma takam andri jubung nampan takam tau nguta makauni. ¹⁸ Laku ma here nampan nantarang pikaeh,andri wahai ngulah ala maeh,matau maeh atei nelang katuju ngami. ¹⁹ Andri kalayiru here ngumpul harata sa jari modal sa maeh ma hanrian andrau.Nelang andri kalayiru here sagar kaiyuh pamelum sa kalalawah,hanyeyiru pamelum sa sajati. ²⁰ Timotius, nakalelo inun sa haut naparisaya witu hanyu. Nasanawit paneran sa duniawi anri ipusu nelang sa ngulah hual ialah na antuh " Pengetahuan", ²¹ sa naakui, iman papire ulun sa haut manyimpang. Ahilelo nyindrah hanyu.