¹ Roh Alatalla andri putes kaeau hang kawan andrau hanrian,mehe ni ulun sagar marutad,puang mangaku Kristus.Here sagar ngalut nuu ma kawan roh sa nyantawang nelang ngalut kawan ajaran roh jahat. ² sa natahampe mitah kawan ulun pura pura sa ipusu.Atei kawan ulun yiru haut maieng ³ Here ngajar ulun nampan puang kawin nelang puang nguta kutaen sa bapidi.padahal kutaen yiru na ulah daya Alatalla neu nakuta andri ngantuh tarima kasis ma hanye daya kawan ulun sa parisay ma Kristus nelang haut kataru ajaran sa bujur teka Alatalla. ⁴ Ala katuluhan sa naulah daya Alatalla yiru maeh,nelang puang uweng sunah isa harus na anggap padi(haram) amun haut na tarime andri ngantuh tarimakasih ma Alatalla. ⁵ Daya verkat teka Alatalla nelang doa ngulah kutaen yiru jari halal. ⁶ Amun hanyu ngajar alakatuluh yiru ma kawan pulaksanai sa mira kaparisayaan,hanyu sagar jari palayan Kristus Yesus sa bagawi andri maeh.Nelang hanyu sagar sarantang mamalihara batin nu makai lengan Alatalla sa naparisaya, nelang andri kawan ajaran sa bujur sa haut napalupui nu salawah yiti. ⁷ Sanawit kawan sarita tahayul sa puang bariran.ware hanyu malatih tenga nu ma pamelum sa baibadat. ⁸ Latihan jasmani duhu riranni,kude latihan rohani bariran hang katuluh hal,daya uweng janji ma pamelum hang wayah itati nelang hang wayahhandrian. ⁹ Hal yiru bujur nelang patut natarime nelang naparisaya katuluhni. ¹⁰ Yiru sabab ni takam bajuang nelang bagawi bahimat,daya takam harap andri sagalisni ma Alatalla sa welum,hanyeyiru jurusalamat katuluh ulun,samanbatang tuu kawan ulun sa parisaya. ¹¹ Ajar yiru katuluhni nelang huyu ulun rama ngalutni. ¹² Ada maladar sunah erang kaulun nganggap hanyu randah daya hanyu lagi iya. Kabalikanni,ware hanyu jari suntu ma kawan ulun sa parisaya hawuang paner gamungan andri tingkah laku nu,hang sara hanyu sinta sasameh marunsia nelang parisaya ma Yesus Kristus,nelang andri pamelum nu sa paruna. ¹³ Kamulek, padingian hampe aku hawi die,hanyu harus bahimat mambasa surat Barasis ma kawan uln yiru nelang ngami samangat sindrah ngajar here. ¹⁴ Ada hanyu puang makai pangamian teka Alatalla sa na ami ma hanyu hang awuk kawan pamimpin ungkup hanrapak tangan here amau ulu nu, nelang kawan nabi nampe pesen Alatalla neu diri nu. ¹⁵ Ulah katuluh ni yiru andri bahimat numpan kamajuan nu nadinung daya ulun katuluh. ¹⁶ Jaga tenga nu nelang najaga ajaran nu.Ware hanyu satia nampalus katuluh yiru.daya andri kalayiru hayu sagar nyalamat hau tenganu raerai atawa kawan ulun sa nyanrengei lengan ajaran nu. nyanrenge