¹ Bujur tuu lengan yiti,"ulun hamen jari pamimpin ungkup,hanye sidi isa pagawian sa tuu baharag." ² Erang kaulun pamimpin ungup patut erang kaulun sa puang uweng nawada,matueh wawei ekat isa,kaiyuh nahan diri,sabar, bijaksana,tartip,hanye aria narime ulun hang lewu ni,nelang tau ngajar ulun, ³ ada ulun pamahamui,atawa ulun gaha babur.Kabalikan ni hanye harus lamah lambut nelang katuju damai.Hanye puang mata duitan. ⁴ Hanye harus tahu ngatur lewu rean ni adri maeh,nelang ngajar kawan anak ni ngalut nuu nelang hormat ma hanye. ⁵ Daya amun ulun puang tau ngatur lewu reanni raerai,kalawe wangun hanye kaiyuh ngatur ungkup Alatalla? ⁶ Erang kaulun pamimpin ungkup puang iyuh ulun sa wau jari ungkup,daya die hanye jari sakah balalu ta sa apa kala iblis dahulu sadi. ⁷ Hanye harus erang kaulun sa ngaranni maeh hawuang masayarakat,daya amun puang kalayiru,himat hanye sagar na wawarah ulun,balalu lawu mawuang jabak iblis. Syarat-Syarat Ungkup ⁸ Palayan ungkup patut pada erang kaulun sa maeh nelang jujur,puang mata duitan nelang puang hamen nguut anggur kajut hene. ⁹ Here harus itegei mansing hang ajaran kaparisayaan Kristen sa haut nelalea daya Alatalla makai atei kunuan sa maeh. ¹⁰ Ware hanye na uji dahulu,nelang amun bawilah here puang uweng wadaan ni,wau here iyuh malayani ungkup. ¹¹ Matueh wawei here pada harus erang ka ulun sa maeh,puang ulun sa katuju ngulah paner. Here harus tau nahan diri nelang jujur hawuan ala katuluhan ni. ¹² Palayan ungkup harus ekat naan erang kaulun matueh wawei.Hanye harus tau ngatur kawan anak ni pada lewu reanni andri maeh. ¹³ Kawan ulun sa malayani andri maeh huwuang ungkup,sagar na hormat nelang magin heei bapaner neu kaparisayaan here ma Kristus. Rahasia Takam sa Ngunu ¹⁴ Aku harap puang lawah lagi aku sagar nunung hanyu. Kude biar kalayiru,aku pada nulis surat yiti ma hanyu, ¹⁵ nampan amun aku unte hawi, hanyu haut karasa kewangun takam harus welun yalah kaluarga Alatalla,hanyeyiru ungkup Alatalla sa welum.Ungkup yiti sa jari andri pangkur nelang panyangga ajaran sa bujur teka Alatalla. ¹⁶ Puang uweng sunah erang kaulun sa kaiyuh nawan kalaawe hante ni rahasia agama takam: Hanye nantarang tenga hawuang wangun marunsia,nelang nakaku bujur daya Roh Alatalla,nelang na dinung daya kawan malekat.Kabar neu yiru nawara ma penah kawan bangsa,nelang hanye napaisaya hang litar dunia nelang naenat ma surga. naparisaya bangsa,nelana wsra m dinung daya kawan malekat.