¹ Samabatang,aku ilaku tatuu nampan pilakuan,sumbayang andri doa syafaat nelang lengan tarima kasih sa natahampe ma Alatalla andri ma katuluh ulun, ² ma kawan raja andri ma katuluh ulun sa ngenei kuasa. Laku nampan takam welum damai ma Alatalla andri tingkah laku sa maeh. ³ Yiru sa maeh nelang sa ngampi sanang atei Alatalla,jurusalamat takam. ⁴ Hanye hamen nampan katuluh ulun nasalamat nelang karasa sa bujur. ⁵ Daya, ekat naan isa Alatalla, nelang ekat isa ulun helang-helang Alatalla andri marunsia,hanyeyiru Kristus Yesus. ⁶ Hanye erang kaulun marunsia sa haut nyarah tenga ni pakai newuh katuluh ulun teka kawan dusa here.Andri kalayiru Alatalla nantarang hang wayah sa pas tuu,hanye hamen katuluh ulun nasalamat. ⁷ Nelang daya yiru aku nahuyu tulak ma kawan sa puang Yahudi nampan iwara ma here kabar neu kaparisayaan sa bujur.sa nawara ku yiti,yiru bujur. Aku puang ipusu. Wangun Kawan Upu anri Kawan Wawei Hantek Samayang ⁸ Aku hamen nampan kawan upu hang awe awe badoa andri atei sa barasis,puang sangit nelang puang uweng basual. ⁹ Ware kawan wawei maradu tenga ni andri sasadang wangun nelang makai pakaian sa pantas.Wangun hurutan wulu puang hampe babalabihan wangun atawa ada pakai parhiasan amas atawa mutiara,atawa kawan pama sa na pakai sa rarang. ¹⁰ Kabalikan ni, ware kawan wawei mahias tenga here makai kawan ulahan sa maeh manyu patut ma ulun wawei sa sumbayang ma Alatalla. ¹¹ Pipatut ni kawan wawei paajar andri suni nelang ngalut nuu andri babujur. ¹² Aku puang katuju wawei ngajar atawa marentah ulun upu,here harus suni. ¹³ Daya sa samanbatang neulah hanyeyiru hi Adam nelang udi yiru hi Hawa. ¹⁴ Nelang puang hi Adam malainkan hi Hawa sa wuah tipu,hampe malanggar parentah Alatalla. ¹⁵ Biar kalayiru, wawie sagar salamat gana ngayaan anak,asal hanye andri ime arei tatap parisaya ma Kristus nelang tatap sinta ma ulun lain nelang welum hulung ma Alatalla.