Pamelum sa Nampiaray Alatalla ¹ Ahirni. kawan pulaksanai, kami ilaku anri ipatataannu wuang TuhanYesus nampan nyalah sa haut hanyu tarime teka kami hal kala awe hanyu harus welum anri nampiaray Alatalla, naulah leh iru bujur-bujur. ² Deya, hanyu karasa perintah-perintah inun sa haut kami wara ma hanyu mitah kuasa Tuhan Yesus. ³ Deya, atilah sa na kahakunen Alatalla: pengudusanmu*, bahwa hanyu mahulu hingka percabulan; ⁴ daya hanyu asing-asing karasa kalaawe menguasai tengaknu re'rai wuang kakudusan anri kahormatan, ⁵ puang wuang gairah sa penu nafsu nyalah kala kawan ulun sa puang kataru Alatalla, ⁶ nampan ada naan isapun sa malanggar anri manipu pulaksanai ni wuang hal yena. Deya, Tuhan adalah panyamaleh hingka katuluh yena, nyalah kala sa kami iwara sa hu'anni anri kami paringatkan bujur-bujur ma hanyu. ⁷ Alatalla nerau takam puang neu sapuangbarasis, sabalikni nampan takam welum barasis. ⁸ Maka deya iru, hie pun sa manolak ajaran yena, puang manolak murunsia, tapi manolak Alatalla, sa ngamik Roh Barasis-Ni* mahanyu. ⁹ Ekatni, hal kasih patawarian, hanyu puang parlu isa kaulun pakai nyurat ma hanyu daya hanyu re'rai haut na ajar Alatalla neu pangalelu. ¹⁰ Puang ekat iru, hanyu haut manggawini ma katuluh pulaksanai sa naan hang Makedonia. Kude yeru, Kawan pulaksanai, kami ilaku tatu'u ma hanyu nampan hanyu magin lagi ngulahni, ¹¹ anri bausaha neu welum tanang, urusleh urusan-urusannu re'rai, anri bagawileh pakai tangannu re'rai, kala sa haut kami ajar ma hanyu, ¹² nampan hanyu kaiyuh manjalani welum sa patut na hadapan kawan ulun luar anri puang kakurangen inun-inun. kahawian Tuhan ¹³ Kawan pulaksanai, kami ang hakun hanyu puang karasa hal kawan ulun sa haut matei nampan hanyu puang badukacita nyalah kawan ulun sa mahi pangharapan. ¹⁴ Deya, dami takam parasaya bahwa Yesus haut matei balalu amuan pudi, takam pada parasaya bahwa Alatalla ka'i mangumpulkan here sa matei hang wuang Yesus baya anri Hanye. ¹⁵ Kami kaeau hal yena ma hanyu anri firman Tuhan, bahwa takam sa lagi welum, sa masih naan hampe Tuhan hawi, puang sagar mandahului here sa haut matei. ¹⁶ Tuhan re'rai ka'i minau teka surga anri maharek, lengan teka penghulu malaikat, anri lengan terompet Alatalla, anri kawan ulun sa matei wuang Kristus ka'i amuan badahulu. ¹⁷ Balalu, takam sa lagi welum, sa masih muneng, ka'i naenat sindrah wuang awan-awan baya here neu panalu anri Tuhan hang udara, kalayerulah pada takam dieni baya Tuhan salawahan. ¹⁸ Dayairu, hiburleh isa anri sa lain anri kawan paneran yena.