Basiapleh pakai kahawian Tuhan ¹ Wayahyena, Kawan Pulaksanai, hal wayahni anri zamanni, puang sah nasurat ma hanyu. ² Deya, hanyu re'rai bujur-bujur karasa bahwa Tuhan ka'i hawi ialah pangalat hawi penah malem. ³ Hantek kawan ulun kaeau, "Damai anri aman," kabinasaan ka'i hawi ma here bakajut, ialah sameh hanang here wawei sa hamen nganak, anri here ang bakalan panai nempat. ⁴ Kude, kawan pulaksanai, hanyu puang welum wuang maiyeng nampe anrau yeru hawi nunung hanyu ialah hi pangalat. ⁵ Hanyu katuluhni ialah kawan iak ra'ay anri kawan iak kaandrau. Takam yena puang ba'asal hingka alam kamalem atawa pulau sa maiyeng. ⁶ Dayairu, ada takam mandre ialah kala ulun sa lain, ware takam tatap kaelan anri waspada. ⁷ Ulun sa mandre, mandre malem andrau anri ulun sa mabuk, pada mabuk malem andrau. ⁸ Kude, deya takam hi kawan iak kaandrau, hayo takam sadar, mamakai lama zirah, iman anri kasih, nelang mamakai ketopong pangharapen ma kaselamatan. ⁹ Alatalla puang kalewa takam neu mangalami murka, kude neu narime kaselamatan mitah Tuhan takam, Yesus Kristus, ¹⁰ sa haut matei neu takam nampan takam, rahat kaelan atawa tapa andre, kaiyuh muneng baya-Ni. ¹¹ Deya iru, tampikuatleh isa anri sa lain nelang saling nampiamuan iman, kala sa rahat hanyu ulah wayah yena. Tataan Pangalisan anri Tabe ¹² Kawan pulaksanai, kami ilaku ma naun neu manghormati here sa bahimat bagawi hang helangnu, anri sa mamimpin wuang Tuhan, anri sa managurnu. ¹³ Hargailah here bujur-bujur wuang kasih deya gawian here. Welumlah irakat isa anri sa lain. ¹⁴ Kami baharap ma hanyu, kawan pulaksanai, tagurleh here sa welum tu'u maule, tampi kuat here sa maleme atei, awatleh here sa maka ahi, anri basabarleh ma katuluh ulun. ¹⁵ Nakatawanilah nampan ada naan ulun sa nyamaleh maraat anri maraat, sabalikni bausaha eleh ngulah pamelum sa maeh hang helangnu pakai katuluh ulun. ¹⁶ Welumleh anri aray! ¹⁷ taruslah badoa! ¹⁸ Antuh syukurleh wuang masam hal. Deya, yerulah sa nakunu Alatalla ma hanyu hang wuang Yesus. ¹⁹ Ada nampare apui Roh!* ²⁰ Ada nantau ime kawan nubuat!* ²¹ Kude, na ujimasam hal! Tegeileh inun sa maeh! ²² Mahulu hingka katuluh sa maraat. ²³ Bahara, Alatalla sa damai sejahtera yeru nampibarasis hanyu katuluhni. Kiranya roh, jiwa anri tenganu nakalelu katuluhni, mahi sa cacat hampe pihawian Tuhan takam, Kristus Yesus. ²⁴ Hanye sa nerau hanyu adalah satia. Hanye pasti sagar manggawini. ²⁵ Kawan pulaksanai, badualeh pada ma kami! ²⁶ Amileh tabe ma katuluh pulaksanai pakai siuk barasis. ²⁷ Aku ilaku ma hanyu bujur-bujur dami aran Tuhan, nampan mambasa surat yena ma katuluh pulaksanai hang yaru. ²⁸ Anugerah Tuhan takam, Kristus Yesus, ngiring pamelum naun.