¹ Habar Maeh teka Timotius hal Ungkup hang Tesalonika Daya yeru, hantek kami haut puang tahan lagi, kami ipakat neu muneng re'rai hang Atena, ² anri ngutus hi Timotius, pulaksanai kami anri pelayan Alatalla, anri kapanan hengau sagawian kami wuang Injil Kristus, nuju hanyu pakai nampikuat anri ipatataan hanyu takait anri imannu, ³ nampan ada ka isapun sa na goyahkan daya kararaan yena,. Deya, hanyu re'rai karasa bahwa takam memang haut na tantukan kalairu. ⁴ Ekat ni, hantek kami baya hanyu, kami haut iwara eleh ma hanyu bahwa takam sagar narime rara, maka yerulah sa haut bakajadian nyalah sa hanyu karasa. ⁵ Deya iru, dami aku haut puang ka'ule lagi, aku mangutus pakai mangarasa imannu. Aku takut, hie karasa hi penggoda haut mamikat hanyu balalu usaha kami jari sia-sia. ⁶ Ekat ni wayah ina, Timotius haut waleng ma kami udi teka unengnu, nelang haut ngenei habar maeh hal iman anri kasihnu ma kami, bahwa hanyu selalu nyimuh kesah sa maeh hal kami anri rindu panalu kami, nyalah kami pada rindu hamen panalu hanyu. ⁷ Maka yeru, kawan pulaksanai, wuang katuluh kasusahan yena, kami tahibur dayanu mitah imannu. ⁸ Wayah ina, kami welum pabila hanyu mindri taguh wuang Tuhan. ⁹ Deya, antuhan syukur inun sah sa kaiyuh kami persembahkan ma Alatalla daya hanyu, pakai nahurup katuluh aray sa kami rasakan na hadapa Alatalla daya hanyu? ¹⁰ Ka andrau kami badoa anri bujur-bujur neu kami ta'u panalu hanyu lagi, nampan kaiyuh nampilangkap sa masih kurang ma imannu. ¹¹ Wayah ina, elah ni Alatalla anri Amah re'rai, anri Yesus, Tuhan takam, sa ngarah lalan kami nuju hanyu. ¹² Kiranya Tuhan nampijari hanyu batumuh anri penu wuang kasih neu ma sa lain, anri ma katuluh ulun, nyalah inun sa haut kami ulah ma hanyu. ¹³ Kiranya hanye nampi taguh ateinu puang bacacat wuang kasucian na hahadapan Alatalla anri Amah takam hantek Tuhan takam hawi die, Yesus, baya kawan ulun kudusni.