¹ Pelayanan Paulus ma Ungkup hang Tesalonika Kawan pulaksanai, hanyu re'erai karasa bahwa kami nunung hanyu puang sia-sia. ² Biar kami rara dahulu ni, ialah sa hanyu karasa, naaniaya andri nahina hang Filipi, kami tatap he'ei hang wuang Alatalla neu mambaritakan Injil* Alatalla ma hanyu hang helang rama ni perlawanan. ³ Deya, patataan kami puang hengka kesesatan, ketidakmurnian, atawa hengka kepalsuan, ⁴ kude nyalah kami haut na satuju daya Alatalla pakai nampihabar Injil, kayeru ai kami bapaner, puang neu nampi aray atei murunsia, kude pakai nampi aray atei Alatalla sa manguji atei kami. ⁵ Kami ang suah hawi andri paner sa marayu, kala sa hanyu karasa, atawa pakai nampi tatau kami - Alatalla jari saksi kami. ⁶ Kami pada puang ngantara pujian teka murunsia, pada teka hanyu atawa hingka ulun sa lain, padahal nyalah kawan rasul Kristus, kami ta'u manuntut ni teka hanyu. ⁷ Nyatani, kami maeh ma hanyu, iyalah kala isa ineh sa pangempu kawan iak ni re'rai. ⁸ Jari, wuang kasih hayang sa hante ma hanyu, kami hamen ngami ma hanyu puang ekat Injil*Alatalla, sika pada pamelum kami yena daya kami hayang tu'u ma hanyu. ⁹ Deya, itung nu, kawan pulaksanai, usaha andri gawian weat kami, kala awe kami bagawi ka andrau ka malem nampan kami puang jari beban ma hanyu hantek kami nampihabar Injil* Alatalla ma hanyu. ¹⁰ Hanyu nyalah kawan saksi, andri kairu pada Alatalla, nelang suci ni, bujur, andri mahi celani kami welum hang helang hanyu sa parasaya. ¹¹ Nyalah hanyu haut karasa, kami matataan, mahibur, nunyu hanyu asing-asing, nyalah kala amah ma kawan iak ni re'rai, ¹² nampan hanyu welum nu'u aheng Alatalla sa nerau hanyu ma wuang karajaan andri kamuliaan-Ni re;rai. ¹³ Kami pada salalu basyukur ma Alatalla daya hal yena, yalah hantek hanyu narime firman Alatalla, sa haut hanyu karengei teka kami, hanyu narime ni puang daya na eau murunsia, tapi nyalah sa patut ni, yaitu eauan teka Alatalla sa rahat bagawi hang helang hanyu, kawan ulun parasaya. ¹⁴ Kawan pulaksanai, hanyu haut jari kawan ulun sa ngalut kawan ungkup Alatalla wuang Yesus Kristus sa naan hang Yudea daya hanyu pada haut mangalami rara sa sameh, sa naulah daya kawan ulun teka bangsanu re'rai, nyalah kala sa here ka ingkam hingka kawan ulun Yahudi ¹⁵ sa haut munu Tuhan Yesus anri para nabi,* nelang nampihulu kami. Here puang nampi aray Alatalla anri nawan katuluh ulun. ¹⁶ Here nguring kami bapaner ma kawan ulun sa lain ulun Yahudi neu here ta'u na salamatkan. Kala yeru eleh here nampipenu dosa here, kude yeru murka haut minau ma amau here katuluhni. Aheng hi Paulus neu Nunung molek ma Ungkup Tesalonika ¹⁷ Kawan pulaksanai, udi haut kami napisah anri hanyu erang itus - tenga ai, puang secara roh - ¹⁸ Daya, tamam rindu anri kami hamen tatu;u panalu hanyu, magin ni aku Paulus, haut pire kali, tapi iblis nahalang kami. ¹⁹ Deya hie sah harapen, piarayan, atawa ka esunan kami na hadapen Tuhan Yesus hantek Hanye hawi? ang hanyu? ²⁰ Hanyulah kemuliaan anri piarayan kami.