¹ Kawan pulaksanai sa nasinta, ada parisaya ma katuluh roh, kude ujileh kawan roh yiru nampan takam karasa inun here yiru hawini tika Alatalla daya rama kawan nabi palsu haut hawi ma dunia. ² Kalayina naun mantaru Roh Alatalla; setiap Roh sa mangaku bahwa Yesus Kristus haut hawi ma dunia jari murunsia hanyeyiru hingka Alatalla. ³ Satiap roh sa puang mengakui Yesus, puang hingka Alatalla. Yiru adalah roh musuh-Kristus, naun haut karengei sagar hawi nelang itati haut naan hang dinia yina. ⁴ Kawan Anakku, naun milik Alatalla naun haut nyantalau kawan nabi palsu yiru daya Roh sa naan hang tenga naun lebih hante tika roh sa naan hang dunia yina. ⁵ Kawan nabi palsu ru hingka dunia. Daya yiru, here bapaner hingka dunia balalu dunia nyandrengei here. ⁶ Takam anak Alatalla. Ulun sa kataru Alatalla nyandrengei takam, kude ulun sa puang hingka Alatalla puang nyandrengei takam. Kalayiru, takam karasa Roh sa bujur andri roh sa nyantawang. Ware Takam Saling Sinta ⁷ Kawan pulaksanaiku sa nasinta, ware takam sinta isa pada ma salain daya sinta yiru asalni tika Alatalla, satiap ulun sa sinta hanyeyiru anak Alatalla nelang kataru Alatalla. ⁸ Ulun sa puang sinta puang kataru Alatalla daya Alatalla yiru sinta. ⁹ Kalayina sinta Alatalla na tantarangni hang penah takam ; Alatalla haut ngirim AnakNi Sa Tungkan ma dunia yina nampan takam kaiuh pamelum mitah Hanye. ¹⁰ Hangwuang ni sinta yiru; puang takam sa sinta Alatalla, kude Alatalla sa sinta ma takam nelang ngirim Anak-Ni nampan mitah Hanye takam kaiyuh keampunan kawan dosa takam. ¹¹ Kawan pulaksanai sa na sinta, amun Alatalla kairu sinta ma takam, takam pada harus sinta isa pada ma sa lain. ¹² Puang uweng ulun sa suah kadinung Alatalla. Kude amun takam sinta isa andri sa lain, Alatalla baya anri takam nelang sinta-Ni jari paruna hawuang diri takam. ¹³ Takam karasa bahwa takam welum baya anri Alatalla nelang Alatalla welum anri takam daya Alatalla haut ngami ma takam Roh-Ni. ¹⁴ Pada, kami haut kadinung pada basaksi bahwa Alatalla haut ngutus Anak-Ni jari Juruselamat dunia. ¹⁵ Satiap ulun sa mangaku Yesus yiru Anak Alatalla, Alatalla ibaya anri ulun yiru nelang ulun yiru welum pada ibaya anri Alatalla. ¹⁶ Jari, takam haut karasa pada parisaya sinta Alatalla ma takam. Alatalla yiru sinta, ulun sa naparintah daya sinta, ulun yiru muneng baya Alatalla nelang Alatalla baya anri hanye. ¹⁷ Daya yiru, sinta paruna hawuang diri takam nampan takam naan kaheeien hang Andrau Pengadilan daya pamelum takam hang dunia yina sameh ialah Kristus. ¹⁸ Puang uweng kaingkam takut hang wuang sinta, daya sinta sa paruna nyamawai katuluh pangingkaman takut daya takut nadap andrau pengadilan. Ulun sa takut, huan paruna hawuang sinta. ¹⁹ Takam sinta daya Alatalla haut labih dahulu sinta ma takam. ²⁰ Amun naan ulun kaeau, ''Aku sinta Alatalla'', kude puang sinta anri pulaksanaini, ulun yiru mapusu. Daya ulun sa puang tau sinta anri pulaksanai sa nadinungni, puang maka sinta Alatalla sa puang hanye kadinung. ²¹ Daya yiru, parintah Alatalla ma takam; Hie sa sinta Alatalla, harus pada sinta anri pulaksanaini pada.