¹ Fagnamarihagnna: Zahavo ny fagnamarihagna mahakasik'i Jaona7:53-8:11 aketo ambony) Nandaiha an-tanetin'i Oliva Jesôsy. ² Vao marandraigny dia nadaiha an-tempoly indraiky Izy, ary ny ôlogno jiaby nagnatogno Azy; nipaitraka Izy avakeo nampianatra zareo. ³ Reo mpanora-dalagna ndraiky reo Fariseo dia nitondra vaiavy araiky takatra nijangajanga. Nambailan-jare tagnivo izy. ⁴ (Fagnamarihagna: Zahavo ny fagnamarihagna momban'i Jaona7:53-8:11 aketo ambony) Aveo hoizy zareo taminazy: "Oa mpagnanatra, tô vaiavy tô takatray tam-pijangajangagna. ⁵ Ary ao amin'ny lalàgna, Mosesy nagniraka zahay mbô hitopiagna vato ny ôlogno hotra zany; ino no ambaranao azy?" ⁶ Nivolagnin-jareo hamandriky Azy faogna kanaifa zany mbô ahafahan-jareo magnameloko Azy, fao Jesôsy ndraiky niondriky avakeo nanaoratra tamin'ny tany tamin'ny ratsantagnany. ⁷ (Fagnamarihagna: Zahavo ny fagnamarihagna momban'i Jaona7:53-8:11 aketo ambony) Koafa nagnapaitraka fagnontaniagna taminazy hatragny zareo, dia nitsangagna Izy kay nivaolagna zareo nagnanjao: "Zay tsy nanota taminareo aoka izy no hanopy vato azy voalaohany." ⁸ Dia nondriky Izy, aveo nanaoratra tamin'ny tany tamin'ny ratsantagnany. ⁹ (Fagnamarihagna: Zahavo ny fagnamarihagna momban'i Jaona7:53-8:11 aketo ambony) Koafa nitandregny zany zareo, dia niala tsiaraikiaraiky, nanomboka tamin'ny taigna zokiny. Ary ny farany dia Jesôsy zeraiky faogna tavaila teo, niaraka tamin'ny lehy vaiavy zay teo agnivony. ¹⁰ Nitsangagna Jesôsy kay nivaolagna taminazy nagnanjao: "Ravehivavy, fa lôsogno aiza zareo mpagnameloko anao? ¹¹ Tsisy magnameloko anao moa? Hoizy: "Tsisy, Tompoko." Ary hoizy Jesôsy: "Tsy magnameloko anao Zaho. Mandihiana aveo aza manota eky.] ¹² Nivaolagna tamin-jareo indraiky Jesôsy nagnanjao: "Zaho no fahazavagnan'izao tontolo zao; zay magnaraka Zaho tsy handaiha amin'ny hizigny fao hanagna fahazavagnan'ny fiainagna." ¹³ Hoizy Fariseo taminazy: "Anao magnambara haigninao; tsy marigny ny fagnambaragnanao." ¹⁴ Jesôsy namaly kay nagnanjao tamin-jareo: "Na dia magnambara haigninaha aby Zaho, marigny ny fagnambarako. Haiky ny nihaviako ndraiky làlagna mboako, fao areo ndraiky tsy mahay zay nihaviako na zay mboako. ¹⁵ Areo mitsara araka ny nôfo; fao Zaho tsy mitsara na zôvy na zôvy. ¹⁶ Na dia mitsara aby Zaho; marigny ny fitsarako satria tsy araiky Zaho, fao miaraka amin'ny Iadako zay nagniraka Zaho. ¹⁷ Ia, ary ao amin'ny lalàgnanareo dia voasaoratra fao marigny ny fitsanganan'ny ôlogno aroa antomoa. ¹⁸ Zaho magnamabara ny haigninaha, avakeo Iada zay nagniraka Zaho faogna koa dia magnambara Zaho." ¹⁹ Hoizy reo taminazy: "Aiza ny Iadanao?" Jesôsy namaly: "Tsy hainareo na Zaho na ny Iadako; raha nahay Zaha areo, dia mahay iadako koa." ²⁰ Teo narikitry fandatsahagna rakitry Izy nivaolagna zany vaolagna zany raha tô Izy nampianatra teo amin'ny tempoly tô, avakeo tsisy nanambotro Azy satria tsy mbôla tonga ny fotoagna. ²¹ Ary hoizy ndraiky tamin-jareo: "Andaiha Zaho; hizaha Zaho areo ary hifoaty amin'ny fahotagnanareo. Zay mboako, dia tsy ho azonareo mboagna." ²² Hoizy reo Jiosy nagnanjao: ''Hamono taigna moa Izy? Zany moa no antony nivolagnany nagnanjao: 'Zay himboako, dia tsy azonareo himboagna'?'' ²³ Hoizy Jesôsy tamin-jareo: "Avy etoy ambany areo; Zaho ndraiky avy akagny ambony. Avy amin'izao tontolo zao areo, fao Zaho tsy avy amin'izao tontolo zao. ²⁴ Noho zany, namabarako taminareo fao hifoaty ao amin'ny fahotagnanareo areo. Fao raha tsy mino areo fao ZAHO NO IZY, dia hifoaty amin'ny fahotagnanareo areo." ²⁵ Noho zany dia hoizy zareo taminazy nagnanjao: "Zôvy moa Anao?" Nivaolagna Jesôsy tamin-jareo: "Araka zay nambarako taminareo rango tam-boalaohany. ²⁶ Managna raha maro ho koragnigny ndraiky hitsaragna mahakasiky areo Zaho. Naifa, Izy zay nagniraka Zaho dia marigny; aveo reo raha zay regniky avy taminazy, dia hambarako amin'izao tontolo zao." ²⁷ Tsy azon'ny reo naifa fao Izy nikoragna tamin-jareo mahakasiky Iada. ²⁸ Nivaolagna Jesôsy: "Koafa asandratrareo ny Zanak'Ôlogno, dia ho hainareo fao Zaho no Izy, ary tsy magnano na ino na ino hoanaha Zaho. Araka ny nampianarin'ny Iada Zaho, no hikoragnako reo raha reo. ²⁹ Izy zay nagniraka Zaho dia miaraka aminaha, ary tsy magnambaila Zaho ho manaokagna Izy, noho Zaho magnano zay ankasitrahiny lalandava." ³⁰ Raha nivaolagna reo raha reo Jesôsy, dia maro no nino Azy. ³¹ Jesôsy nivaolagna tamin-jareo Jiosy zay nino Azy nagnanjao: "Raha midôko amin'ny vaolagna naha areo, dia ho taigna mpianatranaha; ³² ary ho hainareo ny marigny, ary ny marigny hagnafaka areo." ³³ Ary zareo namaly Azy nagnanjao: "Taranak'i Abrahama zahay ary tsy mbôla andevoziny na zôvy na zôvy letrizay; koa akôry no hivolagnanao: 'Hoafaka areo'?'' ³⁴ Jesôsy namaly zareo nagnanjao: "Volagniky aminareo marigny, bahery marigny, fao reo zay manota dia andevon'ny ota. ³⁵ Ny andevo tsy midôko antragno bariky dintany; fao ny zanaka no midôko bariky dintany. ³⁶ Noho zany, raha ny Zanaka no magnafaka areo, taigna hoafaka areo. ³⁷ Haiky fao taranak'i Abrahama; mizaha zay hahafaty Zaho satria tsy managna toairagna aminareo ny vaolagna naha. ³⁸ Mivaolagna zay hitako niaraka tamin'ny Iadako Zaho, avakeo areo koa magnano zay regninareo tamin'ny Iadanareo." ³⁹ Namaly zareo kay nivaolagna taminazy nagnanjao: "Abrahama iadanay." Jesôsy nivaolagna zareo: "Raha zanak'i Abrahama areo, hagnano asan'i Abrahama. ⁴⁰ Naifa, zeo areo mitady hamono Zaho, zay lalahy nivaolagna taminareo ny marigny zay regniky tamin-Jagnahary. Abrahama tsy nagnano zany. ⁴¹ Areo magnano ny asan'ny iadanareo." Hoizy zareo taminazy: "Tsy tairaka tamin'ny fijangajangagna zahay; araiky faogna Iadanay: dia Zagnahary." ⁴² Jesôsy nivaolagna zareo nagnanjao: "Raha Zagnahary Iadanareo, dia tôkony ho tia Zaho areo, satria avy tamin-Jagnahary naviako ndraiky nandihianako atoy; fao tsy tonga hoazy Zaho, fao Izy nagniraka Zaho. ⁴³ Nagnino tsy azonareo vaolagnanaha? Zany satria tsy afaka hagneky ny taignako areo. ⁴⁴ Avy amin'ny iadanareo areo, lehy devoly, ary ny tianareo tsabogny dia ny filagna zay nitsabon'ny iadanareo. Mpamono ôlogno rango zay izy ary tsy mitsangagna amin'ny fahamarignagna satria tsisy marigny ao aminazy. Koafa mavandy izy dia ny toaitra fatany faogna volagniny satria mpavandy izy ary iadan'ny vandy. ⁴⁵ Naifa, satria mivaolagna marigny Zaho, dia tsy mino Zaho areo. ⁴⁶ Zôvy aminareo magnameloko Zaho amin'ny fahotagna? Raha mivaolagna marigny Zaho, nagnino tsy hinoanareo? ⁴⁷ Zay avy amin-Jagnahary mitandregny vaolagna Zagnahary; Tsy mitandregny zany areo satria tsy avy amin-Jagnahary." ⁴⁸ Namaly reo Jiosy kay nivaolagna taminazy nagnanjao: "Moa tsy mivaolagna marigny zahay fao Samaritana Aanao avakeo misy masantôko?" ⁴⁹ Jesôsy namaly nagnanjao: "Tsisy masantôko Zaho, fao magnamia vogninahitry Iadako, ary areo tsy magnamia vogninahitry Zaho. ⁵⁰ Tsy mitady vogninahitry Zaho; misy araiky mitady ndraiky mitsara. ⁵¹ Volagniky aminareo, marigny, taigna marigny, fao raha misy mitandrigny vaolagna naha, tsy hahita fahafataisagna bariky dintany izy." ⁵² Nivaolagna reo Jiosy taminazy: Zeo hainay fao managna masantôko Anao. Afa maty Abrahama ndraiky mpagnazary; naifa Anao mivaolagna: 'Raha misy mitandrigny ny vaolagna naha, dia tsy hahita fahafataisagna bariky dintany izy.' ⁵³ Tsy goalahy noho ny iadanay Abrahama zay afa maty Anao, sa moa goalahy? Reo mpagnazary faogna koa dia maty. Magnano ny haigninao ho zôvy moa Anao?" ⁵⁴ Jesôsy namaly: "Raha mankalaza haigninaha Zaho, ho tsinotsinona ny vogninahitro; ny Iadako zay atanareo ho Zagnahary no mankalaza Zaho. ⁵⁵ Tsy hainareo Izy, fao Zaho mahay Azy. Raha mvaolagna Zaho magnanjao: 'tsy mahay Azy Zaho,' dia ho taokagna areo, mpavandy. Naifa haiko Izy kay mitandrigny vaolagna nazy Zaho. ⁵⁶ Ny iadanareo niafy nahita andronaha; nahita zany izy dia ravo." ⁵⁷ Nivaolagna reo Jiosy taminazy: "Mbôla tsy ampy dimam-pôlo tagno aby Anao, kay afa nahita Abrahama moa? ⁵⁸ Ary hoizy Jesôsy tamin-jareo: "Volagniky aminareo, marigny, taigna marigny, talaohany nahatirahan'i Abrahama, Zaho no Izy." ⁵⁹ Aveo nalaka vato hatopy Azy zareo, fao Jesôsy ndraiky nilaifa kay niboaka tempoly.