¹ Aveo nentin'i Pilato Jesôsy kay nipipohiny. ² Nandrandragna satroko fatsiky reo miaramila. Napaitraka zareo tamin'ny laohan'i Jesôsy zany aveo nampisikigny lamba vôlomparasy Azy. ³ Nagnatogno Azy zareo aveo nivaolagna nagnanjao: "Arahaba, mpanjakan'i Jiosy!" Aveo namboko Azy zareo. ⁴ Avakeo niboaka indraiky Pilato kay nivaolagna tamin-jareo nagnanjao: "Tô, ndesiky aminareo aketo ambailany Izy mbô hahaizanareo fao tsy mahita heloko Aminazy zaho." ⁵ Kay niboaka Jesôsy, nagnano lehy fehilaoha fatsiky ndraiky lehy lamba vôlomparasy. Hoizy Pilato tamin-ajareo: "Tô, tô lehy lalahy!" ⁶ Koafa hitan'ny laohany mpisôrogno ndraiky ny manambogninahitry Jesôsy, dia nangaiky mafy zareo kay nivaolagna nagnanjao: "Fantsaiho izy, fantsaiho izy!" Hoizy Pilato tamin-jareo: "Alaivonareo Izy avakeo fantsaiho, fao zaho tsy mahita heloko Aminazy." ⁷ Namaly azy reo Jiosy: "Managna lalàgna atsika, aveo ny lalàgna tôkony hofoaty Izy satria mitonon-tena ho Zanaka Zagnahary." ⁸ Koafa regnin'i Pilato zany fagnambaragna zany, nahay ambory izy, ⁹ aveo niditry tao amin'ny Lapam-panjakagna ndraimandaiha izy kay nivaolagna tamin'i Jesôsy nagnanjao: "Avaiza ny faviagnanao?" Naifa tsy nagnamia valin-teny azy Jesôsy. ¹⁰ Avakeo Pilato nivaolagna taminazy nagnanjao: "Tsy managna ambara aminaha moa anao? Tsy hainao moa fao managna fahefagna hamôtsotro Anao zaho, ndraiky fahefagna hamantsiky Anao?" ¹¹ Namaly Jesôsy: "Tsy managna fahefagna Aminaha anao raha tsy namiagna anao avy akagny ambony zany. Noho zany, izy zay nanolaoragna Zaho taminao dia managna heloko maromaro." ¹² Tamin'ny zany valin-teny zany, dia niaizaka ny hagnafaka Azy Pilato, fao nagaikingaiky mafy reo Jiosy, nagnanjao: "Raha avôtsotroa lalahy io dia tsy naman'i Kaisara anao. Zay jiaby magnano haigniny ho mpanjaka dia manohitry Kaisara." ¹³ Koafa regnin'i Pilato vaolagna reo, dia nindesin-jareo niboaka Jesôsy aveo nantotry teo amin'ny Sezy fitsaragna zay antsôvigny "Lampivato," fao amin'ny vaolagna Hebreo hoe ''Gabato." ¹⁴ Ary tonga ny andro fagnomanagna ny Paska, teo amin'ny fotoagna faha enigny teo. Hoizy Pilato tamin- jareo: "Tô, tô ny mpanjakanareo!'' ¹⁵ nangaiky mafy zareo nagnanjao: ''Ambilao Izy, ambilao Izy; fantsaiho Izy!'' Hoizy Pilato tamin-jareo: ''Tôkony hamantsiky mpanjakanareo moa zaho?" Namaly reo laohan'ny mpisôrogno nagnanjao: "Tsy managna mpanjaka ankoatran'i Kaisara zahay.'' ¹⁶ Aveo natôlotr'i Pilato zareo ho fantsaihagna Jesôsy. ¹⁷ Avakeo nalain-jareo Jesôsy, ary nandaifa niboaka izy, nilanja kakazofijaliagna, hoagny amin'lehy toairagna antsôvigny hoe"Toeran'ny Karandaoha," zay amin'ny Hebreo antsôvigny: "Golgota." ¹⁸ Nifantsaihan-jareo tagny Jesôsy, aveo nisy lalahy aroa hafa niaraka taminazy, araiky isaky ny ilaigny, aveo Jesôsy tagnivony. ¹⁹ Nanaoratra famantaragna faogna koa Pilato avakeo namaitraka zany teo amin'ny kakazo fijaliagna. Zao no voasaoratra teo: JESÔSY AVY AKAGNY NAZARETA, LEHY MPANJAKAN'NY JIOSY. ²⁰ Maro tamin'reo Jiosy no namaky zany famantaragna zany satria tsy lavitry tanagna no misy toairagna namatsaihagna Jesôsy. Ilay famantaragna dia nosoratagna tamin'ny hebreo, Latina, ary Grika. ²¹ Aveo hoizy laohan'ny mpisôrogno jiosy tamin'i Pilato nagnanjao: "Aza soroatagna hoe: 'Lehy mpanjakan'ny Jiosy,' fao aleo hoe: 'Tô araiky tô nivaolagna hoe: "Zaho no mpanjakan'ny Jiosy."' ²² Aveo namaly Pilato nagnanjao: "Zay voasaoratra dia voasaoratra." ²³ Koafa nifantsaihan-jareo miaramila Jesôsy, dia nalain-jareo lambanazy, kay nizarain-jareo aifatra, dia samy managna araiky aby reo; ary lehy ankanjo faogna koa. Ary tsisy vitrana lehy ankanjo, fao tenona araiky faogna. ²⁴ Aveo nifampiraisaka zareo nagnanjao: "Aleo tsy rovitintsika tô, fao ndraiky andaiha hilokagna ahitavagna zay mahazo azy." Nitranga zany mbô hahatantairaka ny Saoratra Masigny zay mivaolagna nagnanjao: "Nifampizaran-jareo ny lambanaha aveo nilokaigny ny fitafiako." Zany no nitsabon'ny reo miaramila. ²⁵ Avakeo nitsangagna teo narikitry kakazo fijaliagnan'i Jesôsy ny nininy, ny rahavavin-dreniny, Maria vadan'i Klopa, aveo Maria Mgdalaina. ²⁶ Koafa nahita ny nininy ndraiky reo mpianatra zay tiany nitsangagna teo narikitry teo Jesôsy, dia nivaolagna tamin'ny nininy Izy nagnanjao: "Ravehivavy, tô ny zanakao lahy!" ²⁷ Aveo hoizy tamin'ny mpianatra: "Tô, ny nininareo!'' Aveo tamin'ny zany fotoagna zany nalain'ny mpianatra hoagny aminazy izy. ²⁸ Tafaran'zany, koafa nahay fao vita ny raha jiaby kay mbô ho tantairaka ny Saoratra Masigny, dia hoizy Jesôsy: "Mangetaheta Zaho." ²⁹ Ary nisy tavoara feno divay marikivy nipaitraka teo amin'ny toairagna io, kay nasian-jareo divay marikivy ny siponjy kay notohizany tamin'ny hysopa aveo napaitany tamin'ny hysopa avakeo napaitapaitany tamin'ny vavanazy. ³⁰ Koafa nigiaka lehy vinaigra Jesôsy, dia hoizy Izy: "Afa vita." Nahondriny ny laohanazy avakeo niala ny fagnahiny. ³¹ Satria andron'ny fihomanagna tamin'ny zany, kay mbô tsy hijanogno akeo amin'ny kakazo fijaliagna mandritran'ny Sabata (Satria ny Sabata dia andro manan-danja manaokagna) reo vata-manintsy, dia nangataka tamin'i Pilato reo Jiosy aveo, ny mbô hanapahagna hongotro njareo avakeo hangalagna zareo. ³² Aveo nagnatogno reo miaramila kay nanapaka ny hongotry lehy lalahy voalaohany ndraiky lehy lalahy faharoa zay voafantsiky niaraka tamin'i Jesôsy. ³³ Koafa nagnatogno Jesôsy zareo, nahita fao afa maty Izy, kay tsy nitapahinjareo ny hongony. ³⁴ Naifa, nisy miaramila araiky nanindrogno lanivoany tamin'ny lefogno, ary samby teo nisy lio ndraiky rano niraraka. ³⁵ Lehy araiky zay nahita zany dia nitsangagna antomoa, aveo marigny ny fagnambarany. Hainy fao marigny zay nikoragnany mbô hinoanareo faogna koa. ³⁶ Fao raha reo no nitranga mbô hahatantairaka ny Saoratra Masigny: "Tsy hisy ho tapaka na dia araiky amin'ny tahaolany aby." ³⁷ Ary mbôla, misy Saoratra Masigny hafa mivaolagna magnanjao: "Izy reo dia hizaha Azy zay nolefonin-jareo." ³⁸ Tafaran'ny reo, Josefa avy ao Arimatio, rango naha-mpianatr'i Jesôsy azy (Fao tao amin'ny mangingigny nohon'ny Fahatahaoragna reo Jiosy), nagnontany Pilato raha afaka malaka vatagna Jesôsy izy. Namaizan'i Pilato alalagna izy. Kay tonga Josefa ary nalaka vatany. ³⁹ Tonga tagny faogna koa Nikodemosy, zay tonga voalaohany hizaha Jesôsy ny align'igny. Ary nitondra mainaka zato litatra teo ny fatrany. ⁴⁰ Koafa niraisin-jareo ny vatan'i Jesôsy aveo namôgno zany tamin'ny lambam-paty ndraiky raha mangintry, araka ny fomba fandivaignagna Jiosy. ⁴¹ Ary teo amin'ny Toairagna namantsaihagna Azy dia nisy saha; ary teo amin'ny lehy saha nisy fasagna vava zay mbôla tsy nandevaignan'ôlogno. ⁴² Satria andron'ny fiomanan'ireo Jiosy tamin'zany ary satria narikitry fasagna, dia nambailan-jareo tao Jesôsy.