¹ Koafa avy nivaolagna raha reo Jesôsy, nanandratra masoanazy hoamin'ny langitry Izy kay nagnanjao: "Iada a, havy ny fotoagna, mankalazào ny Zanakao mbô hankalazan'ny Zanakao Anao_ ² hotra ny nagnomaizanao Azy fahefagna ambonin'ny nôfo jiaby mbô hagnamaizany fiainagna bariky dintany Azy. ³ Zao no fiainagna bariky dintany: dia ny ahaizan-jareo Anao, lehy Zagnahary taokagna sady marigny, aveo Izy zay nirahinao, dia Jesôsy Kristy. ⁴ Nankalaza Anao Zaho teto an-tany. Afa vitako ny asa zay namaizanao Zaho ho tsaboky. ⁵ Zeo, Iada, hankalazay miaraka amin'ny haigninao Zaho amin'ny vogninahitry zay nanagnako niaraka taminao talaohany nahariagna izao tontolo zao. ⁶ Nagnambara Aagnaragnao tamin'ny ôlogno zay namaizanao Zaho avy amin'ny zao tontolo zao Zaho. Anao ziregny, avakeo namaizanao Zaho, ary nitandraimany ny vaolagna nao. ⁷ Zeo hainjareo fao ny raha jiaby zay namianao Zaho dia avy aminao, ⁸ satria namaizako zareo jiaby ny vaolagna zay namaizanao Zaho. Niraisin-jareo regny avakeo hainy marigny tatôbe fao avy taminao Zaho, aveo nino zareo fao Anao nagniraka Zaho. ⁹ Mivavaka hoazy reo Zaho. Tsy mivavaka hoan'izao tontolo zao Zaho fao hoan'reo zay namaizanao Zaho, noho zareo nihinao. ¹⁰ Ny Raha jiaby zay ninaha dia nihinao, aveo zay nihinao dia nihinaha, avakeo hankalazaigny amin'regny Zaho. ¹¹ Tsy amin'izao tontolo zao eky Zaho, fao reo ôlogno reo aketo amin'izao tontolo zao, avakeo magnatogno areo Zaho. Iada Masigny o, tano amin'ny agnaragnao zay namaizanao Zaho zareo mbô hikambagna hoaraiky, mitôvy maha araiky Atsika. ¹² Raha mbôla teo amin-jareo Zaho, nitagna zareo tamin'ny agnaragnao, zay namianao Zaho. Niaro zareo Zaho, aveo tsisy very na dia araiky aby, koa tsy raha ny zanaky ny fahaviraizagna faogna, mbô ho tantairaka ny Saoratra Masigny. ¹³ Aveo hoagny aminao Zaho, fao mivaolagna raha reo amin'ny zao tontolo zao Zaho mbô hahatantairaka ny haravoako amin-jareo. ¹⁴ Afa namaizako zareo ny vaolagnao, avakeo nankahalain'ny izao tontolo zao zareo satria tsy avy amin'ny zao tonolo zao. ¹⁵ Zaho tsy mangataka Aminao hangalanao zareo amin'ny zao tontolo zao, fao ny mbô hiarovanao zareo amin'ny lehy ratsy. ¹⁶ Zareo tsy nihin' izao tontolo zao hotra Zaho tsy nihin'izao tontolo zao. ¹⁷ Hamasigno amin'ny fahamarignagnao zareo. Fao ny vaolagnao no fahamarignagna. ¹⁸ Karaha nagnirahanao Zaho hoamin'izao tontolo zao, no nagirahako zareo hoagny amin'izao tontolo zao faogna koa. ¹⁹ Fao nohon'ny fitiavako zareo no nagnamasignako ny haigninaha, mbô hagnamasinagna ny haignin-jareo amin'ny fahamarignagna faogna koa. ²⁰ Zaho tsy mivavaka hoan-jareo faogna, fao hoan-jareo zay hino Zaho amin'ny alalan'ny vaolagna njareo koa ²¹ mbô hoaraiky izy jiaby, hotra anao, Iada, akato Aminaha, aveo Zaho akao Aminao. Mivavaka Zaho mbô ho amintsika faogna koa zareo mbô hinon'izao tontolo zao fao nagniraka Zaho Anao. ²² Ny vogninahitry zay namianao Zaho, namaizako zareo, mbô ho araiky zareo, hotra ny maha araiky atsika. ²³ Zaho akao amin-jareo, aveo Anao akato Aminaha_kay ho taigna araiky tatôbe zareo, mbô ho hain'izao tontolo zao fao nagniraka Zaho Anao, aveo nankatia zareo hotra ny nitiavanao Zaho. ²⁴ Iada a, Reo zay namaizanao Zaho dia tiako hiaraka aminaha na aiza na aiza misy Zaho, Aveo hahita voginahitry naha, lehy vogninahitry zay namaizanao Zaho satria nankatia Zaho Anao talaohan'ny nahajariagna izao tontolo zao. ²⁵ Iada marigny, tsy nahay Anao izao tontolo zao, fao Zaho mahay Anao; avakeo zareo mahay fao nagniraka Zaho Anao. ²⁶ Nambarako zareo agnaragnao, aveo mbôla ho ambarako zany mbô ho akao amin-jareo ny fitiavagna zay nitiavanao Zaho, aveo Zaho ho amin-jareo."