¹ Dra fa antomosy gny Firavoravoa amy Mofo sy misy masirasira, zay tokavy ho Pasaky. ² Nialy hevisy gny lohan'gny mpisoro vo gny mpanora-dala gny amy fomba afahan'ereo mamono an'i Jesosy, satria natahosy gny olo ereo. ³ Bak'eo Satana nilisy tamin'i Jodasy Iskariota, ze raiky tamin'ereo ro ambini'gny folo. ⁴ Jodasy nandeha nagnagny amin'ereo lohan'gnyb mpisoro vo gny kapiteny dra nialy hevisy tamin'ereo gny amy fomba hamalihany an'i Jesosy eo amin'ereo . ⁵ Faly ereo,dra nagneky hagnome vola anazy. ⁶ Nagneky izy,dra nitalia kendry tohana ba hanolorany Anazy eo amin'ereo lavisy gny vahoaky. ⁷ Avy gny andron'gny mofo sy misy masirasira , zay sy maisy hanova soro gny zanakagn'ondry gny Pasaky. ⁸ Jesosy nagniraky an'i Petera vo Jaona, nanao ho:''Mandehana dra homano ho asika gny sakafon'gny Pasaky, ba afahasika mihina anizay.'' ⁹ Izy reo nagnontany Anazy ho:''' Eza gny tianao hanovanay gny fagnomana?'' ¹⁰ Namaly anazy reo gny Ho:''Tenoy, gny fa midily gny tana andrareo, dra hisy lelahy raiky minday sinin-drano hifane amindrareo. Magnaraha anazy agny amin'izay tragno ilirany. ¹¹ Dra zakao gny topo-tragno ho:''Gny Pampianasy mizaka aminao ho:''Eza gny efi-tragno fandrambesa-bahiny, ze hihinanako gny sakafon'gny Pasaky miaraky amin'ereo mpianasiko?''' ¹² Izy hampiseho andrareo efitragno agn'abo rihana lahibe misy fanaky. Atovy ao gny fagnomana.'' ¹³ Koa dra handeha ereo, dra nahita gny raha aby araky ze nizakany tamin'ereo . Dra nagnoma gny sakafon'gny Pasaka ereo. ¹⁴ Gny fa avy gny fotoa, dra nipetraky niaraky tamin'ereo apostoly Izy. ¹⁵ Dra nizaka tamin'ereo Izy ho:''Nagniry fatrasy gny hihina itiho Pasaka itiho miaraky amindrareo Zaho mialohan'gny Hizaliako. ¹⁶ Fa zakako amindrareo, sy hihina anitiho sasy Zaho, mandra-pahatateraky anizay agny amy fazakan'Agnahary.'' ¹⁷ Dra nandray Kapoaky Jesosy , dra gny fa nisaotra Izy, dra nanao ho:''Rambeso itiho, dra zarao amindrareo. ¹⁸ Fa zakako amindrareo, sy hino gny vokany gny voloboky sasy Zaho, mandra-pahavian'gny fazakan'Agnahary.'' ¹⁹ Dra nandray gny mofo Izy, dra gny fa nisaotra, dra nitapahiny zay, dra nomeny anazy reo, dra nizaka ho:''Itiho gny vatako zay omeko andrareo. Atovy zao ho fahasiarova Anahy.'' ²⁰ Nirambesiny tahaky anizay koa gny kapoaky gny fa vita gny sakafo, dra hoy izy ho:''Itiho kapoaky itiho dra gny faneke vaovao amy lioko, ze nalasako ho andrareo. ²¹ Fa mitandrema. Gny raiky ze hamaliky Anahy dra miaraky Aminahy eto an-databasy. ²² Fa gny Zanak'olo dra mandeha tokoa araky ze voatendry. Fa loza ho an'izay lelahy ze hamaliky Anazy zay!'' ²³ Nanomboky nifapagnontany ereo gny amin'gny raiky amin'ereo zay mety hanao anizay. ²⁴ Dra nisy fifandira nisy koa teo amin'ereo momba ze hevery ho lahibe indrindra amin'ereo. ²⁵ Nizaka tamin'ereo Izy ho:''Reo Pazaka gny zetilisa dra topon'ereo, dra reo ze mana fahefa amin'ereo dra atao hanahaky gny ze manao soa ho an'gny vahoakiny. ²⁶ Fa sy manahaky anizay mihisy gny amindrareo. Mifanohisy amin'izay, ao ze farany lahibe amindrareo ho lasa manahaky gny masaiky be,dra ao ze mana-daza indrindra ho avy tahaky ze manompo. ²⁷ Fa iza gny lahibe koa, ze mipetraky amy latabasy, sa ze manompo? Sy zay mipetraky eo amin'gny latabasy se? Kanefa Izaho eto amindrareo manahaky gny raiky manompo. ²⁸ Fa andrareo gny olo ze nanohy niaraky taminahy tao amin'gny fakam-pagnahy nisy taminahy. ²⁹ Omeko fazaka andrareo, manahaky gny Rako koa zay nagnome fakaza ho Anahy, ³⁰ ba ho afaky hihina vo hino eo an-databasiko agny amin'gny fazakako andrareo, dra hipetraky eo amy seza fiandriana hisara gny fokon'Israely rô ambin'gny folo andrareo. ³¹ Simona, Simona, mitandrema , mitalia gny hahazo andrareo Satana, ba afahany manivana andrareo manahaky gny vary. ³² Fa nivavaky ho anao Zaho, ba sy ho maty gny finoanao. Tafaran'gny hiharegnanao draiky, dra ampaherezo gny rahalahinao.'' ³³ Petera nizaka taminazy hô:''Topo, vonona hiaraky Aminao zaho dre agny ampoza dre ho agny amin'gny fahafatesa.'' ³⁴ Jesosy namaly hõ:''Zakako aminao, ry Petera, sy hagneno gny akoho amin'izay andro zay, mialohan'gny handavanao Anahy ontelo hô mahafatasy Anahy anao. ³⁵ Dra nizaka tamin'ereo Jesosy ho:''Gny fa nandeha andrareo sy niaraky tamin'gny fipetraram-bola, kitapom-basy , dre kiraro Zaho, nisy raha sy apy andrareo se?''Namaly ereo ho:''Sy nisy.'' ³⁶ Dra nizaka tamin'ereo Izy ho:''Fa zao ze mana fipetraram-bola, ao izy hangalaky anizay, dre kitapom-basy avo koa. Zay sy mana sabasy dra tokony hivarosy gny lambany dra hivily raiky. ³⁷ Fa Izaho mizaka amindrareo , ze voasorasy momba Anahy dra sy maisy tateraky :''Izy dra nirambesy manahaky gny raiky amin'ereo sy manara-dala.'Fa ze nizakany mialoha momba anahy dra fa ho tateraky '' ³⁸ Dra nizaka ereo hô:''Topo., hatio! Tahôky misy lefo rô.'' Izy nizaka tamin'ereo hô :''Apy zay.'' ³⁹ Tafaran'gny sakafo , dra nandeha Jesosy, manahaky gny fataony matetiky, tagny an-dohambohisin'Oliva, dra nagnaraky Anazy gny mpianasy . ⁴⁰ Gny fa avy ereo, dra ho Izy tamin'ereo:''Mivavaha ba sy hilirandrareo amy fakam-pagnahy.'' ⁴¹ Niala teo amin'ereo teo ho eo amy ndraiky mitora-bato Izy, dra nandohaliky Izy dra nivavaky, ⁴² nanao ho:''Ray o, raha sitrakao, dra alao aminahy itiho kapoaky itiho. Dre zay avo sy gny sitrako, fa Anao gny hatao.'' ⁴³ Dra nisy azely laha tagny an-dagnisy nideho taminazy, nampahery Anazy. ⁴⁴ Tao agnatin'gny fangirifiria, nivavaky tamin-kafanam-po fatrasy Izy, dra gny hasembohany dra nazary gny lio nitete tamin'gny tany. ⁴⁵ Dra gny fa nisanga baka nivavaky Izy, dra nangnangny amy mpianasy , dra nahita anazy reo nandry nohon'gny alahelon'ereo , ⁴⁶ ka nagnontany anazy reo ho:''Nanao akory gny mandry andrareo? Misangana dra mivavaham ba sy hilirandrareo amy fakam-pagnahy.'' ⁴⁷ Raha bo nizaka Izy, indro, nisy vahoaky niseho, niaraky tamin'i Jodasy, raiky amin'ereo ro ambin'gny folo, nitariky anazy reo. Nagneky an'i Jesosy izy ba hagnoroky Anazy, ⁴⁸ fa Jesosy nizaka taminazy ho:''Jodasy, mamaliky gny Zanak'olo amin'gny oroky se anao?'' ⁴⁹ Gny fa nahita gny raha-nisanga gny ze nagnodidy an'i Jesosy, dra nizaka ereo ho:''Topo, tokony hamely amin'gny sabasy se izahay? ⁵⁰ Bak'eo gny raiky tamin'ereo namely gny mpanompon'gny mpisoronabe , dra nanapaky gny sofiny havana. ⁵¹ Jesosy nizaka ho:''apy zay!''Nikasihiny gny sofiny, dra nisitraniny izy. ⁵² Jesosy nizaka tamin'gny lohan'gny mpisoro, tamin'ereo kapitenin'gny fiangona, dra tamin'ereo loholo ze avy hanohisy Anazy ho:''Avy manahaky gny hanambosy mpangakasy se andrareo, miaraky amy lefo vo langilangy? ⁵³ Tamin'Izaho niaraky tamindrareo isan'andro tao am-piangona, sy nanambosy Anahy andrareo. Fa zao gny lerandrareo, vo gny fahefan'gny hezina.'' ⁵⁴ Teo am-pisambora Anazy , dra nitarihan'ereo Izy, dra nandesin'ereo tagny an-tragnon'gny mpisoronabe . Fa Petera nagnaraky laha tegny lavidavisy egny. ⁵⁵ gny fa avy nampirehisy afo teo agnevon'gny tokotany dra niara-nipetraky ereo, dra nipetraky teo agnevon'ereo Petera. ⁵⁶ Nisy mpanompo ampela raiky nahita anazy raha nipetraky teo amy fahazavan'gny afo izy,dra nagnety mahisy anazy vo nizaka ho:''Itiho lelahy itiho koa niaraky taminazy.'' ⁵⁷ Fa Petera nanda anizay, nizaka ho:''Ry ampela, sy fatako Izy. '' ⁵⁸ Afaky draindray dra nisy olo hafa nahita anazy , dra nizaka ho:''Anao koa raiky amin'ereo.'' Fa Petera nizaka ho:''Ry lelahy , sy izy zaho.'' ⁵⁹ Nony afaky adiny raiky teo ho eo dra nisy lelahy hafa nagnizingizy vo nizaka ho:''Mary fa niaraky taminazy koa itiho lelahy itiho, fa izy dra Galiliana.'' ⁶⁰ Fa Petera nizaka ho:''Ry lelahy, sy fatako ze zakanao.''Eo no eo,raha bo nizaka izy,dra nisy akoho nagneno. ⁶¹ Niherika, gny Topo nagnety an'i Petera, dra Petera nahasiaro gny zakan'gny Topo, tamin'gny zaka taminazy Izy ho:''Alohan'gny hagnenoan'akoho amizao dra handa anahy intelo anao.'' ⁶² Niboaky tagny ambaliky Petera dra nitomagny fatrasy. ⁶³ Dra gny lelahy niamby an'i Jesosy dra nagnahihany dra nizerany Anazy. ⁶⁴ Nasian'ereo sarona Izy dra nagnontany Anazy ereo, nizaka ho:''Maminania! Iza gny olo ze mazera Anao?'' ⁶⁵ Nizaka raha hafa maro hanohisy an'i Jesosy ereo, nizaka rasy Anazy. ⁶⁶ Raha vo nazava gny andro , dra niara-niango gny loholo, gny lohan'gny mpisoro vo gny mpanora-dalana. Nandesin'ereo tagny amy Synedriona Izy ⁶⁷ dra nizaka ho:''Raha anao gny Kristy, dra zakao aminay.'' Fa Izy nizaka tamin'ereo ho:''Raha ho zakako amindrareo, dra sy hino andrareo'', ⁶⁸ dra raha hagnontany andrareo zaho, dra sy hamaly andrareo. ⁶⁹ Fa manomboky amy zao, gny Zanak'olo dra hipetraky eo an-tagna ankavanan'gny herin'Agnahary.'' ⁷⁰ Izy aby nizaka ho:''Dra Zanak'Agnahary zay anao?''Jesosy nizaka tamin'ereo ho:''Voalazandrareo fa Zaho gny Izy.'' ⁷¹ Izy gny nizaka ho:''Nanao akory gny bo mila vavolombelo isika? Fa isika mihisy gny nahare baka tamin'gny vavany.''