¹ Tafarany nisanganan'ereo raha reo, dra nandeha tagny amin'i Farao i Mosesy vo Arona dra nizaka ho:''Zao gny zakan'i Yaveh, gny Zagnaharin'Israely, ho:''angao gny oloko andeha, ba hanovan'ereo firavoravoa ho Anahy agny an'efisy.''' ² Ho Farao ho:''Fa iza moa zay Yaveh zay?Nanao akory zaho gny tokony hiteno gny nakany dra hamela an'Israely handeha?Sy mahafatasy an'i Yaveh zaho;dra fagnampinizay, sy hamela an'Israely handeha zaho.'' ³ Ho izy reo ho:''Fa nihaona taminay gny Zagnaharin'ereo Hebreo.Angao zahay andeha hateloa agny an'efisy dra hanao zoro ho an'i Yaveh Zagnaharinay ba sy hanafihany anay amy loza na amy sabasy.'' ⁴ Fa ho gny mpazakan'i Egypta tamin'ereo ho:''Ry Mosesy vo Arona, nanao akory iandrareo gny mangalaky gny olo amy asan'ereo?Miharegna amy asandrareo.'' ⁵ Hoy avo koa izy ho:''amizao misy vahoaky Herbreo maro eto amy taninay, dra mampitsahasy anazy reo amy asany iandrareo.''' ⁶ Tamin'io andro io avo,dra nagnome baiko tamin'ereo mpampiasa vo reo mpiamby i Farao.Ho izy ho: ⁷ ''Sy tahaky gny teo aloha, ao sy hagnome mololo hanova biriky ho agny olo sasy ndrareo.Angao izy reo handeha dra hamory mololo ho agny vatan'ereo. ⁸ Na zay avo, dra tokony bo hitaky gny isan-biriky mitovy tamy natan'ereo zay keliky noho zay, satria kamo izy reo.Zay gny mahalasa anazy reo mitoka fatrasy vo mizaka ho:'Angao zahay andeha vo hanao soro ho agny Zagnaharinay.' ⁹ ampitomboy gny ora hiasa ho an'ereo lelahy ba hifatohan'ereo aminizay ka sy hiteno zaka fitaky sasy.'' ¹⁰ Koa dra nandeha nampahafatary gny vahoaky gny olony mpampiasavo reo mpiamby. Ho izy reo ho:''Zao gny zakan'i Farao ho:'Sy Hagnome mololo ho andrareo sasy zaho. ¹¹ Ao iandrareo avo gny handeha ka hangalaky mololo na eza na eza ahitandrareo anizay, fa sy hihe gny asandrareo.''' ¹² Koa dra niely nanera gny tany Egypta manotolo reo olo ba hamory forim-bary hatao mololo. ¹³ Dra reo mpampiasa nanohy nandrisiky anazy reo ka nizaka ho:'''Vitao gny asandrareo, tahaky gny tamy fotoa nagnomeza mololo andrareo.'' ¹⁴ Nizerany gny mpiamby Israelita reo mpampiasan'i Farao, reo lelahy ze fa nampiandraiketin'ereo an'ereo mpiasa avo.Nagnontany anazy iandrareo hatrany gny mpampiasa ho:''Nanao akory iandrareo gny sy namokasy gny boriky aby ze notaky tamindrareo, na omaly na androany, tahaky gny fanovandrareo taloha?'' ¹⁵ Koa dra nagnato an'i Farao reo mpiamby Israelita ka nitaray taminazy ho:''Nanao akory ianao gny minday reo mpanomponao tahaky zao? ¹⁶ Sy hisy mololo home reo mpanomponao sasy, kanefa izy reo dra bo mizaka anay ho:''Magnamboara biriky!'zahay, mpanomponao, dra kazerany mihisy aza amizao, kanefa fahadisoany vahoakinao avo zay.'' ¹⁷ Fa ho Farao ho:''Kamo iandrareo!Kamo iandrareo!Ho iandrareo ho:'Angao zahay handeha hanao soro ho an'i Yaveh.' ¹⁸ Koa amizao mandehana miharegna amy asandrareo.Sy hisy mololo home andrareo sasy, fa sy maisy bo manao isam-boriky mitovy avo iandrareo.'' ¹⁹ Hitan'ereo mpiamby Israelita fa tafalasaky tagnaty kizo izy reo raha nizakany ho:''Sy mahazo mampihe gny isam-boriky vokariny isan'andro iandrareo.'' ²⁰ Nihaogna tamin'i Mosesy vo i Arona izy reo, zay nojoro tagny ambaliky gny lapa, raha nandeha laha tao amin'i Farao izy reo. ²¹ Ho izy reo tamin'i Mosesy vo i Arona ho:''Hagnety andrareo se i Yaveh dra hagnasazy andrareo , satria nataondrareo nagnily holisy teo amason'i Farao vo reo mpanompony zahay. Nasiandrareo sabasy gny tagnan'ereo ba hamonoa anay.'' ²² Nandeha nihery tagny amin'i Yaveh i Mosesy dra nizaka ho:''Ry Tompo, nanao akory Ianao gny namidi-doza reo olo reo?Nanao akory zaho gny nalefanao volohany? ²³ Isaky gny nagnato an'i Farao hinday gny hafatrao zaho , dra ninday fikorotagna ho agn'ereo olo izy , dra sy nagnafaky gny olo mihizy Ianao.''