¹ Tamy lamba volonagn'ondry manga, volomparasy , dra jaky mena, dra nagnamboasy ankazo tenona matify ho agny fanompoana ao amy toera masyizy reo.Nagnamboasy ankazo ho an'i Arona izy reo ho agny toera masy, araky zay nandidian'i Yaveh an'i Mosesy. ² Bezalila nagnamboasy gny efoda tamy volamena, manga, volomparasy , vo volonagn'ondry jaky, dra taminigny rongony fosy madiniky.Nitorotoron'ereo gny volamena dra ³ nitapatapahan'ereo ho hadiniky, ba hampiasa anazy reo amy lamba manga, volom-parasy, volonagn'ondry jaky, dra rongony fosy madiniky , zay asany mpiasa za-draharaha. ⁴ Nagnamboasy saro-soroky ho agny efoda izy reo,dra nampiarahan'ereo teo amin'ereo zorony ro agnabony zay. ⁵ Dra reo fehitroky voatenona madiniky dra mitovy amy efoda , zay dra vita amy singa raiky avy amy efoda, vita avy amy rongony voatrnona madiniky ze volamena , manga, volomparasy, dra jaky mena, araky ze nandidian'i Yaveh an'i Mosesy. ⁶ Namboarin'ereo gny vato berily, dra nofognosin'ereo tamy randram-bolamena, dra nosoratany tahaky gny fitombokase, dra nosoratany niaraky tamy agnaran'ereo ro ambiny folo lahy zanakan'Israely zay. ⁷ Dra napetak'i Bezalila teo amy sarro-soroky gny efoda reo.Ba ho vato fampahasiahiva an'i Yaveh gny amin'ereo zanak'Israely ro ambiny folo lahy, araky gny nandidin'i Yaveh an'i Mosesy. ⁸ Nanao saro-tratra izy, tahaky gny nagnamboara gny efpda , zay asany mpiasa za-draharaha.Dra nataony tamy volamena, manga, volomparasy vo volonagn'ondry jaky , dra rongony fosy madiniky. ⁹ Efa-joro zay.Dra noforosin'ereo ro gny saro-tratra,Dra raiky jehiny gny halavany dra raiky jehiny gny velarany. ¹⁰ Nataon'ereo tamy andala efasy reo vato sarobily.Gny andala volohany dra robia, topazy, dra garnety. ¹¹ Gny andala faharo dra nisy emeralda, safira, dra diamondra. ¹² Gny andala fahatelo dra nisy jasinta, agaty, dra ametista. ¹³ Gny andala fahefasy dra nisy berily, oniksa, dra jaepera.Dra nasia randram-bolamena reo vato reo. ¹⁴ Nalaminy tamy agnaran'ereo zanak'Israely ro ambiny folo lahy reo vato, dra nalahasy araky gny agnarany aby zay.Tahaky gny bangany fitomboky reo , dra gny agnarany kirairaiky aby dra magnambara gny raiky amin'ereo foko ro ambiny folo. ¹⁵ Nagnamboasy ravaky tahaky gny foly teo amy saro-tratra izy reo, ze narandrany tamy volamena sy mifangaro . ¹⁶ Nagnamboasy mason-dravaky volamena ro vo randram-bolomena ro izy reo. dra napetrakin'ereo teo amy zorony saro-tratra ro reo mason-dravaky ro. ¹⁷ Napetrak'ereo tamy mason-dravaky ro gny randram-bolamena ro teo an-joron'ereo saron-tratra. ¹⁸ Napetran'ereo teo amy randram-bolamena gny ravaky voarandra.Dra napetak'ereo teo amy saro-soroky gny efoda avy teo anoloany zay. ¹⁹ Nagnamboasy maso-dravaky volamena ro izy reo dra napetany tamy zorony saro-tratra hafa raiky zay, teo amy sisiny mariny gny zorony agnatiny. ²⁰ Nagnamboasy maso-dravaky volamena ro hafa avo koa izy reo dra nataon'ereo teo amy amorony saro-sorony raiky laha teo anoloany efoda zay, mariny teo zaitra agnabonigny fehitrony voatenony efoda. ²¹ Nahehin'ereo niaraky tamy foly manga tamy alalany mason-dravaky teo amy mason-dravaky efoda gny saro-tratra.Natao zay ba sy hiombotany amy efoda gny saron-tratra.Araky gny nandidian'i Yaveh an'i Mosesy. ²² Namboarin'i Bezalila tamy lamba volomparasy tateraky gny ankazo efoda, zay asany mpagneno. ²³ Dra nisy fisofon-doha eo agnevony .Nisy tenona teo amy magnodidy gny fisokafany ba sy hitritra. ²⁴ Nagnamboaran'ereo apongaben-dagnisy vita amy foly manga, volomparasy, jaky mena, dra rongony fosy madiniky , teo amy moron-tombony. ²⁵ Nagnamboasy lakolosy volamena bsy miharo izy reo , dra napetrak'ereo teo agnelagnelany apongaben-dagnisy magnodidy gny sisiny moron-tangony ankazo, mifanelanela amin'ereo apongaben-dagnisy, lakoloisy bdra apongaben-dagnisy -teo amy sisiny akazo ho an'i Arona ba hanompoany ao.Zay dra araky gny nandidian'i Yaveh an'i Mosesy. ²⁷ Namboarin'erteo ho an'i Arona vo reo zanany gny akazo rongony fosy madiniky. ²⁸ Nanao gny hamama rongony fosy madiniky ,gny fehy loha rongony fosy madiniky , gny atin'akazo rongony fosy madiniky , vo gny satroky vita amy rongony fosy madiniky ²⁹ dra foly manga , volomparasy , dra jaky mena , ho asany dra araky gny nandidian'i Yaveh an'i Mosesy. ³⁰ Dra nagnamboasy gnt takela-bolamena sy miharo satro-boninahisy masy izy reo ;dra nodoratan'ereo taminizay tahaky gny sorasy eo amy fitombokase ho:''Masy ho an'i Yaveh''. ³¹ Dra nitorotoron'ereo foly manga teo amy tamponigny hamama.Dra araky gny nandidian'i Yaveh an'i Mosesy zay. ³² Koa dra vita gny asa fanova tabernakely , gny targno gny fihaogna.Nataony vahoakan'Israely gny raha-aby.Narahin'erero gny torolala aby ze nomen'i Yaveh an'i Mosesy. ³³ Nandesin'ereo tamin'i Mosesy gny tabernakely -gny vo reo fitovany aby, gny jiagrafiny, gny rafiny, gny barany, gny sangasangany, gny faladiany, ³⁴ gny fandrakofa vita amy holisinagn'ondry lahy miloko mena, gny fandrahofa vita amy holisy lambodriaky, dra lamba anaza ³⁵ gny tobily vavolombelo, dra koa gny bao vo gny saronam-pamonjena. ³⁶ Nandesin'ereo gny latabasy , gny fanaky aby, vo gny mofony fanatreha; ³⁷ gny fanova-jiro volamena sy miharo dra reo jiro tao amy toerany, miaraky amin'ereo fitovany vo reo soliky fanao amy jiro; ³⁸ gny alitara volamena, gny dililo fagnosora vo gny litin-kazo manim-pofo, gny fefy lambany fikira ao amy tabernakely; ³⁹ gny alitara varahina miaraky amy varahina makarakarany vo gny baony dra gny fanaky vo gny koveta lahibe miaraky amy faladiany. ⁴⁰ Nandesin'ereo gny fefy lamba ho agny kiaza miaraky amy sangasangany vo gny faladiany;dra gny lamba ho agny filidiany eo akiaza;gny fitovam-piasa aby andesy hanompoa gny tabernakely, gny tragno hazomanga fihaogna. ⁴¹ Nandesin'ereo gny ankazo voatenona ba hanompoa ao amy toera masy, gny ankazo masy ho an'i Arona mpisoro, vo reo zanadahiny, ba hanompoan'ereo ho mpisoro. ⁴² NOho zay dra nataon'ereo vahoakin'Israely avo koa gny asa iaby araky ze nandidian'i Yaveh an'i Mosesy. ⁴³ Nandiniky reo asa aby i Mosesy, dra ingo, vitan'ereo zay.Araky ze nandidian'i Yaveh, dra manahaky anizay gny fomba nanovan'ereo anazy.Dra niso-drano anazy reo Mosesy.