¹ Bezalila nanao gny tomobily tamy hazo akasia.Ro hakiho gny sasany gny halavany;raiky hakiho gny sasany gny velarany; dra raiky hakiho gny sasany gny hahabony . ² Nandomboky anizay tao agnatiny vo tao ambaliky izy niaraky tamy volamena sy miharo dra nanao anizay ho sisim-bolamena magnodidy gny lohony. ³ Nanefy mason-dravaky volamena efasy izy ho agny tombony efasy , niaraky tamy mason-dravaky ro tamy taliaviny raiky, dra mason-dravaky ro taminigny taliaviny hafa. ⁴ Nataony tamy hazo akasia gny bao dra nanafosy anozay tamy volamena izy. ⁵ Napetraky gny bao tao amy maso-dravaky teo amin'ereo sisiny tobily izy, ba hitarazo gny sambo tobily. ⁶ Nanao saronam-pagnavota volamena sy mihsro izy .Ro hakiho vo sasany gny halavany , dra raiky hakiho vo sasany gny sakany. ⁷ Bezalila nanao Kerobina volamena ro ho agny tendrony saronam-pagnavota ro. ⁸ Gny Kerobinma raiky dra ho agny tendrony saronam-pagnavota raiky, dra gny Kerobima raiky hafa.Natao ho ampahany raiky avo koa reo miaraky amy saronam-pagnavota . ⁹ Namelasy reo elany gny Kerobima dra nagnaloky gny saronam-pagnata niaraky tamin'ereo.Mifagnatriky vo mitoliky agny agnevony saronam-pagnavota reo Kerobima. ¹⁰ Bezalila nanao gny latabasy vita tamy hazo akasia. Ro hakiho vo sasany gny halavany, raiky hakiho vo sasany gny sakany, dra raiky hakiho vo sasany gny hahabony. ¹¹ Nanafosy anizay tamy volamena sy miharo izy dra nametraky sisim-bolamena sy miharo nagnodidy gny tampony. ¹² Nagnisy rafisy nagnodidy volivoam-pelatgnany raiky manotolo izy, niaraky tamy sisim-bolamena nagnodidy gny rafisy. ¹³ Nanefy mason-dravaky volamena efasy ho agny zay dra namehy reo mason-dravaky tamin'ereo zorony efasy, zay nisy reo tambony efasy. ¹⁴ Voafehy taminigny zorony efasy reo mason-dravaky, ba hagnomeza toera ho an'ereo, ba hitarazo gny latabasy . ¹⁵ Nanao reo bao tamy hazo akasia izy dra nandrakosy reo tamy volamena , ba hitarazo gny latabasy . ¹⁶ Nanao reo fanaky ze hapetraky eo agnabony latabasy izy-reo finga, sotro, finga gobo, vo reo fipetraran-divay ba hampiasa handraraha reo fagnatisy.Nataony tamy volamena sy miharo reo. ¹⁷ Nataony tamy volamena sy miharo gny fipetrara-jiro.Nataony niaraky tamy faladiany vo gny tahony gny fipetrara-jiro.Gny kapoakiny,gny trony, dra gny vonikazony dra natao ampahany raiky miaraky aminazy. ¹⁸ Nisy sampany enina niboaky avy tamin'ereo sisiny-sampany telo niboaky tamy sisiny raiky, dra sampany telo hafa gny niboaky amin'ereo sisiny amy fipetrara-jiro.Gny sampany volohany dra nana kapoaky telo vita tahaky gny felany amandia mamela, miaraky amy trony raiky vo vonikazo raiky. ¹⁹ Dra telo kapoaky natao tahaky gny amandia mamela tamy sampany raiky hafa, miaraky amy trony raiky , vo vonikazo raiky.Dra tahaky anizay avo koa ho an'ereo sampa enina niboaky aby amy fipetrara-jiro. ²⁰ Eo amy fipetrara-jiro, teo amy tahony agnevony, dra nisy kapoaky efasy natao tahaky gny amandia mamela, niaraky tamy tron'ereo vo reo vonikazo. ²¹ Nisy lolo raiky tao ambaniny sampa ro volohany-zay natao raiky aminazy, dra lolo raiky tao ambaniny sampafaharo-natao raiky aminazy avo koa zay.Tamy fomba mitovy dra nisy lolo raiky tao ambanigny sampany ro fahatelo, natao raiky aminazy.Dra tahaky amy fipetrara-jir. ²² Gny lolo vo gny sampan'ereo dra raiky aminazy sombin'asam-bolamena sy miharo raiky. ²³ Bezalila nanao gny fipetrara-jiro vo gny jiro fiton'ereo, gny hetin-jiro vo fipetran-daveniky volamena sy miharon'ereo. ²⁴ Nanao gny fipetran-jiro vo reo fitova miaraky tamy taleta volamena raiky sy miharo izy. ²⁵ Bezalila nanao gny alitarany litin-kazo magnisy. Nanao anizay tamy hazo akasia izy . Raiky hakiho gny halavany, dra raiky hakiho gny hahabony.Gny tandrony dra natao tahaky raiky aminazy. ²⁶ Nandomboky gny alitara gny litin-kazo magnisy tamy volamena malio izy-gny tampony, reo sisiny, dra reo tandrony.Nanao sisim-bolamena nagnodidy ho anizay avo koa izy. v27 Nanao mason-dravaky volamena ro izy ba hamahiha anizay ao ambanigny sisiny eo amy sisiny ro mifanandrify aminazy.Reo mason-dravaky dra natao hita reo bao ba hitarazo gny alitara. ²⁸ Nataony tamy hazo akasia reo bao, dra nandrakoky reo tamy volamena izy. ²⁹ Izy dra nagnamboasy gny menaky fagnosora masy vo gny fofo sy miharo litin-kazo magnisy, zay asany mpanao raha-magnisy.