¹ Nampivory reo mponin'i Israelita aby Mosesy dra nizaka tamin'ereo ho:''Tahoky gny raha ze nandidian'i Yaveh ho ataondrareo. ² Andro enina gny afaky anova gnyasa,m fa ho andrareo,gny andro fahafito dra ho andro masy, andro Sabatany fisahara feno, vo masy ho an'i Yaveh.Na iza na iza miasa aminizay andro zay dra hovono ho maty. ³ Ao sy handrehisy afo agny amy tragnondrareo iandrareo amy andro Sabata.'' ⁴ Nizaka tamin'ereo fivondrogna gny Israelita aby Mosesy, nanao ho:''Zao gny raha nandidian'i Yaveh. ⁵ Mangala fagnatisy ho an'i Yaveh, iandrareo aby ze mana fahavognognm-po.Mindesa fagnatisy ho an'i Yaveh-volamena, volafosy ,varahina, ⁶ manga , volomparasy, dra volonagn'ondry jaky vo rongony fosy madiniky;volon'osy; ⁷ holisinagn'ondry lahy miloko mena vo holi-doga;hazo akasia; ⁸ menaky atao amy fanova-jiro masy , hagnisy ho agny menaky fagnosora dra litin-kazo magnisy, ⁹ vatoberila vo vato sarobily hafa apetraky ho amy efoda vo gny saron-tratra. ¹⁰ Gny lelahy aby ze mana fahaiza eo amindrareo dra ho avy ka hanao gny raha aby ze nandidian'i Yaveh- ¹¹ gny tabernakely baminigny lainy, gny lombony, gny varangony, gny rafitranym gny barany, gny sangasangany, dra gny faladiany; ¹² dra koa gny fiara baminigny baony, gny sarom-pagnavota dra gny lamba hagnavonia anazy. ¹³ Nandesin'ereo gny latabasy baminigny baonym gny fanaky aby ao aminazy, dra gny mofony fanatreha; ¹⁴ gny fanova-jiro ho an'ereo hazava, baminigny fitova aminizay, reo jirony, dra gny soliky ho an'ereo jiro; ¹⁵ gny alitara fagnoroa miaraky amin'ereo baony,gny menaky fagnosora vo gny litin-kazo magnizy;gny fefy lamba ho agny filira gny taberakeny; ¹⁶ gny alitara ho an'ereo fagnatisy dora baminigny makarakara varahiny vo reo baony dra reo fanaky; dra gny kovetabe vo faladiany. ¹⁷ Nandesin'ereo gny fefy lamba ho agny kiaza baminigny sangasanga vo gny faladiany, vo gny lamba ho agny filira ao kiaza; ¹⁸ dra gny fihatognany gny ho agny tabernakely vo gny kiaza, niaraky tamin'ereo taliny. ¹⁹ Ninday reo akazo voateno madiniky hanompoa teo amy toera masy izy reo, gny akazo masy ho an'i Arona mpisoro vo reo zanadahiny, ba hanompon'ereo ho mpisoro. ²⁰ Laha teo dra niriosy dra niala teo anatrehan'i Mosesy avo koa reo fokon'i Israely. ²¹ Dra avy reo olo aby ze voatariky gny fony vo reo ze notarihiny fagnahiny hanam-piniava dra ninday fagnatisy ho an'i Yaveh ho agny fagnamboara gny taberanakely, ho zay raha aby mety ampiasa zay, vo ho n'ereo akazo masy. ²² Avy izy reo, na gny lelahy na ampela, zay aby soa sitrapo.Ninday reo fisisiky, kavy,baka,reo firavaky, vo reo karaza firavaky volamena aby izy reo.Nanolosy fagnatisy volamena ho fagnatisy ahevaheva ho an'i Yaveh izy aby. ²³ Gny olo aby ze nana manga, volomparasy, na volonagn'ondry jaky, rongony fosy madiniky, volon'osy,holisinagn'ondry lahy miloko mena, vo holi-doga dra ninday reo. ²⁴ Gny olo aby nanao fagnatisy volafosy na varahina dra ninday anizay ho fagnatisy ho an'i Yaveh, dra gny olo aby ze nana hazo akasia mety ampiasa amy asa ninday anizay. ²⁵ Reo ampela iaby nana fahaiza manao dra namoly volonagn'ondry tamy tagnany dra ninday ze voavoliny-manga, volomparasy, na volonagn'ondry jaky na rongony fosy madiniky. ²⁶ Reo ampela aby netaniny fony vo reo ze nana fahaiza dra namoly volon'osy. ²⁷ rEo mpitariky dra ninday vato beryla vo vatosoa hafa koa ba hatao ao amy efoda vo reo saron-tratra ; ²⁸ ninday raha-magnisy vo menaky ho amy fanova-jiro, ho agny menaky fagnosora , dra ho agny litin-kazo magnisy izy reo. ²⁹ Dra ninday fagnati-sitrapo ho an'i Yaveh reo aby ze notarihiny fony dra ninday fitova ho any asa iaby ze nandidian'i Yaveh tamy alalan'i Mosesy ba hatao. ³⁰ Ho Mosesy tamin'ereo Israelita ho:''Ingo, Yaveh nitoka an'i Bezalila zanadahin'i Ory zanadahin'i Hora, avy amy fokon'i Joda. ³¹ Tamy fagnahiny i Bezalila, ba hangome anazy fahendre, fahatakara, dra fahalala. amin'ereo karaza fanova tao-draha aby, ³² ba hanao asa kanto famorogna vo hiasa amy volamena, volafosy, dra varahina; ³³ dra koa ba hanapaky vo hametraky reo vato dra hisokisy reo hazo-ba hagnova reo karaza asa famorogna aby vo fagnova tao-draha. ³⁴ Nataony tao am-pony ba hampianary zay, dra izy vo Oholiaba zanadahin'i Ahisamaka, avy amy fokon'i Dana. ³⁵ Nameno anazy reo tamy fahaiza-manao raha ba hanova reo karaza asa aby izy, ho mpanao asa-tagna, ho mpanao asa sokisy, dra ho mpanao peta-kofehy amy manga, gny volomparasy, gny volonagn'ondry jaky dra gny rongony fosy madiniky , dra ho mpagneno.Mpanao asa tagna amy karazan'asa avy izy reo, dra mpamoro asa kanto.