¹ Magnamboara alitara hagnoroa litin-kazo magnisy.Atovy amy hazo akasia zay. ² Tokony raiky hakio gny halavany, dra raiky hakio gny sakany.Tokony ho efa-zoro zay, dra gny hahabony dra tokony ho ro hakio.Dra tokony hatao raiky aminazy gny tandrony. ³ Lombofo litin-kazo magnisy gny alitara miaraky amy volamena malio-gny agn'ambony, reo sisiny , dra reo tandrony. Asio sisim-bolamena gny magnodidy anazy. ⁴ Manova mason-dravaky volamena ro hafehiny aminazy ao ambaniny sisiny amin'ereo sisiny ro mifanandrify aminazy. Gny mason-dravaky dra tokony hita reo ba hitarazo gny alitara. ⁵ Manova bao amy hazo akasia, dra fognoso amy volamena reo. ⁶ Tokony apetrakao eo alohany lamba ze mariny gny fiara gny vavolombelo gny alitara gny litin-kazo magnisy . Zay ho eo alohany saronam-pagnavota ze ao amy fiarany vavolombelo, zay hihaognako amindrareo. ⁷ Ao hagnoro litin-kazo magnisy isa-maray i Arona .Ao raha mita reo joro gny hagnoro anizay izy, ⁸ dra handrehisy gny jiro draiky i Arona amy hariva ba hirehisy sy tapaky eo anatrehan'i Yaveh gny litin-kazo magnisy, hatramin'ereo taranakao. ⁹ Fa ao sy hanolosy litin-kazo magnisy hafa eo amy alitarany litin-kazo magnisy ianao, na koa fagnatisy horoa na fagnatisy vary.Ka mandraraky fagnatisy finomy eo amin'izay ianao. ¹⁰ ao hanao fagnavota draiky mamdeha isan-tao eo amin'ereo tandroky reo i Arona.Aminigny alalany lio gny fagnatisy noho gny ota gny hanovany fagnavota draiky mandeha isan-tao ho anizay ho amy taranakao fara-mandimby.Zay dra voatoko tateraky ho an'i Yaveh.'' ¹¹ Yaveh nizaka tamin'i Mosesy nanao ho: ¹² ''Raha mangalaky gny fagnisa an'ereo Israelita ianao, dra tokony magnome valim-pagnavota gny ainy ho an'i Yaveh aby gny olo kirairaiky.Ataonao anizay raha aby magnihaky anazy reo ianao, ba sy hisiany areti-mamono eo amin'ereo raha magniaky anazy reo ianao. Reo olo iaby ze voaisaky ao amy fagnisam-bahoaky dra handoa asasaky gny sekely volafosy, araky gny lazany sekeliny fitoera masy (gny sekely dra mitovy amy gera ro-polo).Io asasaky sekely io dra hatao ho fagnatisy ho an'i Yaveh. ¹⁴ Reo olo aby ze voaisa, hatraminigny ro-polo tao miakasy , gny sy maisy miriosy io fagnatisy ho anahy. ¹⁵ Raha hagnome anizay fagnatisy zay ho anahy gny olo hagnova fagnavota gny ain'ereo, dra sy tokony handoa mihoasy gny asasany sekely gny manan-kanagna, dra gny mizaly sy handoa lasaky. ¹⁶ Tokony handramby anizay vola fagnavota avy amin'ereo Israelita zay iandrareo dra tokony hinday anizay amy asa ao amy trno lay hazomanga fihaogna.Ao ho fampasiahiva ho an'ereo Israelita eo anatrehako zay, ba hanova fagnavota ho agny aindrareo.'' ¹⁷ Yaveh niresaky tamin'i Mosesy dra nizaka ho: ¹⁸ 'Manova koveta lahibe varahina avo koa miaraky amy sanganam-barahina raiky, kovetabe raiky ho fisasany.apetrakindrareo eo agnelagnelany tragno hazomagna fihaonagna vo gny alitara zay, dra asio rano ao agnatiny. ¹⁹ Dra Arona vo reo zanadahiny dra tokony hanasa gny tagnany vo gny tambon'ereo amy rano ao agnatiny zay. ²⁰ Raha handeha ho ao amy tragnohazomanga fihaogna izy reo na raha handeha hagneky gny alitara ba hanompo anahy amy alalany fandora fagnatisy, dra sy maisy misasa amy rano izy reo ba sy ho maty. ²¹ Sy maisy manasa gny tagnany vo gny tombony izy reo ba sy ho maty.ao ho lalana maherisy ho agny Arona vo reo taranany dra hatramin'ereo taranaky fara-mandimbin'ereo zay. ²² Niresaky tamin'i Mosesy Yaveh nizaka ho: ²³ ''Rambeso tahoky raha-magnisy soa tahoky:miora-mitete dima-zato sekely, kanelina manim-pofo 250 sekely, fary manam-pofo 250 sekely , ²⁴ kasia dima-zato sekely, norefesiny tamy lazany sekely gny fitoera masy, vo menaky oliva raiky hina. ²⁵ Manova menaky fagnosora masy miaraky amin'ereo fangaro reo,zay asany mpangaroharo raha-magnisy. Ho menaky fanosora masy zay, voatoka ho anahy. ²⁶ Ao hosoranao amin'io menaky io gny tragno hazomanga fihaogna, tahaky anizay koa gny fiarany vavolombelo, ²⁷ reo latabasy baminigny fanaky aby eo agnabony, gny fitoera-jiro dra reo fitova , dra gny alitarany gny fagnatisy dora baminigny fitova iaby, dra gny koveta miaraky amy tombony. ²⁹ Ayokany ho anahy reo ba ho masy ho anahy.Zay aby mikasiky anazy reo avo koa dra ho masy. ³⁰ Ao hosoranao i Arona vo reo zanadahiny ka atokany ho anahy izy reo ba hanompo anahy ho mpisoro . ³¹ ao ho zakanao amin'ereo Israelita ho:'Aoka ho menaky fagnosora voatoka ho an'i Yaveh ho an'ereo taranaky gny olo itio. ³² Sy azo hosira amy holisy gny olo zay, na manao menaky tahaky anizay amy raikipohy mitovy , satria zay dra voatoka ho an'i Yaveh.Fa tokony hagnety anizay aminizay fombany zay ianao. ³³ Na iza na iza manao litin-kazo magnisy tahaky anizaym na iza na iza magnisy anizay eo amy olo, dra sy maisy hala hiala amy fireneny zay olo zay.''' ³⁴ Ho Yaveh tamin'i Mosesy:''Mangala raha-magnisy -natafa, sekeleta, dra lebon-draha magnisy mamy zay miaraky amy litin-kazo malio, atovy mitovy fatra zay. ³⁵ atovy ho tahaky gny litin-kazo magnisy zay, naharonigny mpanao raha-magnisy,miaraky amy sira,malio dra voatoka. ³⁶ Hotorotoroinao hiharo soa anizay.Apetraho eo alohany fiarany vavolombelo zay, zay ao amy tragno hazomanga fihaogna, ze hihaognako aminao. Dra iandrareo dra handray anizay ho tahaky gny masy indrindry ho anahy. ³⁷ Gny amin'itio litin-kazo magnisy zay hataonao itio, dra sy tokony hanao raikipohy mitovy ho agny vatanao ianao . Tokony ho nasy indrindra ho anao zay. ³⁸ Na eza na eza manao raha tahaky anizay hampiasa ho tahaky gny rano magnisy dra sy maisy ala hiala amy fireneny zay olo zay.''