¹ Dra bo niaraky gny agn'ondry vo osin'i Jetro rafozany, gny mpisorony gny Midiana avo koa i Mosesy. Dra nandesin'i Mosesy tagny akoasy gny efisy gny agn'ondry vo osy ka avy tagny Horeba, gny tendrombohisin'Agnahary. ² Teo gny nisehoany gny azelin'i Yaveh taminazy tamy lelagn'afo tao agnatiny voaroy , Nagnety i Mosesy , dra indro, nirehisy gny voaroy, nefa gny voaroy dra sy mety levo. ³ Dra ho Mosesy ho:''Hagnato mariny zaho ba hagnatiako zao raha-mahagaga zao, nanao akory gny sy levo gny voaroy.'' ⁴ Koa raha hitan'i Yaveh fa nagnato mariny izy ba hizaka, dra nitoka anazy laha teo aminigny voaroy Zagnahary ka nanao ho:''Mosesy, Mosesy. ''Dra ho mosesy ho:''Itio zaho.'' ⁵ Dra ho Zagnahary ho:''Ka magneky loasy!Alao egny antombonao gny kiraronao, fa gny toera ze ijoroanao dra tany fa voatoka ho anahy.'' ⁶ Nampiany ho:''Zaho gny Zagnahariny gny razanao, Zagnaharin'i abrahama, Zagnharin'Isaka, dra Zagnarin'i Jakoba.''Dra nagnaro gny vatany i Mosesy , satria natahosy gny hagnety agn'Agnahary izy. ⁷ Ho Yaveh ho:''Hitako vatany gny fahoriany vahoakako ze tao Egypta. Fa reko gny fitaraignan'ereo noho gny amin'ereo mpifehy anazy, satria fatako gny momba gny fizalian'ereo. ⁸ Koa nilisy zaho ba hagnafaky anazy reo amy fahefan'ereo Egyptiana dra hinday anazy reo hiakasy avy aminizay tagny anizay ho agny amy tany soa, vo midadasiky , ho agny amy tany tondra-dronono vo tately;ho agny amy farisin'ereo Kananita, Hetita, Amorita, Perizita, Hivita, dra reo Jebosita. ⁹ Amizao fa avy atiho aminahy reo fitaraignany gny vahoakin'Israely. Dra koa, da hitako gny fampahoria nataon'ereo egyptiana. ¹⁰ Noho zay, hagniraky anao ho agny amin'i Farao zaho ba hahafahanao hinday gny vahoakako, reo Israelita, hiala ao Egypta.'' ¹¹ Fa ho i Mosesy tamin'Agnahary ho:''Iza moa zaho, gny handeha agny amin'i Farao ka hinday reo Israelita hiala ao Egypta?'' ¹² Dra namaly Zagnahary ho:''Homba anao vatany zaho. Zao gny famatara ho anao fa nagniraky anao zaho. Raha tafaboakinao laha tao Egypta gny vahoaky, dra hanompo anahy reto amin'itoho tendrombohisy itiho iandrareo.'' ¹³ Dra ho Mosesy tamin'Agnahary ho:''Raha ho agny amin'ereo ho:''Gny Zagnahariny gny razandrareo gny nagniraky anahy atoho amindrareo, 'ka raha hoy izy reo aminahy ho:''Iza gny agnarany?''Dra ino gny ho zakako amin'ereo?'' ¹⁴ Dra ho Zagnahary tamin'i Mosesy ho:''ZAHO GNY ZAHO. ''Dra ho Zagnahary ho:'Sy maisy hizakanao reo Israelita ho:'ZAHO gny nagniraky anahy ho atiho amindrareo.'' ¹⁵ Dra hoy avo koa Zagnahary tamin'i Mosesy ho:''Yaveh, Zagnahary gny razandrareo, Zagnaharin'i Abrahama, Zagnaharin'i Isaka, Zagnaharin'i Jakoba, gny nagniraky anahy ho atiho amindrareo. Zay gny agnarako mandrakizay, zay gny hasiarova anahy hatraminigny taranaly fara-mandimby aby.'' ¹⁶ Mandehana ka vorio miaraky reo loholon'Israely. zakao amin'ereo ho:''Yaveh, Zagnahariny gny razandrareo, Zagnaharin'i Abrahama, Zagnaharin'i Isaka, Zagnaharin'i Jakoba, fa niseho taminahy ka nanao ho:''Fa nandiniky andrareo vatany zaho, dra nahita ze natao tamindrareo tagny Egypta.'' ¹⁷ Fa nampanatena zaho fa hinday andrareo hiala amy fampahoria ao Egypta ho agny amy tanin'ereo Kananita, Hetita, Amorita, Perizita, Hivita, dra reo Jebosita, tany tondra-dronono vo tately. '' ¹⁸ Hiteno anao izy reo. sy maisy magnagny amy mpazakan'i Egypta ianao vo reo loholon'Israely, ka zao gny sy maisy ho zakandrareo aminazy ho:''Yaveh, Zagnahariny gny Hebreo, dra fa nihaona taminay. Ko ao zahay handeha hateloana agny an'efisy, ba hahafahanay hanao soro ho an'i Yaveh, Zagnaharinay.' ¹⁹ Nefa fatako da sy hamela andrareo handeha gny mpazakan'i egypta, raha sy hoterena izy. ²⁰ Hanondrosy gny tagnany zaho dra hanafiky reo egyptiana amin'ereo fahagaga ze ho ataoko eo amin'ereo. Raha afaky zay dra hagnenga andrareo handeha izy. ²¹ Dra hampahitako fitia amy Egyptiana reo vahoakyu reo, koa raha handeha iandrareo, dra sy handeha amy tagnam-polo. ²² gny ampela aby dra hangataky firavaky volafosy vo volamena dra fitifia amin'ereo Egyptiana mpiara-mony aminazy vo ze ampela aby mitoesy ao antragnon'ereo mpiara-mony aminazy. Hampinday andrareo gny zanakindrareo lahy vo gny zanakapelandrareo zay. Zay gny fomba handrobahandrareo gny Egyptiana.''