¹ Tokavo ho eo aminao i Arona rahalahinao vo reo zanany-dra i Nadaba, Abiho, Eleazara, dra Itamara-hiala eo amin'ereo Israelita ba hahafahan'ereo manompo anahy ho mpisoro. ² Sy maisy magnamboasy akazo voatoka ho anahy, ho an'i Arona rahalahinao ianao. Ho voninahiny vo ho famirapirata ho anazy reo akazo reo. ³ Sy maisy mizaka amin'ereo olo ze hendry am-po, dra reo ze nofenoko gny fanahiny fahendre ianao, ba hahafahan'erep magnamboasy gny akazin'i Arona hanoka anazy hanompo anahy ho mpisoroko. ⁴ Gny akazo zay sy maisy amboarin'ereo dra saron-tratra, efoda, ankazo lava, akazo tenom-boaroy, hamama, dra fehin-kibo. Sy maisy magnamboasy reo akazo ze hanokana anazy ho anahy izy reo . Atao ha an'i Arona rahalahinao vo reo zanany zay ba hanompoany anahy ho mpisoro. ⁵ Sy maisy mampiasa rongony fosy madiniky ze volame, manga, volomparasy, dra jaky mena reo mpanao tao-draha. ⁶ Ao izy reo hagnamboasy gny efoda amy volamena, manga, volomparasy dra volonagn'ondry jaky, dra rongony fosy madiniky voateno.Sy maisy asany mpanao tao-raha za-draharaha zay. ⁷ Ao hisy saro-soroky ro mipitiky eo amin'ereo sisiny agnabony. ⁸ Gny fehin-troky te ho resy madiniky dra sy maisy hatao tahaky gny efoda;sy maisy atao amy ampahan-damba avy amy efoda, vita amy rongony fosy madiniky ze volamena, manga, volomparasy dra jaky mena zay. ⁹ Ao hangalaky vato beryla ro ianao ka handrakisy gny agnaran'ereo zanakan'Israely ro ambiny folo lahy eo aminizay. ¹⁰ Gny enina amy agnaran'ereo dra sy maisy hatao eo amy vato raiky, dra gny enina hafa koa dra eo amy vato raiky hafa, samy araky gny filaharany nahaterahany aby. ¹¹ Amy asany mpisokisy vato, tahaky gny sari-sokosy amy tombokase, gny sy maisy handraketanao gny agnaran'ereo zanakan'israely ro ambiny folo lahy eo amin'ereo vato ro.Ao hakambanao amy randram-bolamena reo vato reo. ¹² ao ho ataonao eo amin'ereo saro-soroky efoda reo vato gny ro, ba ho vato fampasiahiva an'i Yaveh gny amin'ereo zanakan'Israely.Arona gny hinaday gny agnaran'ereo eo asorony eo anatrehan'i Yaveh ho fampasiahiva anazy. ¹³ Manova fitoera vita amy volamena ¹⁴ vo ravaky volamena sy mifangaro ro narandrana tahaky gny taly, dra hafehiny eo amin'ereo fitoera reo gny ravaky. ¹⁵ Manova saro-tratra ho agny fanapahan-kevisy, asany mpiasa zadrahara, namboary tahaky gny efoda.Amboara amy volamena, manga, volomparasy dra volonagn'ondry jaky , vo amy rongony fosy madiniky zay. ¹⁶ Tokony ho efa-zoro zay.Haforeto ro reo saro-tratra.Tokony ho raiky jehiny gny halavany dra raiky jehy gny velarany. ¹⁷ asio andalam-batosoa sarobily efasy eo aminizay.Gny andala volohany dra sy maisy misy karnelia, topazy, dra emeralda mena. ¹⁸ Gny andala faharo koa dra sy maisy misy emeralda, safira, dra diamondra. ¹⁹ Gny andala fahatelo dra sy maisy asia opla, agata, dra ametysta. ²⁰ Gny andala fahefasy dra sy maisy misy beryla, vo krysolita dra jaspy.Sy maisy hampizera-raha amy ranom-bolamena zay. ²¹ Halaharo araky gny agnaran'ereo zanakan'Izraely ro ambiny folo lahy, samy araky gny agnarany aby reo vato.Tokony ho tahaky gny sari-sokosy eo amy baka fitomboky reo, dra gny agnarany kirairaiky aby dra magnambara gny raiky amin'ereo foko ro ambiny folo. ²² Asio ravaky volamena malio voarandra tahaky gny taly, eo amy saro-tratra. ²³ Magnamboara mason-drozo volamena ro ho agny saro-tratra dra apetao eo amy zorony gny saro-tratra ro reo. ²⁴ apetraho eo amy zorony saron-tratra ro reo ravam-bolamena ro. ²⁵ Hapetao eo amin'ereo fametraham-bato ro gny horiny ravaky voataly . Laha teo efoda eo alohany zay. ²⁶ Magnamboara mason-drozo volamena ro, dra apetaho eo amy zorony saro-tratra ro hafa zay, eo amy sisiny mariny gny zorony agnatiny. ²⁷ Magnamboara mason-dravaky volamena ro hafa ianao, hapetaho eo amy farany ambanin'ereo saro-soroka ro eo alohany efoda, magneky fehin-kazo voateno gny efoda zay. ²⁸ Afahezo eo amy mason-dravaky amy mason-dravaky efoda , amy alalany gny foly maanga gny saro-naragna, ba hipitiany eo agnabony fehitroky vaoteony efoda. Natao zay ba sy hiombosy amy efoda gny saro-naragna. ²⁹ Raha magnao amy fitoera masy i Arona , dra sy maisy minday gny agnaran'ereo ao amy saro-naragna fanapahan-kevisy, ba ho fahasiarova maharisy eo anatrehan'i Yaveh.'v 30 ao apetrakao ao amy saro-naragna fanapahan-kevisy gny Orima vo gny Tomima, ba ho eo amy fon'i Arona zay raha milisy eo anatrehan'i yaveh izy.Aminizay i Arona dra hinday gny fomba andesiny manapa-kevisy ho agny vahoakan'Israely eo am-pony lalandava eo anatrehan'i Yaveh. ³¹ atovy amy lamba volomparasy tateraky gny akazo lavan'i Efoda.SYmaisy misy fisofohanigny loha eo agnevonizay. ³² Ao hisy morony voateno magnodidy gny vozon'izay ba sy hitriasy.Sy maisy azarany mpagneno ze asa zay. ³³ Eo amy moro-tombony, dra ao asianao sarin'apongaben-dagnisy manga, volomparasy, dra jaky mena magnodidy anazy. Reo lakolosin'Agnahary dra sy maisy mielanela magnodidy anizay. ³⁴ Sy maisy misy lakolosy volamena dra apongaben-dagnisy-dra tahaky anizay hatrany -magnodidy gny moro-tombony gny akazo lava. ³⁵ tokony hanovan'i Arona gny akazo lava raha manompo izy, ba ho re gny feony raha milisy ao amy fitoera masy eo anatrehan'i Yaveh vo miboaky izy.Natao anizay ba sy ho maty izy. ³⁶ Magnamboara takela-bolamena sy mifanfaro ka hagnisy sorasy eo aminizay, tahaky gny sorasy eo amy tambokase ho:''Masy ho an'i Yaveh.'' ³⁷ apetraho amy fply manga eo anoloany hamama io takela-bolamena io. ³⁸ Ao ho eo amy tampon-kandrin'i Arona zay;sy maisy minday ze fahameloha aby mety hiaraky amy fagnatisy gny fagnomeza masy ze hatoko gny Israelita ho an'i Yaveh hatrany izy.Ao ho eo amy tampon-kandriny lalandava gny hamama ba hanekan'i Yaveh gny fagnatisin'ereo. ³⁹ Magnaboara akazo vita amy rongony fosy madiniky ianao, dra magnamboara hamama vita amy rongony fosy madiniky. Ao avo koa ianao hanao fehin-troky , ze azra asany mpanao peta-kofwhy. ⁴⁰ Ho an'ereo zanak'i arona koa dra sy maisy magnamboasy fitafia, fehin-troky dra fehiloha ianao ho voninahisy vo famirapiratan'ereo . ⁴¹ Ao ampitafianao i Arona rahalahinao, bamin'ereo zanany.Sy maisy manosoay anazy reo, magnamasy anazy reo, dra `manoka anazy reo ho anahy ianao, ba hanompon'ereo anahy ho mpisoro. ⁴² Magnamboara atin'akazo vita amy rongony ho anazy reo ba handomboky gny mofo mitazan'ereo, dra hanaro anazy reo manomboky laha teo amy valahana ka hatreo amy fe. ⁴³ sy maisy manao reo akazo reo i Arona vo reo zanany raha milisy ao amy tragno-lay fihaogna na raha magnato gny alitara ba hanompo ao amy fitoera masy. Sy maisy manao anizay izy reo ba sy ho hory, raha sy zay izy reo dra ho maty. Lalana maharisy ho an'i Arona vo reo taranaky mandimby anazy zay.