¹ Ka magnome tatisy diso na momban'ia na momban'ia.Ka mikamba amy olo rasy fagnahy ba ho vavolombelo sy mary. ² Ka magnaraky gny maro hanao rasy, dra mety hisanga vavolombelo raha magnaraky gny maro ba hamaliky gny rariny. ³ Ka miangasy amy mahatra agny amy fisarana anazy. ⁴ Raha hitanao magnia gny agn'omby gny fahavalonao na gny borikiny, hahiregno agny aminazy zay. ⁵ Raha hitanao lavo voasindry gny etany amy tany gny borikinigny olo ze malaiky anao, ka miriosy anizay olo zay. Ao hagnbanpy anazy aminiazay borikiny zay vatany ianao. ⁶ Ka mamaliky gny rariny raha tokony ho agny olo malahelo agny amy alinigny malahelo zay. ⁷ Ka mikamba amy fanova mpavandy, dra ka mamono gny sy mana-siny na gny olo-mary, fa sy hagnamary gny rasy fagnahy zaho. ⁸ Ka mandramby raha sy mazava (kolikoly), fa gny raha sy mazava mahapoaky reo ze mahirasy, dra mamily gny zakanigny olo-mary. ⁹ Ka mampahory gny firenena hafa , satria fatanao gny fiaignany gny vahiny, fa vahiny iandrareo tany amy tany Egypta. ¹⁰ Hamafy tegnany amy tany dra hamory gny vokasy aminazy ianao mandrisy gny enin-tao. ¹¹ Fa amy tao fahafito dra hanganao eo zay, ba hahafahan'ereo mizaly amy vahoakinao hihina. Gny sisan'ereo, dra hohanin'ereo bibidia. Hanao tahaky anizay amin'ereo tanim-boalokinao vo reo tanin'olivanao ianao. ¹² Mandrisy gny enina andro dra hanao gny asanao ianao, fa amy andro fahafito dra sy maisy misahatry ianao. Atovy zay ba hahafahany agn'ombinao vo gny borikinao misahasy , dra ba hahafahany gny zanadahiny gny andevo vavinao vo gny vahiny misahasy vo mangalaky ay. ¹³ Tandremo reo raha aby ze voazakako anao. Ka manogn o agnaran'Agnahary hafa , na hagnenga gny agnan'ereo ho heno avy amy havoanao. ¹⁴ sy maisy mandeha intelo isan-tao ianao hanao andro firavoravoa ho anahy. ¹⁵ Tandremonao gny andro Firavoravo ho amy mofo sy misy masirasira. Araky gny nandidiako anao, hihin mofo sy misy masirasira ianao mandrisy gny fito andro. Aminizay fotoa zay, hiseho eo anatrehako ianao amy volana Abiba, ze voatendry ho an'izay tazona zay.Tamin'izay volana zay gny niboahanao laha tagny Egypta. Nefa ka miseho eo anatrehako tagnam-polo ianao. ¹⁶ Tandremonao gny andro firavoravoanyu fiziza, tamy namafazanao tegnany volohany taminigny tany.Tandremonao avo koa gny andro firavoravoany fampiakaram-bokasy amy farany tao, raha mamory gny vokasinao avy aminigny tany ianao. ¹⁷ Reo lahinao aby dra sy maisy miseho eo anatrehany Tompo Yaveh intelo isan-tao ¹⁸ Ka manolosy gny lio avy amin'ereo soro natao ho anahy miaraky amy mofo misy lalivay ianao. Ka anga hizano mandrisy gny hariva hatraminigny maraindray gny jabora avy amin'ereo soro tamy andro firavoravoako. ¹⁹ Gny voloham-bokasy voafaty indrindra avy amy taninao dra sy maisy aterinao ao an-tragnoko, dra tragnon'i Yaveh zagnaharinao. Ao sy hahandro gny zanak'Osy amy rononon-dreniny ianao. ²⁰ Zaho handeha hagniraky azely eo alohanao ba hiaro anao egny an-dala, dra ba hinday anao agny amy toera ze nomaniko. ²¹ Mitenoa anazy dra ankatoavy izy. Ka mihasy anazay, fa sy hagnenga reo fahotanao izy. Gny agnarako gny ao aminazy. ²² Raha tia gny feony vatany ianao dra manao gny raha aby ze zakako aminao, dra ho fahavalon'ereo fahavalonao zaho dra ho mpifanandry amin'ereo mpifanandry aminao. ²³ Handeha eo alohanao gny azeliko dra hinday anao agny amin'ereo amorita, Hetit, Perisita, Kananita, Hivita, dra reo Jebosita. Handringa anazy reo zaho. ²⁴ Ka miankohoky amy zagnaharin'izy reo, manompo anazy reo, na manao ze hataon'ereo ianao. Fa koa, sy maisy ravanao tateraky reo dra torotoro reo sangam-baton'ereo. ²⁵ Manompoa an'i Yaveh Zagnaharinao, dra hitahy gny mofonao vo gny ranonao Izy. alako aminao gny arety. ²⁶ Sy hisy ampela ho momba na ho afazaza agny amy taninao. Homeko andro lava hiaina ianao. ²⁷ Handefa gny tahosy gny vatako amin'ereo ze tany andehanao zaho. Hamono reo olo aby ze mifakatozy aminao zaho. Hampiamboho reo fahavalonao aby amy tahosy zaho. ²⁸ Handefa fanenisy ho eo anoloanao ba handroaky reo Hivit, Kananita, dra Hetita sy ho eo alohanao zaho. ²⁹ Sy handroaky anazy reo eo alohanao agnatiny tao raiky zaho, Fandrao ho rava gny tany, dra ho maro loasy aminao reo bibidia. ³⁰ Fa koa, horoahiko sikelikely sy ho eo anoloanao reo mandra-pahaviny anao mamokasy ka handova gny tany. ³¹ Hataoko hatrany amy ranomasy Mena ka hatrany amy ranomasin'i Filistina gny sisin-taninao, dra hatr an'efesy ka hatra amy gny ony Eofrata. Zaho hagnome anao fandrese amy mponigny tany. Horoahinao eo anatrehanao izy reo. ³² Ka manao faneke amin'ereo na amin'ereo zagnahariny ianao. ³³ Sy mahazo mipetraky ao amy taninao izy reo , raha sy zay izy reo dra hampanota anao aminahy. Raha manompo reo zagnaharin'ereo ianao, dra hivaliky ho fandriky ho anao vatany zay.'''