¹ Dar yaveh nizaka tamin'i Mosesy ho:''Miakara atiho aminahy-ianao, Arona, Nadada, Abiho vo fito-polo amy loholon'Israely, dra manompoa anahy egny lavisy egny. ² Mosesy raiky gny afaky magneky anahy. ao sy hagneky reo hafa, dra sy mahazo miakasy miaraky aminazy gny vahoaky. ³ Nandeha i Mosesy dra nizaka tamin'ereo vahoaky reo tegny vo reo didin'i Yaveh aby.Gny vahoaky aby namaly anazy tamy feo raiky dra nizaka ho:''Hataonay reo zakan'i Yaveh.'' ⁴ Dra mosesy nadray asorasy reo zakan'i Yaveh aby. Vo maray, Mosesy dra nagnory alitara teo am-pototygny tendrombohisy dra nandamy sangam-bato ro ambiny folo, reo vato dra ba hanehoa reo foko ro ambiny folony Israely. ⁵ Nandefa zatovo lahy Israelita maromaro izy hanolosy gny fagnatisy dora dra nanao soro fagnatisy agn'omby ho an'i Yaveh ho fiombona aminazy. ⁶ Nalan'i Mosesy gny sasaky gny lio ka nataony tao agnatiny kovetabe zay;dra gny asasany koa nafafiny teo amy alitara. ⁷ Nalany gny bokiny fanekem-pihavana dra nivakiny fatrasy tamin'ereo vahoaky. Ho izy reo ho:''Hataonay aby reo ze nizakan'i Yaveh. Ho mpankatoa zahay.'' ⁸ Dra nalan'i Mosesy gny lio ka nafafiny teo amy vahoaky. Ho izy ho:''Itio gny liony fanekem-pihavana ze nataon'i Yaveh tamindrareo amy fagnomeza zao fampanatena miaraky amin'izao zaka iaby zao.'' ⁹ Dra niakasy gny tendrombohisy i Mosesy, Arona, Nadaba, Abiho, dra fito-polo tamin'ereo loholon'Israely. ¹⁰ Nahita agn'Agnaharin'Israely izy reo.Teo ambany tombony nisy rarivato vita avy amy vato safira, dra nazava tahaky gny lagnisy mihisy. ¹¹ Zagnahary sy nanondrosy gny tagnany tamim-pahoria tamin'ereo mpitariky gny Israelita. Nahita an'Agnahary izy reo, dra nihina vo nino. ¹² Ho Yaveh tamin'i Mosesy ho:''Miakara eto aminahy eto amy tendrombohisy ka mitoera eto. Homeko anao reo vato pisaky vi gny lalana dra reo didy ze fa nosoratako, ba hampianarinao anazy reo.'' ¹³ Dra Mosesy niala niaraky tamin'i Josoa mpiasany dra niakasy tagny antendrombohisin'Agnahary. ¹⁴ Nizaka tamin'ereo loholo Mosesy ho:''Mizanogna eto dra miambena anay mandra-piaregnanay eto amindrareo.Arona vo Hora dra miaraky amindrareo. Raha misy olo mana fifandira . angao izy handeha agny amin'ereo.'' ¹⁵ Dra nandeha niakasy antendrombihisy i Mosesy, dra gny raho nanaro anizay. ¹⁶ Gny voninahisin'i Yaveh nitoesy tamy tendrombohisy Sinay, dra nanaro anizay henema gny raho. Tamy andro fahafito dra nitoka an'i Mosesy laha tao agnatiny raho Izy. ¹⁷ Gny fahita gny voninahisin'i Yaveh dra tahaky gny afo mandevo gny tampony tendrombohisy teo amasaon'ereo Israelita. ¹⁸ Nilisy tao agnatiny raho i Mosesy ka niakasy tagny antendrombohisy. Tegny antendrombohisy nanditry gny efa-polo andro vo efa-polo hariva izy.