¹ Zagnahary nizaka zao zaka zao aby : ² ''Zaho gny Yaveh Zagnaharinao, zay nandesa anao niboaky laha tagny amy tany Egypta, laha tao amy tragno fagnandrvoza. ³ Ka mana Zagnahari-kafa fa zaho avo. ⁴ Ka manao sarin-draha voasokisy ho anao na ho endriky gny raha egny amy lagnisy agnabo, na zay etio amy tany ambany, na zay agny amy rano ambaniny gny tany. ⁵ Ka mindohalifa eo anatrehany dra ka manompo anazy, fa zaho, Yaveh Zagnaharinao, dra Zagnahary saropiaro.Ka gny harasiam-pagnahiny gny razanao dra valiako agny amy taranakao, dra gny zanaky vo gny zafiafin'ereo zay malaiky anahy. ⁶ Nefa koa maneho sy fivaliham-paneke amy olo arivo mandimby zay tia anahy ka mitandry reo didiko zaho. ⁷ Ka manognona fahatany gny agnaran'i Yaveh Zagnaharinao, fa Zaho dra hiampanga reo zay manognona fahatany gny agnarako. ⁸ Sarony gny andro Sabata, ba hanoka anizay ho anahy. ⁹ Ao hataonao mandrisy gny eny andro gny asa aman-draharaha aby. ¹⁰ Fa gny andro fahafito dra Sabata an'i Yaveh Zagnaharinao.Aminizay an'i Yaveh tokony hisy asa atao, na gny zanadahinao, na gny zanakapelanao, na gny mpanompo lahinao , na gny mpanompo vavaninao, na gny biby fitezanao, na reo mpivahiny zay milisy agnatiny vavahadinao. ¹¹ Fa nandrisy gny enina andro Yaveh gny nanao gny tany vo gny lagnisy , gny ranomasy ,dra gny raha aby zay ao agnatin'izay, dra nizanozano tamy andro fahafito.Noho zay Yaveh dra nitahy gny andro Sabata ka nanoka anizay. ¹² Magnza gny ranao vo gny reninao, ba ho lava andro iaigna ianao eo amy tany ze omen'Agnanahary anao. ¹³ Ka manogno olo. ¹⁴ Ka mijanganjanga. ¹⁵ Ka mangalasy agny amy olo. ¹⁶ Ka mijiro vavolombelo sy mary manohisy gny namanao. ¹⁷ Ka misiririsy gny tragnonigny namanao, ka misiririsy gny valiny gny namanao, gny mpanompo lahiny , gny mpanompo vaviny, gny agn'ombiny, gny borikiny, na zay aby hanagnany namanao. ¹⁸ Dra gny olo aby nahare gny hotrok'ora vo gny helasy, dra nahare gny feony trompetra, dra nahita gny tendrombohisy nanetroky.Fa gny nahita anizay gny olo, dra teraky-mangitikitiky izy reo dra nisanga lavisy . ¹⁹ Hoy izy reo tamin'i Mosesy ho:''Mizaka aminay, dra hiteno zahay;fa ka anga hizaka aminay Zagnahary, fandrao ho maty zahay.'' ²⁰ Hoy Mosesy tamy olo ho:''Ka matahoky , fa Zagnahary dra avy hisapa andrareo ba ho amindrareo gny voninahiny, dra ba sy hanotandrareo.'' ²¹ Dra nizano tegny lavisy tegny gny olo, dra Mosesy nagnato gny mezim-pito zay nisy an'Agnahary. ²² Hoy Yaveh tamin'i Mosesy ho:''Zao gny sy maisy zakanao amy Israelita:'Iandrareo fa nahita fa tagny an-dagnisy zaho gny nizaka tamindrareo. ²³ Iandrareo dra sy tokony hanao Zagnahari-kafa miaraky aminahy, na Zagnahary volofosy na reo Zagnahary volamena. ²⁴ Tokony hanao alitara tany ho anahy iandrareo, dra tokony anao soro amy fagnatisy dora eo agnabony, fagnatisy fiombona, agn'ondry, dra agn'omby.Egny any toera zay nifiliko ho andrareo hagnomeza voninahisy anahy. ²⁵ Raha hanao alitara vato ho anahy hiandrareo, dra ao sy ho vato voapaiky no hanovandrareo aminazy iandrareo, dra handoto anizay. ²⁶ Ka miakasy amy ambaratongany ho eo amy alitarako; zay dra ba sy hisehoanigny fitazahandrareo.'''