¹ Amizao, ry Israely, mitenoa gny lala vo gny didy ze hapenariko andrareo, hataondrareo; ba hahavelomandrareo vo hidirandrareo dra hangalandrareo gny tany ze hamen'i Yaveh, gny Zagnahary gny razandrareo. ² Aoky handrareo sy hagnapy gny zaka ze handidiako andrareo, na hangalan'amizay, ba hitandremandrareo reo lalan'i Yaveh Zagnaharindrareo ze handidiako andrareo. ³ Gny masondrareo dra fa nahita ze nataon'i Yaveh noho Bala-peora; akory gny olon'aby ze nagnarky an'i Bala-peora, dra naringanin'i Yaveh Zagnaharindrareo hiala teo aminao. ⁴ Fa handrereo ze nifikisy tamin'i Yaveh Zagnaharindrareo koa dra bo velo amizao, gny aminao aby. ⁵ Ingo, napianasy didy amandalana handrareo zaho,araky ze nandidian'i Yaveh Zagnahariko zaho, fa tokony hanao anizay eo agnevonigny tany ze hidirandrareo ba ho azondrareo handrareo. ⁶ Ko tandremo zay dra atovy; fa zay gny fahedrena vo fahazava-saindrareo eo amasonigny olo ze hahare momba reo didy aby reo dra hanao ho: 'Azo atoky fa vahoaky hendry sady mana-pahefa ty firenena lahibe ty.' ⁷ Fa iza gny firenena lehibe hafa ze mana zagnahary mariny anazy, manahaky an'i Yaveh Zagnaharisika isika gny mitoka anazy sika? ⁸ Iza gny firenena lahibe hafa ze mana didy aman-dalana marina manahaky anity lalana ze apetrako eto anoloandrareo anio tihoky? ⁹ Fa mitandrema dra ambeno soa gny vatandrareo, ba sy hagnalignonao gny raha ze hitanigny masonao, dra ba sy hagnenga gny fonao amigny andro-piegnanao manotolo zay. Fa koa, apahafataro amigny zanakao vo gny zafinao zay. ¹⁰ Tamigny andro ze nizoroanao teo agnatrehan'i Yaveh Zagnaharinao tagny Horeba, dra nizaka taminahy Yaveh ho: 'Vorio honahy gny vahoaky, dra Zaho hapahare anereo gny zakako, ba hianaran'erei hahatahosy Anahy amigny andro-piegnan'ereo aby eto atany, dra hahafahan'ereo mapianasy gny zanany.' ¹¹ Dra nagneky handrareo dra nizoro teo apotosy gny tendrombohisy. Nirehisy afo nanakasy gny halalinigny lagnisy gny tendrombohisy, nindray tamigny ezy, raho, dra ezi-pito matevy. ¹² Nizaka tamindrareo boak'ao agnevonigny afo Yaveh; nahare gny feo nindray tamigny zaka handrareo, saingy sy nahita endriky; nahare feo fosiny avo handrareo. ¹³ Nitalily tamindrareo gny fagneke ze nididiny hapiharindrareo Izy, dra gny Didy Folo. Nisoratiny tamigny vato pisaky ro zay. ¹⁴ Nandidy anahy hapianasy andrareo gny didy vo baiko Yaveh tamizay fotoa zay, ba hanovandrareo anizay agny amigny tany ze hisahandrareo dra halandrareo ho fanagna. ¹⁵ Ko mitandrema soa__fa sy nahita karazan'endriky handrareo tamizay andro nizakan'i Yaveh tamindrareo tao Horeba boak'eo agnevon'afo zay__ ¹⁶ ba sy hanola vatahandrareo dra hamboasy sary sokosy mitovy endriky amize mety ho voahary, dra endrik'olo lahy vo vavy, ¹⁷ na mitovy endriky amize mety ho didy aby eto atany, na mitovy endriky amize mety ho biby manan'elasy dra mitilin'egny amigny lagnisy, ¹⁸ na mitovy endriky amigny raha aby ze mandidy amigny tany, na mitovy endriky amigny fia agny agnaty rano agny. ¹⁹ Aoky gny masonao sy hiandradra gny lagnisy dra hagnety gny masoandro, gny volana, na gny kitana__gny raha aby egny amigny lagnisy__dra ho voatao hivavaky amireo vo hanopo anireo___dre raha ze nagnomezan'i Yaveh Zagnaharinao azara ho anigny firenena aby ambaninigny lagnisy. ²⁰ Fa Yaveh nangalaky andrareo dra ninday andrareo niala boak'ao amigny fatana fandredreham-by, dra boak'agny Egypta,ba ho vahoaky ze lovany manoka, manahaky andrareo amizao. ²¹ Nasiaky taminahy Yaveh nohonigny amindrareo; nianiana Izy fa sy hisaky an'i Jordana zaho, dra sy hilisy ao amizay tany soa zay, dra gny tany ze amen'i Yaveh Zagnaharinao ho lovanao. ²² Fa koa, sy maisy ho maty eto amitry tany tihoky zaho; sy mahazo misaky an'i Jordana zaho; fa handrareo koa dra hisaky dra hahazo anizay tany soa zay. ²³ Tandremo soa gny vatandrareo, ba sy hagnaligno gny fagneken'i Yaveh zagnaharindrareo, ze nataony tamindrareo, dra hamboasy sary sokosy mitovy endriky amize nandraran'i Yaveh Zagnaharindrareo sy hataonao aby. ²⁴ Fa afo mandevo Yaveh Zagnaharinao, dra Zagnahary saro-piaro. ²⁵ Gny fa managnanaky ama-zafy hanao, dra gny fa nitoby ela tao amigny tany, dra raha manola gny vatanao dra manao sary sokosy araky gny endriky ze mety ho raha aby, dra manao rasy eo amason'i Yaveh Zagnaharinao, ba hapihesiky gny fahoriany__ ²⁶ dra mitoka gny lagnisy vo gny tany zaho anio ho vavolombelo amindrareo fa ho ringa hiala eo amigny tany ze hitandrareo an'i Jordana ho fanagnandrareo vatany handrareo; sy ho lava andro ao handrareo, fa ho ringa tateraky. ²⁷ Haparitak'i Yaveh eo amigny vahoaky handrareo, dra hangany kelik'asisa eo amireo firenena, ze hindesan'i Yaveh andrareo handrareo. ²⁸ Agny handrareo gny hanopo zagnahary hafa, ze asanigny tagnan'olombelo, vita amigny hazo vo vato, ze sady sy mahita, vo sy mahare, vo sy mihina, na manimbolo. ²⁹ Fa boak'agny handrareo gny hitalia an'i Yaveh Zagnaharindrareo, dra hahita Anazy, gny fa mitalian'anazy amigny fondrareo manotolo vo amigny fagnahindrareo manotolo handrareo. ³⁰ Gny fa Ory handrareo, dra gny fa avy amindrareo zay raha aby zay, dra hihery amin'i Yaveh Zagnaharindrareo handrareo dra hiteno gny feony agny afara agny. ³¹ Fa Zagnahary pamindra fo Yaveh Zagnaharindrareo; sy hagnenga na handringan'andrareo Izy, na hagnaligno gny fagnekenigny razandrareo ze nianianany tamin'ereo. ³² Fa zao dra hevero gny andro lasa, ze talohandrareo: nanomboky tamigny andro ze naharia'Agnahary gny olombelo teto atany, dra nanomboky tamigny ilany lagnisy dra hatreo amigny ilany hafa, hevero raha nisy manahaky anizay raha lahibe zay, moa ra nisy raha manahaky anizay bo re? Moa ra fa nisy vahoaky nahare gny feon'Agnahary nizaka boak'eo agnevonigny afo, manahaky gny naharezandrareo, dra velo? ³⁴ Na moa ra Zagnahary fa nitalia gny handeha dra hangalaky firenena ho anazy boak'eo agnevonigny firenena hafa, amigny alalanigny fisapa, famatara, dra amigny fahagaga, vo aly, amigny tana mahery, vo sandry misotra, dra amigny horororo lahibe, manahaky gny raha aby ze nataon'i Yaveh teo amasondrareo ho andrareo tagny Egypta? ³⁵ Hanao gny napisehoa anireo raha reo, ba hahafataranao fa Yaveh gny Zagnahary, dra sy misy hafa akoasy Anazy. ³⁶ Boak'agny andagnisy gny napaharezany anao gny feony, ba hahafahany mapianasy anao; teto atany gny napisehoany anao gny afony lelahy; nahare gny feony boak'eo agnevonigny afo hanao. ³⁷ Akory tia an'ireo razambenao Izy, dra nifily gny taranaky ze nandimby anereo, dra ninday anao niboaky an'i Egypta teo amigny fagnatrehany, tamigny heriny lahibe; ³⁸ ba handroaha gny firenena lahibe vo matazaky noho hanao hiala eo anoloanao, dra hapilisy anao ao, ba hagnomezan'anao gny tanin'ereo ho lova, manahaky gny androany. ³⁹ Ko fataro dra amizao, dra atovy ao aponao zao, fa Yaveh gny Zagnahary agny andagnisy agny agnabo vo atany etiky ambany; dra sy misy hafa. ⁴⁰ Hitandry gny didiny vo gny lalany ze handidiako anaoamizao, ba ho lavorary gny aminao vo gny taranaky mandimby anao, dra ba hahalava gny andro hiegnanao ao amigny tany ze amen'i Yaveh anao mandrakizay." ⁴¹ Boak'eo dra nisafidy tana telo boak'agny amigny ilany asignanan'i Jordana i Mosesy, ⁴² ba hahafahanigny olo mienga agny amigny raiky amireo raha sendra mamono olo-kafa sinahy izy, kanefa bo sy fahavalony tagny alohagny. Gny fenga agny amigny raiky amireo tana reo gny mety hahatafavoaky velon'anazy. ⁴³ Bezera tagny agnefisy, tagny amigny tany lemaky, agny Robenita; Ramota tao Gileada, anigny Gadita; dra Golana tagny Basana, anigny Manasita zay. ⁴⁴ Zay gny lalana ze napetran'i Mosesy teo anoloan'ireo vahoakin'Israely; ⁴⁵ reo gny fagneke-pihavana, lalana, dra didy hafa ze nambarany tamigny vahoakin'Israely aby niboaky boak'ao Egypta ereo, ⁴⁶ gny fa tegny asignanan'i Jordana ereo, tagny amigny lohasaka manandrify an'i Beta-Peora, tagny amigny tanin'i Sihona, pazakanigny Amorita, ze nony tao Hesbona, gny niresen'i Mosesy vo gny vahoakin'Israely aby niboaky an'i Egypta ereo. ⁴⁷ Nalan'ereo ho fanagnanay gny taniny, vo gny tanin'i Oga pazakan'i Basana__reo gny pazakanigny Amorita rolahy, ze tagny andafin'i Jordana nagnasignana. ⁴⁸ Nanomboky boak'agny Aroera, teo amoronigny lohasakan'i Arnona, dra hatragny amigny Tendrombohisy Siona (na Tendrombohisy Hermona) zay fari-tany zay, ⁴⁹ dra tafilisy tao amizay gny lemaky gny lohasakan-driakin'i Jordana aby, magnasignana magnagny andafin'i Jordana, magnagny amigny Ranomasin'i Araba, dra hatragny amigny hatsanigny Tendrombohisy Pisga.