¹ Ko raha zagnahary gny nananga andrareo niaraky tamin'i Kristy, kasaho reo raha agnabo agny, ze ipetrahan'i Kristy eo atagna-kavanan'Agnahary. ² Saigno reo raha agny agnabo, fa sy raha eto atany. ³ Fa maty handrareo, dra gny fiegnandrareo dra sihita miaraky amin'i Kristy ao amin'Agnahary. ⁴ Gny fa miseho i Kristy, ze fiegnandrareo, dra handrareo koa hiara-hiseho aminazy amim-boninahisy. [Fagnaariha egny ambaninigny pezy: Reo dika zaka taloha mizaka ho: "Gny fa miseho Kristy, ze fiegnandrareo, dra handrareo avo koa dra hiara-hiseho miaraky aminazy amboninahisy.] ⁵ Vonoy, boak'eo, reo pikamba ze eto atany- gny filan-drasy, fahalotoa, firehetanigny fila, fagniria rasy, dra fahatenda, ze fanopoa-sapy. ⁶ Noho reo raha reo gny hahavianigny fahasiahan'Agnahary amireo zanaky gny sy fakatoava. [Fagnamariha egny ambaninigny pezy: Gny dika-zaka taloha mivaky ho: "Noho reo raha reo mahavy gny fahasiahan'Agnahary."] ⁷ Tao amireo raha ze nandehanandrareo reo taloha avo koa gny fa bo niay tao amireo handrareo. ⁸ Fa amizao handrareo dra sy maisy magnary anireo raha aby reo - fahasiaha reo fikasan-drasy, reo fanevateva, dra zaka fahavetaveta boaky amigny vavandrareo. ⁹ Ka mavandy, fa nariandrareo gny toetra taloha miaraky amireo fapihara anizay, ¹⁰ dra nitafindrareo gny toetra vaovao ze nihavaoziny ao amigny fahalala araky gny endrikize namorogna nizay. ¹¹ Ao amizay dra sy misy Grika vo Jiosy, voatapaky vo gny sy voatapaky, barbaria, Skytiana, andevo, olon'afaky. ¹² Ko, mitafia, araky gny maha-olom-boafilin'Agnahary, masy vo malala, famindra-po, famindra-po, hasoafagnahy, fanetre-tegna, fahaleme-pagnahy, vo fahareta. ¹³ Mifapinday soa. mifamela. Gny misy olo raiky mana fitaregna momba gny olo hafa, mamela manahaky ze nagnanganigny Topo andrareo. ¹⁴ Agnabonireo raha aby reo, mana fitiava, ze mamehy asika amigny fahatateraha. ¹⁵ Aoky gny fedagnan'i Kristy hanapaky ao amigny fondrareo. Fa ho anizay fedagna zay gny nitokava andrareo ho vata raiky. Dra misora. ¹⁶ Aoky gny vatan'i Kristy hanagnandrareo maro. Amigny fahendrena aby mifapenara vo mifagnanara amireo Salamo vo fihira dra hora ara-pagnahy. Mihira amigny fisora ao apondrareo ho an'Agnahary. ¹⁷ Na ino na ino ataondrareo, na amigny zaka na amigny asa, atovy amigny agnaranigny Topo Jesosy aby. Magnomeza fisora ho an'Agnahary gny Ray amigny alalany. ¹⁸ Ry rapela, magneke gny valinao, fa zay gny mety ao amigny Topo. ¹⁹ Ry lelahy, tiavo gny valindrareo, dra ka masiaky amin'ereo. ²⁰ Ry zanaky, makatoava gny ray aman-drenindrareo amigny raha aby, fa izay gny akasitraha ao amigny Topo. ²¹ Ry ray, ka manao ze mapalahelo reo zanandrareo, ba sy ho kivy ereo. ²² Ry andevo, makatoava gny topondrareo araky gny nofo amireo raha aby, sy amigny asa eo amaso manahaky gny olo pitalia sitraky, fa amigny fo sotra. Matahora gny Topo. ²³ Na ino na ino ataondrareo, mesa boaky amigny fagnahindrareo manahaky gny ho anigny Topo fa handrareo dra hitakasy gny valisoanigny lova boaky amigny Topo. Izy gny Topo Kristy ze Topondrareo. ²⁵ Fa ze manao gny sy fahamarigna dra hitakasy gny seza ho anigny sy fahamarigna ze nataony, dra sy misy fagnatia tarehy.