¹ Fa tiako ho fatandrareo gny halahibenigny taloha nataoko hoandrareo, ho anireo agny Laodikia, vo ho anireo maro bo sy nahita gny tavako tamigny nofo. ² Miasa zaho ba hapahery gny fon'ereo amigny faperesa anereo miaraky ao amigny fitiava vo gny harena aby amigny fahalala azo atoky, ho amigny fahalala gny fahamarigna miafin'Agnahary, zany hoe, i Kristy. ³ Ao aminazy gny harenigny fahendrena vo ze fahalalan'aby gny simisy. ⁴ Mizaka anizay zaho ba sy hisy hitariky andrareo amigny lahateny mandresy halasy. ⁵ Na dre sy miaraky amindrareo ao amigny nofo aza zaho, dra miaraky amindrareo ao amigny fagnahy. Faly zaho mahita gny filaminandrareo soa vo gny tazakinigny finoandrareo an'i Kristy. ⁶ Gny fa nitakasy an'i Kristy an'i Kristy Topo handrareo dra mandehana ao aminazy. ⁷ Mifotora fatrasy aminazy, mioregna ao aminazy, mioregna amigny finoa ze fa napenariny andrareo, dra mazotoa magnome fisora. ⁸ Mitandrema ba sy hagnenga olo hisambosy andrareo amigny alalanigny filozofiana gny fitaky araky gny fanaonigny olo, ze magnaraky gny endrik'izao totolo zao, fa mitoera gny fahasoavanigny vatan'Agnahary aby. ¹⁰ Feno handrareo ao aminazy. Izy gny lohanigny hery vo gny fahefan'aby. ¹¹ Tao aminazy avo koa handrareo gny nitapahy tamigny fanapaha fangala gny nofo amigny vata, fa tamigny famoran'i Kristy. ¹² Nindray nalevy taminazy tamigny batisa handrareo, dra tao aminazy gny nanangana andrareo tamigny alalanigny finoa maherin'Agnahary, ze nananga anazy tamireo ze maty. ¹³ Gny handrareo maty tamireo fahota vo gny sy fahavitanigny nofondrareo fanapaha, izy gny nagnenga andrareo niaraky taminazy vo nagnenga asika tamireo fahotasika aby. [Fagnamariha: misy dikazaka taloha ilany mivaky ho: "dra nagnenga gny fahotasika aby"] ¹⁴ Nifafany gny rakisorasika gny trosa-pahafaha vo reo fisipiky nifanohisy tamisika. Nalany izy aby zay dra nifasihiny teo amigny hazo fizalia. ¹⁵ Nalany reo hery vo reo fahefa, dra Izy nanao fapisehoa apahibemaso an'ereo, nandresy mihoasy an'ereo tamigny hazo fizalia. ¹⁶ Ka anga hisy hisara andrareo na amigny fihinana na amigny finoma, na amigny andro fety na amigny volana vaovao, na amigny andro Sabata. ¹⁷ Zay gny alok'ireo raha ho avy, fa gny tena izy dra i Kristy. ¹⁸ Ka anga hisy na iza na iza mitalia gny fanetre-tegna vo gny fideranigny azely hisara andrareo dra sy hahazoandrareo gny lokandrareo. Gny olo manahaky anizay dra milisy amigny raha hitany dra mazary mieboebo amigny fisaignanigny nofony. ¹⁹ Sy mihazo gny lohany izy. Izay dra boaky amigny loha ze namen'Agnahary gny vata manotolo manera reo vani-tola vo gny hozany ze magnome dra mihazon'anizaymitambasy; zay dra mitombo miaraky amigny fapitomboa namen'Agnahary. ²⁰ Gny maty niaraky tamin'i Kristy handrareo tamireo endrik'izao totolo izao, nagnino handrareo gny miay manahaky gny voatery amigny tany: ²¹ "Ka mihody, ka magnandra, vo ka mikasiky"? ²² Izay raha aby zay dra ho anigny fahalova, araky gny torolala vo gny fapenaran'olombelo. ²³ Reo fisipiky reo dra mana fahendrenigny fomba fivavaha, gny fanetretegna ze nataonigny vatany manoka dra gny fapahoria gny vata. Fa ereo dra sy manan-draza amigny fanohera gny fandefera gny filanigny nofo.