¹ Ry Topo, ameo reo andevo ze mary vo rariny. Fatandrareo fa handrareo avo koa mana topo raiky agny andagnisy. ² Mahareta mandrakariva amigny fivavaha. Miambena amize amigny fagnomeza fisora. ³ Miaraha mivavaky ho anay avo koa, ba hanokafan'Agnahary vatrangara ho anigny zaka, ba hizaka gny fahamarigna miafin'i Kristy. Nohonigny amizay, dra voafehy zaho. ⁴ Mivavaha ba ahafahako magnazava anizay, raha tokony hizaka zaho. ⁵ Mandehana amigny fahendrena agny amireo ze agny ivelany, dra araroty gny fotoa. Aoky gny zakandrareo hiaraky amigny fahasoava hatragny. ⁶ Aoky reo ho voto-sira, ba hahafahandrareo mahay gny fomba tokony hamaliandrareo gny olo sirairay. ⁷ Gny reo raha momba anahy, dra i Tykyko gny hapahafatasy anio amindrareo. Izy dra rahalahy malala, panopo mahatoky, dra piara-manopo ao amin'ny Topo. ⁸ Nalefako agny amindrareo izy noho izao, ba ahafahandrareo mahafatasy gny raha momba anay, dra ba ahafahany mapahery gny fondrareo. [Fagnamariha egny ambanin'ny pezy: reo dika-teny sasany taloha mivaky ho: ''nalefako agny amindrareo izy noho izao, ba ahafahany mahafatasy reo raha momba andrareo, dra ba ahafahany mapahery gny fondrareo''.] ⁹ Nalefako izy nindray tamin'i Onesimosy, gny rahalahy mahatoky sady malala, izay raiky amindrareo. Izy reo gny hizaka amindrareo gny raha aby izay fa nintranga tatiky. ¹⁰ Aristarko, gny mindray migadra aminahy, dra manao salama andrareo, manahaky izay koa i Marka, havan'i Barnabasy (izay nahazoandrareo baiko; gny magnagny amindrareo izy, dra rambeso), ¹¹ Dra Jesosy avokoa izay tokavy ho Josto.Ireo avy amigny voafora reo ho an'ny fazakan'i Zagnahary. Fapionogna hon'ahy izy reo. ¹² Epafra dra manao salama andrareo. Raiky amindrareo izy dra panopon'i Kristy Jesosy. Mitolo am-bavaky ho andrareo foana izy, ba hahatateraky andrareo dra hahazo atoky tateraky ao amigny sitrapon'i Zagnahary aby. ¹³ Fa mizoro vavolombelo hon'azy zaho, fa miasa fatrasy ho andrareo izy, vo ho an'ireo agny Laodika, dra ho an'ireo izay agny Hierapolia. ¹⁴ Lioka gny pisabo malala vo Demasy dra manao salama andrareo. ¹⁵ Atovy akory reo rahalahy agny Laodika, vo NYmfa, dra gny fiangona izay ao atragnony. ¹⁶ Gny voavaky eo agnivondrareo itiky taratasy itiky, dra atovy vakiana ao amigny fengonan'ny Laodikiana avo koa gny taratasy avy agny Laodika. ¹⁷ Zakao i Arikipo ho: ''Tandremo gny asa fanopoa izay nalanao tao amigny topo, fa tokony ho taterahinareo izay.'' ¹⁸ Ty fanovam-beloma tihoky dra ataonigny tagnako manoka- Paoly. Sarovy gny fifaheko. Ho amindrareo anie gny fahasoava.