¹ Bakeo Yaveh nanoro ahy i Josoa ty mpisorom-bey ze nitsanga nagnoloa ty anjele Yaveh vaho Satana nitsanga teo antagnan-kavanane mba hita aze ho nanonta. ² Hoe ty anjele Yaveh tamity Satana hoe:" Hirehake mafe anao anie Yaveh, ry Satana; Yaveh, ze nifily Jerosalema anie, hirehake mafe anao! Feie tsy foroha sinarike tamity afo vao toy?" ³ Nisiky siky maloto Josoa laha nitsanga teo agnoloa ty anjele. ⁴ Nirehake ty anjele naho nirehake tamireo ze nitsanga teo agnoloane hoe:" Afaho amine reo siky maloto." Le hoe re tamy Josoa hoe:" Ingo! Le fa nafahako taminao ty helonao naho hampiakanjoeko akanjo soa riha." ⁵ Hoe re ty hoe:" Ao iereo hagnisy hamama malio eo andohane!" Le nagnisy hamama malio teo ambone loha Josoa iereo naho nampiakanjo aze tamity akanjo malio laha nitsanga teo marine teo ty anjele Yaveh. ⁶ Bakeo ty anjele Yaveh nibaiko am-pahamarea Josoa naho nirehake hoe: ⁷ "Zao ro safa Yaveh tompo ty maro: Laha hindeha amity lalako riha, naho laha hiambe reo liliko riha, le hifehe ty tragnoko riha naho hiambe ty kianjako, satria hengako hindeha vaho hilitre eo amireo ze mitsanga magnoloa Ahy reo riha. ⁸ Dranjigno, ry Josoa mpisorombey, riha vaho reo namanao ze mitoboke miarake aminao! Fa fahaia reo ndaty reo, satria Zaho vatane ro hagnakatre ty mpanompoko ty Rantsana. ⁹ Naho henteo ty vato ze natoboko eo agnoloa Josoa. Misy maso fito ao amio vato arere eo, naho hanao sokitre soratre Raho__zay ro talily Yaveh tompo ty maro__naho hagnafake ty hadisoa amity tane toy ao agnate ty andro raike Raho. ¹⁰ Amize andro zay__zay ro talily Yaveh tompo ty maro__ty ndaty kirai-kiraike le hagnafatre ty mpiara-belo amine mba hitoboke ambane ty voalobone vaho ambane ty hetaen'aviavine."