¹ Toy le talily ty safa Yaveh mikasike Israely__talily Yaveh, ze nagnakatre reo raho vaho nametrake ty foto ty tane, ty manao ty fagnahy ty ndaty ao agnate ty ndaty hoe: ² "Ingo, eo andalam-panova i Jerosalema agnate kapoake Raho hahavy reo vahoake iaby magnodidy aze hivembe. Le hanahake zay avao kea ty ahy Joda zisike ty faherano Jerosalema. ³ Amize andro zay, hataoko ho vato mavesatre ho ahy ty ndaty iaby ty Jerosalema. Ze magnakatre ty handay ze vato zay le handratre mafe ty vatane, ka hiharo handietre ze tana zay reo firene ty tane iaby. ⁴ Amize andro zay__zay ro talily Yaveh__hagnisy ty soavale kirai-kiraike amity horohoro raho naho ty mpitikitre aze amity harobahan-tsay. Hagnente am-pitea ty foko Joda raho naho hagnisy ty soavale reo tafike amity hagoa. ⁵ Bakeo reo mpiraike Joda hirehake ankampo hoe:' Reo vahoake Jerosalema ro ozantika noho Yaveh tompo ty maro, Zagnahare iereo.' ⁶ Amize andro zay le hataoko manahake ty fata mirehetre egne amity hetae naho manahake ty fanilo egne amity amboara reo mpitarike ty Joda, fa iereo ro handrava reo firene iaby magnodidy eo ankavanane vaho eo ankaviane. Hitoboke eo amity toerane ndraike ty Jerosalema." ⁷ Hamonje reo tragno Joda Yaveh, mba tsy ho bey noho ty sisa tavela amy Joda ty hsay ty foko Davida vaho ty hasy reo ze mitoboke ao Jerosalema. ⁸ Amize andro zay le ho mpiaro reo vahoake Jerosalema Yaveh, naho amize andro zay le hanahake Davida, naho ty foko Davida le hanahake an'Agnahare, manahake ty anjele Yaveh eo agnoloa iereo. ⁹ "Amize andro zay le hanomboke handrava reo firene iaby ze lasa handietre Jerosalema Raho. ¹⁰ Nefa hangnily ty fagnahy ty fiferenaigna vaho taray amity foko Davida vaho reo vahoake Jerosalema raho, mba hitoliha iereo amiko, ty iaze tinombo iereo. Handala noho ty amiko, manahake ty ndaty mandala noho ty amity anadahine arere iereo; handala ho aze manahake reo ze mandala noho ty fate ty voalpha nana iereo. ¹¹ Amize andro zay ty fandala ao Jerosalema le hanahake ty fandala tao Hadadrimona eo amity gebo Megido. ¹² Handala ty tane, ty foko maro kirai-kiraike hitoka amireo foko maro hafa. Ty foko Davida hitoka naho reo valy iereo hitoka amireo lahilahy. TY foko maro i Natana hitoka naho reo valy iereo hitoka amireo lahilahy. ¹³ Ty foko ty Levy hitoka naho reo valy iereo hitoka amireo lahilahy. Ty foko reo Simeita hitoka naho ty valy iereo hitoka amireo lahilahy. ¹⁴ Ty foko kirai-kiraike amireo foko maro tafijano__ty foko kirai-kiraike le sambe hitoka-toka naho ty valy iereo hitoka amireo lahilahy."