¹ Mangataha ora amy Yaveh amity andro ty oran-dohatao__Yaveh ty nanao hotro-kora__naho magnomea ora mivatravatra ho ahy ty ndaty iaby vaho ty zaka-maintso egne ambaibo. ² Fa reo sampe ao antragno le mirehake vande; ty mpisikily manao sare antsay vande; mirehake nofy fitake iereo naho magnomea fampionona avao, ka mirererere hoe ty agnondry naho mijale noho ty tsy fisia ty mpiarake iereo. ³ Ty heloko le mirehetre amireo mpiarake agnondry; reo oselahy__mpitarike__ro ho liloveko. Yaveh tompo ty maro avao kea le hiatreke reo agnondrine, le ty foko Joda, naho hanao iereo hoe ty soavale findesene agne amity aly! ⁴ Avy amiereo ro hiavia ty vato fehen-joro; avy amiereo ro hiavia ty fihantognan-jaka ty lay; avy amiereo ro hiavia ty folese fialia; avy amiereo ro hiavia ty mpitarike iaby hiarake. ⁵ Ho hoe ty mpialy te mandia ty fahavalone eo amity fotake ty lala amity aly iereo; hialy iereo, satria Yaveh ro miomba iereo, naho hahamegnatre reo ze mitikitre soavale agnaly iereo. ⁶ Hagnamafe ty foko Joda Raho naho hamonje ty foko Josefa; fa hampimpoly iereo amity lalane raho ka handefetre amiereo. Ho hoe ty tsy niliereko iereo, satria Izaho ro Yaveh Zagnahare iereo, naho hamale iereo Raho. ⁷ Le ho hoe ty mpialy ty Efraima, naho hifale hoe ty azo ty divay ty arofo iereo; hahisake zay reo anane ka hofale. Hofale amiko ty arofo iereo! ⁸ Hifioke ho ahy iereo raho naho hamory iereo, satria hamonje iereo Raho, naho ho lasa foloay manahake ty taloha iereo! ⁹ Namitre iereo tegne amireo ndaty Raho, nefa hahatiaro ahy agne amireo firene lavitre iereo, ka ho velo vaho hihere iereo vaho ty anane. ¹⁰ Fa hampoly iereo bakagne amity tane Egypta Raho naho hamory iereo bakagne Asyria. Hinday iereo agne amity tane ty Gileda vaho Libanona Raho mandra-tsy mpisia tragno ho ahy iereo sase. ¹¹ Hamakivaky ty riake-fijalea iereo Raho; hagnisy reo onja ze riake zay Raho naho hagnamaike ty halale Neily iaby. Hoambane ty hasy Asyria, naho ty tehem- panjaka Egypta hiala amireo Egyptiana. ¹² Hagnamafe ore iereo amiko raho, naho hindeha amity agnarako iereo__zay ro talily Yaveh.