1 Kea le nindeha nanao hafalea niarake tamy Estera mpanjaka ty mpanjaka naho Hamana. 2 Tamy andro faharoe io, laha igne reke nandroso divae igne, le hoe ty mpanjaka tamy Estera tihoe: "Ino ro fagnirianao, Estera Mpanjaka? Ho tanterahe aminao zay. Ino ro fangatahanao? Hatramity vakimira ty fanjaka, le ho tanterahe zay." 3 Le namale Estera Mpanjaka tihoe: "Laha nahisake fitea tamasonao raho, mpanjaka, vaho laha ekenao, le ao hamea ahy ty aiko-izay ro fagniriako, vaho mangatake izay ho ahy ty vahoake avao kea raho. 4 Fa navily zahay, iraho naho ty vahoako, mba ho potehe, ho vonoe, vaho ho ravae. Laha navily ho amity fagnandevoza avao moa zahay, mba ho ndevo lahy naho ampela, le ho nitsy raho, satria tsy ho nisy fijalea manahake izao afake hagnamaregna ty fagnelengelegna ty mpanjaka." 5 Le hoe ty Ahasoerosy Mpanjaka tamy Estera mpanjaka tihoe: "Ia zay? Aia ro hahisaha iaze ndaty nagnetseketseke ty arofo hanao zaka manhake izay?" 6 Hoe Estera tihoe: "Iaze lahilahy rafe, ze fahavalo zay, le iaze Hamana raty ine!" Le natahotse tagnoloa ty mpnajaka lahy naho ty mpanjaka vave eo ty Hamana. 7 Nitsanga taman-tsiake bakeo amity finoman-divay tamity fagnasa ty mpanjaka ka nandeha tamity pisi-polera ty lapa, feie nijano mba hangatake ty amity aine tamy Estera Mpanjaka ty Hamana. Haine fa fa nisy loza tampake ty mpanjaka ho aze. 8 Le nihere bakagne amity pisi-polera ty lapa ty mpanjaka ka nilitse tamity efetsagno ze nagnomeza ty divay. Le nitonta teo amity seza lava nisy andre Estera ty Hamana. Hoe ty mpanjaka tihoe: "Hamango ty mpanjaka ampela agnoloako ato amity tragnoko vatane vao reke?"' Vatane vaho niboake bakao am-bava ty mpanjaka ze fehezam-bola zay, le nirakoaka nireo mpanompo ty tarehe ty Hamana. 9 Bakeo le nivola Harbona, raike tamy reo tandapa nanompo ty mpanjaka tihoe: "Misy hetae fagnatogna dimampolo hakiho miore agnila ty tragno ndre Hamana eo. Naorene ho andre Mordekay io, iaze raike ze nivola mafe mba hiaro ty mpanjakay." Le hoe ty mpanjaka tihoe: "Ahantogno amy zay eo reke." 10 Kea le nahanto gniereo tamy hetae fagnatognay eo ze nomane ho andre mordekay ty Hamana. Bakeo le vagno ty siake ty mpanjaka.