¹ Tenay ho hay, rahalahy, ty mikasike ty fahasoava ty Andragnahare ze nome tao amy reo fiangona ndre Makedonia. ² Agnate ty fitsapa bey amy ty fahoria, ty hamaroa ty hafaleane naho ty fara-finjalea iareo le niterake hanagnam-bey ty falalan-tagna. ³ Satria mitsanga vavolombelo raho te nanao bey arake ze vitane iareo, vaho mihoatse ahy ze vitane kea. Vaho tamy ty tea iareo manoka ⁴ naho niarake tamy ty fisolohoa mafe ro nangataha iareo taminay ty fahafaha soa hanagna najara amy to asa fanompoa eo amy reo mpino toy. ⁵ Tsy niboake arake ze nilignasanay zay. Te kea, nagnomey ty vatane mialoha tamy ty Andragnahare iareo. Vaho nanolo-tegna ho anay iarei tamy ty tea ty Andragnahare. ⁶ Le nampiriske ahy ndre Titose zahay, ze fa nanomboke ahy zay asa zay, soa hagnantanterake ty fahasoava eo aminareo. ⁷ Te nareo kea le manan-kanagna amy ty raraha iaby, amy ty finoa, amy ty tsara, amy ty falala, amy ty fahazotoa iaby, vaho amy ty fitiavanareo anay. Kea ataovo azo antoke soa hanan-kanagna amy zay asa fahasoava nareo. [TY ULB naho ty UDB, miarake amy reo dikan-tene maro hafa, le mivake manahake zao: "Ao amy ty fitiavanao anay." Ty dikan-tene hafa le mivake manahake zao: "vaho ao amy ty fitiavanay anareo"] ⁸ tsy mitsara zay manahake ty lily raho. te kea, mirehake zay raho amy ty fitsapa ty fahamarigna ty fitiavanareo amy ty fampitaha zay amy ty zoto arofo ty ndaty hafa. ⁹ Satria hainareoty fahasoava ty Tompontika Jesosy Kristy. Le nanan-kanagna kea reke, le lasa mijale noho nareo, kea amy ty alala ty fijalea ro mete ahazoanareo hanagna. ¹⁰ Amy zay rehake zay le hagnome toro-hevitse anareo raho ze hagnampe anareo. Herentao lasa zay, le tsy nanomboke nanao raraha avao nareo te nigniry ty manao zay. ¹¹ Henane zao vitao zay, manahake ty nisia ty zotom-po naho fagniria hanao zay, le lonike hamita zay kea nareo, arake ze azonareo hatao. ¹² Satria laha magniry mafe ty hanao zay asa zay nareo, le raraha soa naho azo eke zay. Tsy maintse mifototes amy ze hanagna ty ndaty raeke zay, te tsy ze tsy anagnane. ¹³ Te zay asa zay le tsy soa hanamaiva ty hafa vaho hagnavesatse anareo. Te kea, tokone hisy ty rarine. ¹⁴ Ty hanagnanareo amy zao fotoa zao le hagnome ze mpaiavy iareo. Le zay kea le soa hagnomeza ty hanagna iareo ze mpaiavenareo. Vaho soa agnomeza iareo ty rarine ¹⁵ Arake ze fa voasoratse tihoe: "iaze raeke ze nana maro le tsy nana ambine, vaho iaze raeke ze nana ty kele le tsy nana ty tsy ampe. ¹⁶ Te ahy ty Andragnahare ty fisaora, ze nametrake ty tao agn'arofo ndre Titosy ty fahamatora ze anagnako aminarep. ¹⁷ Te reke tsy nagnina avao ty kaikintika, te vatane matotse ty amy zay avao kea. Namonje anao tamy ty teane manoka rek. ¹⁸ Nalefanay reke niarake tamy iaze rahalahy ze nantsay teo agnivo ty fiangona iaby noho ty asane ze mitore ty filazantsara. ¹⁹ Tsy zay avao te reke avao kea le nitendre reo fiangona soa handeha hiarake aminay handay zao asa ty fahalalan-tagna zao. Zay le ho ahy ty hasy reke Tompo vaho ho ahy ty fagnirianay hagnampe. ²⁰ Mitao zahay ty amy ty mete hisia ty ndaty mitaray mikaisikanay mahakasike ahy io asa fahalala-tagna ze hataonay io. ²¹ Le mila mitao zahay soa hanao ty maeva, te tsy eo agnatreha ty Tompo arere avao, te ao aloha ty ndaty kea. ²² Mandefa rahalahy raeke hafa avao kea zahay miarake amy iareo. Matetike zahay ro nitsapa aqze, vaho nahisake aze mafana arofo tamy ty asa maro. Mazoto loatse reke henane zao noho iaze fahatokia bey ze anagnane aminareo. ha ty amy ndre Titosy, re ro ragniko naho mpiara-miasa amiko ho anareo. ²³ Laha ty amy ty rahalahinay, le nalefa reo fiangona iareo. ²⁴ Kea amboaho amy ty fiangona ty anto ty fireharehanay mikasike anareo.