¹ Reo teako, nanomboke ty nanaggnantika reo tsara fikasa le lonike tika hadio ty vatantika amy ty zaka iaby ze mahaavy fahalotoa eo amy ty vata naho fagnahintika. mLonike tika hipay ty fahamasigna amy ty fatahora ahy ty Andragnahare. ² Rambeso zahay! Tetsy nanao rate tamy ia na ia. Tsy nandratse na nagnararaotse na ia na ia zahay. ³ Tsy hagnameloke anareo ro hirehafako zao. Te fa nitaliliko te ato agn'arofonay nareo, te miara-mate vaho miarake-velo tika. ⁴ Managna fahatokjia bey nareo raho, vaho mirehareha noho ty aminareo. Feno fampionogna raho. Mitobatobake ty hafaleako na eo kea ty fampihalea iaby. ⁵ Lafa avy tagne Makedonia zahay, tsy hanam-pitofa ty vatagnay. Noho zay, mijale tamy ty fomba iaby zahay noho ty fifandira tagne ivelanew, naho ty tahotse tao ampo. ⁶ Te andragnahare, ze mpampahere ty keve, nampahere anay tamy ty fiavia ndre Titosy. ⁷ Tsy tamy ty alala ty fiaviane avao ro hampahera ty Andragnahare antika. Te tamy ty fampahereza ze nirambese ndre titosy bak'aminareo. Mitsara antika reke ty amy ty habey ty fitiavanareo, ty alahelonareo, vaho ty fiarovanareo ahike lalike. Le hifale zisikam-parane raho. ⁸ Na le nampalahelo anareo kea ty taratasiko, le tsy nampanegne ahike zay. Te nanegne tamy zay raho lafa nahisake te nampalahelo anareo ty taratasiko. Te nalahelo agnate ty fotoa fohike nareo. ⁹ Henanezao le fale raho, tsy tihoe satria mijale nareo, te satria ty alahelonareo ro nandesa anareo ho amy ty fibebaha. Nareo le niaigne ty fahoria ao amy ty Andragnahare, kea tsy nisy vere ty nijaleanareo ho anay. ¹⁰ Ty fahoria ao amy ty Andragnahare le manday amy ty fibebaha ty hahaavy ty famonjea tsy misy fanegnena. Na zay kea, ty alahelo zao tontolo zao, le manday fahafatesa. ¹¹ Heteo ty vokatsy ty habey ty fikirizanareo tamy ty fahoria ao amy ty Andragnahare. Bey vatagne ty habey ty fikiriza tao aminareo soa hagnaporofoa te tsy manan-tsine nareo. Bey vatagne ty habey ty sikianareo, ty tahotsareo, ty alahelonareo, ty zoto ty arofonareo, vaho ty fagnirianareo ahisake ty fahamarigna ze tokone atao! Amy ty zaka iaby le nagnaporofo tamy ty vatanareo nareo soa tsy ho meloke amy zay raraha zay. ¹² Na nanoratse taminareo kea Raho, Iraho le tsy nanoratse ho ahy reo mpanao rate na ho ahy ty raeke ze miharitse ty rate. Nanoratse raho soa tokone hampahafantara ty fahazotoanareo teo aminay eo agnatreha ty Andragnahare. ¹³ tamy ty alala zay ro nampahereza anay. Mihoatse noho ty fampahereza ze fa anagnanay, nihoatse loatse ty fifaleane noho ty fifalea ndre Titosy, satria ty fagnahine le velombelo noho ty aminareo iaby. ¹⁴ laha ohatse le nirehareha tamine ty mikasike anareo raho, le tsy soa afa-baraka raho. Mifanohitse amy zay, reo raraha reo iaby ze nitsarainay taminareo le to iaby, ty fereharehanay mikasike anareo tamy ndre Titosy le voaporofo te to. ¹⁵ Ty fitiavane anareo le bey loatse, manahake ty nahatiarovane ty fankatoavanareo iaby, Heheike ty fandrambesanareo aze tamy ty tahotse naho hovitse. ¹⁶ Fale raho satria mana fahatokia tanterake taminareo.