¹ Mikasike ty asa fanompoa ho ahy ty mpino, Tsy vatane mpaiviko ty manoratse ho anareo. ² Haintso ty mikasike ty fagniriako, ze ereharehako amy ty ndaty ndre Makedonia. Nitaliliko aiereo te Akaia le fa vonogne nanomboke tamy ty tao lasa. Ty zotom-ponareo ro nanosike ty ankamaroa iareo hiasa. ³ Vaho nirahiko ty rahalahy soa tsy zaka-foa ty fireharehantika mikisake anareo, vaho soa ho miamby nareo, arake ty fanitaliliko nareo. ⁴ laha tsy ay, laha misy makedoniana maro miarake amiko vaho mahisake anareo mboe tsy vonogne, le ho megnatse tika-tsy mitalily na ino na ino mikasike anareo raho-noho ty fahatokia anareo. ⁵ Le mieritseritse raho te mpaiave ty mamporisike reo rahalahy handegan agne aminao vaho hanao fifagnaraha mialoha ty amy ty fagnomeza fanampagnantenainao. Zay le ahafaha miboake manahake ty fitahia, te tsy manahake ty raraha tsy azo eke. ⁶ Ty vatagne reke le toy: Ty raeke ze mamafe kele le hitongy ty kele avao kea, vaho ty raeke ze mamafe amy ty tanjom-pitahia le hitonge fitahia avao kea. ⁷ Apoho ty kiraikiraike hagnome arake ze fa nirafetine tao agn'arofone. Ko apoke magnome fihakea na fanereterena reke. Te ty mpagnome am-pafalea ro tea ty Andragnahare. ⁸ Vaho Andragnahare le afake mampitombo ty fitahia ho anao, soa, amy ty raraha iaby, le afake hahazo ze mpaiavinareo iaby sanandro nareo. Zay ro misy le soa ahazahoanareo manatombo ty asa soa nareo. ⁹ Zay le arake ty voasoratse tihoe: "Nizarane reo hanagnane vaho nagnome aze regne ho ahy ty mijale. Maharitse zisikam-parane ty fahamarignane." ¹⁰ Reke ze magnome voa ho ahy ty mpambole ze mitonge naho mofo ho ahy ty mahatanjake, le hagnomea naho hampitombo ty voanao avao kea ho amy ty famahafaza. hampitombo ty vokatse ty fahamarignanao reke. ¹¹ Hahazo hanagna amy ty fomba iaby riha soa hahaavy anao ho malala-tagna. Zay le handay fanehoam-pisoara ahy ty Andragnahare amy ty alalaney. ¹² Ty fagnatanteraha io asa fanompoa io le tsy vita ty tihoe mahafeno ty zavatra mpaivy ty mpino avao. Mitombo avao kea zay amy ty asa fagnomezam-pisaora ahy ty Andragnahare maro. ¹³ Te noho ty fitsapa anareo ze voaporofo amy io asa io, le hagnome asy ahy ty Andragnahare kea nareo amy ty fankatoava ty fibabohanareo amy ty filazantsara ndre Kristy. Le hagnome asy ahy ty Andragnahare kea nareo amy ty fahalalahan-tagnanareo amy ty fagnomeza ho ahy iareo naho ty ndaty iaby. ¹⁴ Magniry anao iareo, vaho mivavake ho anao iareo. Manao zay iareo noho ty habey ty fahasoava ty Andragnahare ao aminao. ¹⁵ Ho ahy ty Andragnahare vatagne ty saotse noho ty fagnomezane tsy hay talily!