¹ Laha zao ario ty raty iaby, ty hadisoam-pagnategna iaby, ty fihatsaram-belatsihy, ty fagniria, naho ty honohono iaby. ² Manahake ty kolo vaho terake, magniry ronono ara-pagnahy malio, mba hahafahanareo mitombo ao amity famonjea amity alala zay, ³ laha nahatsapa nareo fa soa fagnahy ty Tompo. ⁴ Mamonje aze ty vato velo ze naria ty ndaty, fa voafilin'Agnahare ho manan-danja Amine. ⁵ Nareo avao kea le manahake reo vato velo te voaore ho tragno ara-pagnahy, mba ho mpisoro masy ty manolotre ty soro ara-pagnahy enken'Agnahare amity alala Jesosy Kirisity. ⁶ Ty Soratre Masy le ahitaha zao:"Ingo, Raho mitoboke amity Ziona vato fehezoro, voafily vaho manan-danja. Iaby ze mino aze le tsy ho megnatre." ⁷ Ty hasy naho zay le ho anao ze mino. Kanefa," ty vato narianareo mpagnoren-tragno, zay le lasa loha ty fehezoro"- ⁸ naho, vato manafintohy vaho vatolampy mahatonta. Tafintohy iereo, tsy nagnenke ty tsara, ze voatoka hoahy iereo avao kea. ⁹ Fa riha le ndaty voafily, mpisoro ty mpanjaka, firene masy, ndaty hoahy ty fanagnan'Agnahare, mba ho afake hitalily ty hasoa reo asa ty raike ze nikaike anao bakao amity ieke hombaeo amity hazavane mahitake riha. ¹⁰ Taloha riha tsy ndaty, kanefa henanezao riha le ndaty n'Agnahare. Tsy nandrae fandefera riha, fa henanezao riha nandrae fandefera. ¹¹ Ry malala, mikaike anareo hoe ty vahiny vaho mpirererere raho mba hifaly ty paie ty nofo, te mahavy aly mandietre ty fagnahinareo. ¹² Tokone mana entam-bata soa nareo eo amireo Jentilisa, mba ho, laha mirehake miomba anareo ho nanao zaka raty iereo, le tokone hahita reo asa soananao vaho handaza an'Agnahare amity andro ze hahaviane. ¹³ Enkeno ty fahefa ty ndaty iaby naho ty amity Tompo. Enkeno hoe ty ambone vatane ty mpanjaka, ¹⁴ vaho reo governora avao kea, te nalefa mba hagnasazy reo mpanao raty vaho handaza reo ze manao ty soa. ¹⁵ Fa zay ro sitrampon'Agnahare, amity fanoa ty soa anareo le mampitsy ty rehake tsy mahay fomba ty ndaty gege. ¹⁶ Manahake ty maha-ndaty hafa, ko ampiase ho hoe ty fanakofa halemea ty fahafahanao, fa ao ho hoe ty mpanompon'Agnahare. ¹⁷ Ameo hasy ty ndaty iaby. Teavo ty firahalahia. Matahora an'Agnahare. Ameo hasy ty mpanjaka. ¹⁸ Ry mpanompo, mimetea hagnenke ty tomponareo amity fagnaja iaby. Ko magnenke ho mpanompo ty soa vaho ho tompo soa fagnahy, fa hoahy reo raty toera avao kea. Satria soa-antsae zay laha misy miaretre rare laha fa mijale tsy rarene naho ty fagnantegnane an'Agnahare. ²⁰ Fa fire ty vola laha manota riha naho miaretre zisike ty fagnasaea anao iaby eo? Fa laha nanao ty soa riha naho miaretre zisike ty fagnasazea anao, le soa-antsae amin'Agnahare zay. ²¹ Fa naho toy ro nikaiha anao, satria Kirisity avao kea le nijale ho anao. Nagnenga ohatre ho anao Re mba hagnoriha reo lalane. ²² Tsy nanota Re, ndra hoe nisy fitake teo am-bavane. ²³ Laha fa nirehafe raty Re, le tsy mba namale raty. Laha fa nijale Re, le tsy nandraho, fa nanolotre ty vatane tamity raike ze Mpitsara ampahamarea. ²⁴ Re vatane le nanday reo hadisoantika tao amity vatane ho eo ambone hetae, mba tsy hana anjara amity hadisoa sase tika, naho mba hivelo hoahy ty hamarea. Tamity alala ty ferene ro nahafake anareo. ²⁵ Nirererere hoe ty agnondry robake nareo iaby, fa henanezao nareo nihere tamity mpiarake agnondry vaho mpiambe ty fagnahinareo.