¹ Zao ty fanambara ty safa Yaveh mikasiky ty tany tiahy Hadraka noho Damaskosy. Fa ty maso Yaveh le amy ty olombelo iaby, le amy ty fokoa Israely iaby. ² Azy fanambara toy avao koa le mikasiky tiahy Hamata, ze marikitsy amy damaskosy, sady mahakasiky an'i Tyro noho Sidona zay, ndra le vatany hendry aza ndrozy. ³ Fa namboatsy fiarova mare hoahy ty tany i TYro sady namory volafoty manahaky ty posiera noho volamena noasa manahaky ty fotake an-dala eny. ⁴ Ingo! Hhandrava azy Ndranahare sady hanimba ty hatanjahany an-driaky, mba ho tranaky ty afo ie. ⁵ Hahitaky i Askelona le havaka! Hangitikitiky avao koa i Gaza! Ekrona, ho foa ty fampitamaniny! Ho maty a Gaza any ty mpanjaka, le i Askelona le tsy hisy mipetraky sasy! ⁶ Hanamboatsy ty tranony a Asdoda ao ty vahiny, sady hampieny ty firengerengea ty Filistina rey Zaho. ⁷ Fa hanafaky ty lion-drozy baka amy ty vavany eo Zaho sady ty fahavetavetan-drozy anelanela ty hiny eo. Le hanjary sisa hoahy ty Ndranaharitsika manahaky ty fooko i Joda any ndrozy, le i Ekrona le hanjary manahaky azy Jebosita rey. ⁸ Hivory mihodidy ty taniko Zaho mba hanohitsy ty miaramila ty fahavaloko le tsy hisy ndra raiky aza afaky mandroso ndra mimpoly, fa tsy hisy mpampijale handalo amy zay eo sasy. Fa henanizao le hiamby ty taniko amy ty masoko Zaho! ⁹ Mifalia amy ty fifalia bevata, lahy anakampela i Ziona! Manompoa amty fifalea, lahy anakampela i Jerosalema! Ingo! Avy amy ty ha to aminao ty mpanjaka sday manafaky anao. Manambany vata ie le mitikitsy anabo ty boriky, anabo ty anaky boriky. ¹⁰ Le ho ravako ty kalesy baka a Efraima any noho ty sovaly baka a Jerosalema any, le ty kititsy le tsy hisy amy ty aly; fa hivola fiadana amy firenena rey, le ty fanapahany le ho avy amy ty riaky le zisiky amy ty riaky, le zisiky amy ry renirano le zisiky amy ty faravazan-tany! ¹¹ Laha ty aminareo, noho ty lio ty fanenkeako amonareo ao, le afahako baka an-davaky ze tsy misy rano ao azy gadranareo rey. ¹² Mimpolia may ty fiarova mare any, lahy gadra ty fampitamany! Eka fa ndra androany aza le mivola Zaho ¹³ fa hanonotsy anabo indroa mandilatsy aminareo, fa nanenja any JOda ty kititsiko tamy Sfraeima Zaho. Fa nanaitsy ty anakilahinareo Zaho, lahy Grisia, sady fa nampanao anareo manahaky ty mesobe ty mpialy rey Zaho, lahy Ziona! ¹⁴ Niboaky tamindrozy Yaveh, le nitifitsy manahaky ty tselatsy ty kititsy! Fa Yaveh Tompoko hitsoka trompetra sady nandroao baka amy ty tsioky baka a Temana any. ¹⁵ Yaveh tompoa ty lako ro hiaro androzy, sady handrava androzy noho handresy ty vato pilitsiny rey. Le hino ndrozy sady hivolambola manahaky ty olo mamo ty divay, sady ho atsiky divaymanahaky ty fingany rey ndrozy, manahaky ty zoro ty alitara. ¹⁶ Le amy zay fotoa zay le hamonjy androzy Yaveh Ndranahareny, le hanjary manahaky ty aondry ty olony ndrozy, fa ndrozy rey ro ho ravaky ty satro-boninahitsy, hasondrotsy amy ty taniny. ¹⁷ Fa manao akory ty soa noho ty hampelasoa ndrozy! Hitiry amy vary eo ty tovolahany le ty virijiny amy ty veloboky mamy!