¹ Mangataky ora amy Yaveh amy ty fotoa ty oran-dohantao---Yaveh manao hotrok'ora--- sady manome ora mare hoahy ty kila olo iaby noho ty akata maintso am-baibo eny. ² Fa asy sampy an-tokatrano le mivola vandy; ty mpitsikily manao sary aneritseritsy vandy; mivola nofy verivery ndrozy sady manome fampionona fahatany, le mikarikarioky manahaky ty aondry sady mijaly noho ty fisia ty mpiamby androzy. ³ Ty heloko le mirehitsy amy ty mbiamby aondry; azy aosy lahy rey---mpitariky--- ro ho saziako. Yaveh tompoa ty lako avao koa le hanatriky ty aondriny rey, le ty tariha i Joa, sady hanao androzy manahaky ty sovaly fandesiny amy ty aly! ⁴ Baka amindrozy ro hiavia ty vato fehizoro; baka amindrozy ro hiavia ty fihan-tonan-draha ty lay; baka amindrozy ro hiavia ty kititsy fiadia; baka amindrozy ro hiavia ty mpitariky iaby hiharo. ⁵ Hanahaky ty mpialy ze manitsaky ty fahavalony amy ty fotaky ty lala amy ty aly ndrozy; hialy ndrozy, safe Yaveh ro miaro androzy, sady hahamenatsy azy mitikitsy sovaly ty alin-drozy rey. ⁶ Hampahery ty tariha i Joda Zaho sady hamonjy ty tariha i Josefa; fa hampipoly androzy amy ty taloha Zaho le handefitsy amindrozy. manahaky hoe tsy tsy nenkeko ndrozy, safe Zaho ro Yaveh Ndranaharindrozy, sady hamaly androzy Zaho. ⁷ Le hanahaky ty mpialy i Efraima, sady hifaly manahaky ty azo ty divay ty fondrozy; hahiyaky anizay ty anany le hifety. Hifaly Amiko ty fondrozy! ⁸ Hisioky hoahindrozy Zaho sady hamory androzy Zaho, le hanjary bevata manahaky ty taloha ndrozy! ⁹ Namafy androzy tamy ty olo teny zaho, fe hahatiaro Ahy amy ty firenena lavitsy ndrozy, le ho velo noho himpoly ndrozy noho ty anakiny. ¹⁰ Fa hampipoly androzy baka amy ty tany Egypta Zaho sady hamory androzy baka a Asyria. Handay androzy rey amy ty tany a Gileada noho Libanona any Zaho zisiky tsy hisia ty efitsy trano hoahin-drozy sasy. ¹¹ Hanapatapaky ty ranomaso ty fijalea ndrozy rey zaho; handrava ty onja ty riaky zay Zaho sady handritsy ty laliky Neily iaby. Hambania ty voninahitsy i Asria, le ty kobay ty fanjaka tiahy Egypta hiala amy ty Egyptiana rey. ¹² Hanamafy fototsy androzy amiko Zaho, sady handeha amy ty anarako ndrozy---zay ty fanambara Yaveh.