¹ Vohao ty vravaranao, lahy Libanona, mba handrava ty afo ty sederanao! ² Misaona, lahy ty hazo Kypreso, fa efa niravoky ty hazo sedera! AZy abo rey fa nombota! Misaona, nareo lahy hazo terebinta tiahy basana, fa efa rava ty ala matevy. ³ Mitoretoreo azy mpiaraky aondry rey, fa rava ty voninahitsy ndrozy! Mierotsy ty feo ty anaky liona, fa rava ty rengirengy ty renirano Jordana ! ⁴ Fa zao ty vola ty Yaveh Ndranahariko: ''Manahaky ty mpiaraky aondry, miamby ty aondry ze tokony ho voanoa! ⁵ ( mamono androzy azy hivily azy rey sady tsy voasazy, sady azy mamarotsy azy rey manao hozao: 'Isaora lahy Yaveh! Fa nanjary mpanarivo zaho!' fa azy mpiaraky rey miasa hoahy ty tompo ty aondry rey le nalahelo androzy.) ⁶ Fa tsy haferinay ty mpipetraky amy ty tany sasy Zaho!---zay ty fanambara Yaveh. Ingo! Ty vatako mihintsy ro hampipoly ty ty iaby an-tana ty namany noho an-tana ty mpanjakany, sady handrava ty tany ndrozy sady tsy hisy ndra raiky amindrozy aza hahafako an-tanan-drozy eo.'' ⁷ Le nanjary mpiamby ty andry nolahary ho vonoa Zaho, hoahy ze manday ty aondry. Handramby kobay roe Zaho; ty kobay raiky kaihiko hozao''Fahasoava'' le ty raiky hafa kaihiko manao hozao ''Fikambana''. Tamy fomba zay ty niambenako ty oondry. ⁸ Mpiaraky aodry telo ro nivonoako tanay ty vola raky, safe tsy naharitsy tamindrozy rey zaho, sady nanaboka ahy avao koa ndrozy. ⁹ Le hozao tiasako tamy ty tompo ty aondry: ''Tsy hiasa ho mpiaraky aondrinao sasy zaho. Ty aondry ze nimaty--- le engaho ho maty, ty aondry ze rava---le engaho ho rava. Engaho ty aondry ze sisa tavela samby hihina ty nofitsy ty namany.'' ¹⁰ Le norambesiko ty kobaiko ''Fahasoava'' le nosimbako zay mba handravako ty fanenkea ze fa nanoviko tamy ty fokoko iaby. ¹¹ Tamy andro zay le rava azy fifanenkea iny, le ze nanday ty aondry noho nagnenty Ahy le nahay fa nivola Yaveh. ¹² Le hozao tiasako tamindrozy: ''Laha soa aminare zay, le avaho ty karamako. fa laha tsy zay, le engaho avao.'' Le nilanjan-drozy ty karamako---sekely volafoty telopolo. ¹³ Le hozao tiasa Yaveh tamiko: ''Engaho amy ty fipetraha ty rakitsy ty folafoty, ty karama soa mare ze nanampeandrozy rey anao!''Le nalako ty sekely volafoty telopolo le nengako tamy ty fipetraha ty rakitsiko tan-trano tiahy Yaveh. ¹⁴ Bakeo nosimbako ty kobaiko faharoe, ''Fikambana,'' mba handrava ty firalahia tiahy Joda noho Israely. ¹⁵ Hozao tiasa Yaveh tamiko: ''Alao hoahy ty vatanao ndraiky ty fitaova ty mpiaraky aondry geggy, ¹⁶ fa ingo, hanenga mpiaraky aondry amy tany eo Zaho. Tsy nidary ty aondry maty ie. Tsy hila ty aondry very ie, ndra hampijanga ty mikondray. Tysy hampihina ty aondry ze salama ie, fa hihina ty nofitsy ty aondry vondraky sady hagnaramo ty khotrok'irey. ¹⁷ Loza hoahy ty mpiaraky aondry tsy mendriky ze mahafoy ty aondry1 Hamango ty sandriny noho ty masony an-kavana lahy ty mesobe! Halazo lahy ty sandriny sady ho jiky ty maony ankavana!''