¹ Toy ty fanambara ty safa Yaveh mikasiky an'Israely--- fanambara Yaveh, ze nanatratsy habakabaky rey noho nanengafototsy ty tany, ze nanamboasty ty fanahiny ty olombelo anay ty olo ao manao hozao: ² ''Ingo, an-dala hanamboara ty Jerosalema anay ty kapoaky Zaho hahavy ty olo rey iaby mihodidy azy ho fanimpany. Le manahaky zay avao koa tiahy i Joda zisiky ty arosaro tiahy Jerosalema. ³ Amy fotoa zay, hanoviko ho vato mavesatsy hoahy ty kila olo iaby i Jerosalema. ze manandra ty hanongaky vato zay le handratsy mare ty vatany, le hiaro hanohitsy anizay tana zay azy firenena ty tany iaby. ⁴ Amy fotoa zay---zay ty vola Yaveh----hamango ty sovaly kiraikiraiky amy ty horohoro Zaho le ty mpitikitsy azy amy ty fahakivia. Hagnenty amy ty fankasitraha ty tariha i Joda Zaho sady hamango ty sovaly ty miaramila amy ty tsy fahita. ⁵ Bakeo azy mpitariky i Joda rey hivola anay manao hozao: ''Azy mpipetraky a Jerosalema ro tanjakitsika noho Yaveh tompoa ty lako, Ndranaharindrozy.' ⁶ Amy foto zay le anoviko manahaky ty fatapera mirehitsy amy ty hazo eny manahaky ty jiro amy ty amboara ty mpitariky ty Joda eny, fa ndrozy ro handrava ty firenena iaby mihodidy an-kavanany noho ankaviany rey. Hipetraky amy ty toerany ndraiky i Jerosalema.'' ⁷ Hamonjy ty lay tiahy Joda Yaveh, mba tsy ho bevata tany ty sisa tavela amy ty Joda ty voninahitsy ty taranaky Davida noho ty voninahitsyze mipetraky a Jeroalema ao. ⁸ Amy fotoa zay le ho mpiaro ty mpipetraky a Jerosalema Yaveh, le amy fotoa zay azy kivy amindrozy rey le hanahaky an'i Davida, le ty taranaky Davida le hanahaky an-Dranahary, manahaky ty anjely Yaveh alohandrozy eo. ⁹ Amy fotoa zay le hanomboky handrava firenena iaby ze avy hanohitsy any Jerosalema Zaho. ¹⁰ Fe hampiraraky ty fanahy ty fifandefera noho fitoreova amy ty tariha i Davida noho ty mpipetraky a Jerosalema Zaho, mba hitolihandrozy Amiko, azy Raiky ze noravandrozy. Hisaona noho ty Amiko, manahaky ty olo misaona noho ty amy ty anakilahy toha ndrozy; hisaona ho Tiazy manahaky ze miasaona rey noho ty fahafatesa ty velohan'anaky ndrozy. ¹¹ Amy fotoa zay ty fisaonana a Jerosalema ao le hanahaky ty fisaonana ta Hadadrimona amy ty lemaky i Medigo eo. ¹² Hisaona ty tany ty halakoa ty longo kiraikiraiky hafa. Ty halakoa ty longp ty tariha i Davida hitoka androzy le ty valindrozy hitakka amy ty lahilahiny. Ty halakoa ty longo amy ty tariha i Natana hitoka sady ty valindrozy hitoka amy ty lahilahy. ¹³ Ty halakoa ty longo ty tariha i Levy hitoka le ty valin-drzy rey hitoka amy ty lahilahy rey. Ty halakoa ty longo i Simeita rey hitoka le ty valindrozy hitaoka amy lahilahy rey. ¹⁴ Ty halakoa ty longo kiraikiraiky amy azy halakoa ty longo tafijano---ty fianakavia kiraikiraiky le samby hisarantsaraky le ty valindrozy rey hitoha amy lahilahy.