¹ Amy fotoa zay le hisy loharano hivoha hoahy ty longo i Davida noho hoahy ty mpipetraky a Jerosalema ao, noho ty fahotan-drozy noho ty tsy fahadiva-drzy. ² Amy fotoa zay ro fanambara Yaveh tompoa ty lako---ro hanombotako ty anara ty sampy rey amy ty tanymba tsy ho tiarova sasy ndrozy. Hampiboaky ty mpaminany tsy tò rey noho ty fanahy maloton-drozy amy ty tany avao koa Zaho. ³ Laha misy olo manohy maninany, le hivola amy ty babany noho ty reniny ze niteraky azy manao hozao: 'Tsy ho velo iha, safe mivola vandy amy ty anara Yaveh!' Bakeo ty babany noho ty reniny ze niteraky azy handrava azy lafa maninany ie. ⁴ Amy andro zay ty mpaminany kiraikiraiky le ho menatsy amy ty fahitany lafa amy ty faminania ie. Azy mpaminany rey le tsy hisiky lamba voloa, mba hameriverea ty olo sasy. ⁵ Fa ty kiraikiraiky hivola hozao: 'Tsy mpaminany zaho! Lahilahy miasa tany zaho, safe ty tany ro nanjary asako laha mbo pamaraky zaho!' ⁶ Fa hisy olo raiky hivola aminy amano hozao: 'Ino fa ty fery anelanela ty sandrinao rey?' Le hamaly manao hozao ie: 'Naratsy niaraky tamy azy tan-trano ty namako ao rey zaho.''' ⁷ ''Ty Mesobe! Asondroto amy ty mpiaraky aondriko, azy lahilahy ze mitsanga anilako ty vatako etoa---zay ty vola Yaveh tompoa ty lako. Vango ty mparaky aondry, le hiparitaky aonry rey! Fa hampipoly ty tanako hanohitsy maliniky rey Zaho. ⁸ Le heniky ty kila tany iaby---zay ty vola Yaveh---le hisy roa ampahatelon'izay ho rava! Ho rava olo rey; ty raiky ampaha telony avao ro hijano any. ⁹ Handesiko amy ty afo azy ampaha telony io le ho sasako manahaky ty fanasa volafoty ndrozy; ho henteako manahaky ty volamena voahenty ndrozy. Hikaiky ty anarako ndrozy, le haaly androzy rey Zaho le hanao hozao: ''Toy ty oloko!' sady hivola hozao ndrozy: 'Yaveh ro Ndranahariko!''''