¹ Ingo, Ho avy ty fotoa Yaveh lafa ho zara anivonareo ty gadranareo. ² Fa havoriko hanohitsy an'i Jerosalema amy ty aly ty firenena iaby le ho gadra ty tanà. Azy tranorey le horava le ty ampela ho rava. Ty atsasaky ty tanà le horava, fa ty sisa tavela amy olo rey le tsy hala amy tanà eo. ³ Fa Yaveh le hiboaky le hialy amy firenena rey manahaky ty Azy lafa mialy amy ty andro ty fialia. ⁴ Amy fotoa zay ty tombony le hitsanaga anabo ty vohitsy Oliva, ze anila ty Jerosalema an-tinana any. TY vohitsy Oliva le hizara roe le ho saraha ty tany malemy bevata le ty antsasaky ty vohitsy le himpoly aloha ty avaratsy le ty antsasaky aloha ty antimo. ⁵ Bakeo iha hilay hijotso ty tany malemy anelenela ty vohitsy Yaveh rey eo, fa ty tany malemy anelanela ty vohitsy le hahazo a Azela any. Hilay manahaky ty nilaisanao tamy ty horohoron-tany atmy ty andro i Ozia, mpanjaka tiahy Joda iha. Le niavy Yaveh NDranahariko le hiaraky Aminy iaby ty olo masy iaby. ⁶ Amy fotoa zay le tsy hisy fahazava, fa tsy hisy ndra nintsy ndra ando. ⁷ Amy foto zay, Yaveh raiky avao ro mahay le tsy hisy andro haly sasy, fa ty nariva le hanjary fotoa ty fahazava. ⁸ Amy fotoa zay ty rano velo le hikororoky hiboaky an'i Jerosalema. Ty antsasaky rey le hivary an-driaky antinana le ty antsasaky amy ty riaky andrefa, amy ty fahavaratsy noho amy ty nintsy. ⁹ Ho mpanjaka amy ty kila tany iaby Yaveh. Amy fotoa zay le hisy Yaveh, azy NDranahare toka, le ty anarany raiky avao. ¹⁰ Ty tany iaby le manahaky ty Araba, manomboky a Geba le zisiky Rimona antimo ty Jerosalema sady hipetraky amy ty toerany manoka, baka amy ty vavahady tiahy Benjamina le zisiky amy ty toera ze nisy ty vavahady velohany, zisiky amy ty vavahady an-jorony, le zisiky amy ty tilikambo ty Hananela le zisiky amy ty fanamboara voaloboky ty mpanjaka. ¹¹ Ty olo le hipetraky a Jerosalema any sady tsy hisy faharava mihintsy baka amy NDranahare hanohitsy androzy sasy. Hiay tsy misy fisalasala i Jerosalema. ¹² Zao ro ho loza ze hamngoa ty Yaveh any olo iaby nialy nanohitsy an'i Jerosalema: Ty nofitsin-drozy le ho lo ndra mitsanga amy ty tombony aza ndrozy. ty masondrozy le ho lo amy ty lelatombondrozy le ty lelandrozy le ho lo am-bavandrozy rey ao. ¹³ Amy fotoa zay ty fahavaka bevata baka amy Yaveh le ho avy amindrozy. Ty kiraikiraiky le hahazo ty tany ty hafa, le ty tana ty raikyu le hisondrotsy hamango ty tana ty raiky hafa. ¹⁴ Joda avao koa le hoaly hanohitsy an'i Jerosalema. Hamory ty hery ty firenena iaby mihodidy androzy--- volamena, volafoty, sady siky lako soa. ¹⁵ Ty loza avao koa le hoahy ty sovaly rey moho ty ampondra, azy rameva rey noho ty boriky, sady azy biby iaby amy ty toby rey ao avao koa le hijale amy loza zay avao koa. ¹⁶ Le zao ty hiseho, ze kila raha iaby tavela amy firenena ao ze avy manohitsy an'i Jerosalema le hiakatsy isan-tao kosa mba hanompo ty mpanjaka, le Yave h tompoa ty lako, le hitandry tyfifalia ty fialofa. ¹⁷ Laha tsy mandeha miakatsy ho a Jerosalema mba hanompo mpanjaka iny, le Yaveh tompoa ty lako, ty olo baka amy ty firenena iaby ty tany, le tsy handay ora amindrozy Yaveh. ¹⁸ Laha tsy manganiky ty firenena Egypta, le tsy hahazo ora ndrozy. Hisy arety mandrava baka amy Yaveh ze handrava azy firenena ze tsy hanganiky mba hahita ty Fifalia ty Fialofa. ¹⁹ zay ty fanasazia hoahy Egypta sady fanasazia hoahy ty firenena iany ze tsy manganiky mba hahita ty Fifalia ty Fialofa. ²⁰ Fa amy fotoa zay, ty lakolosy ty soavaly rey le hivola hozao: ''Atokano hoahy Yaveh,' le azy kovety an-trano tiahy Yaveh ao le hanahaky ty finga golobo anatreha ty alitara. ²¹ Fa ty valany tany manga iaby a Jerosalema noho a Joda ao le ho atoka hoahy Yaveh tompoa ty lako sady le ze manday iaby soro le hihina aminirey sady hampandevy anay rey ao. Amy fotoa zay azy mpamarotsy rey le tsy ho an-trano Yaveh tompoa ty lako sasy.