¹ Tamy Dariosa mpanjaka ro nampakary naharitsy efatsy tao, tamy ty faha efatsy andro nanjaka i Kisleva ( ze faha sivy ty vola), le niavy tamy Zakaria ty safa Yaveh. ² Nandefa an'i Serezera noho Regema-meleka sady olony rey ty olo i Betela mba hangataky aloha ty vatany Yaveh. ³ Niresaky tamy mpisoro ze tan-trano Yaveh tompoa ty lako noho tamy mpaminany rey ndrozy; hozao tiasandrozy: ''Tokony hisaona amy ty alala ty fifalian-kany va zaho amy ty vola fahalimy toy, manahaky ze fa nanoviko tao lako rey?'' ⁴ Le niavy tamiko ty safa Yaveh tompoa ty lako, manao hozao: ⁵ ''Mivolana amy ty mpipetraky amy ty tany iaby noho amy mpisoro rey le anovo hozao: 'lafa mifaly hany noho nisaona tamy ty vola faha limy noho fahafito nare naharitsy fito tao zay, va nifaly hany ho Tiahy vatany nareo? ⁶ Laha nihina noho nino hoahy ty vatanareo nareo? ⁷ Vasa tsy safa rey avao ro nivolana Yaveh tamy ty vava ty mpaminany rey taloha, tamy mbo nipetraky ta jerosalema tao nnoho azy tana mihodidy tamy ty fahasoava sady nipetraky ta Negeva tao, noho malemy atsisy ty riaky andrefa any nareo?''' ⁸ Niavy tamy zakaria ty safa Yaveh, manao hozao: ⁹ ''Zao ty vola Yaveh tompoa ty lako: 'Mitsara amy ty fitsara to, fanenkea atokisa, sady fandefera. Tokony hanao anizay amy ty rahalahany iaby ty olo kiraikiraiky. ¹⁰ Ty amy tsy mana-baly noho ty kamboty, ty vahiny, noo ty amy olo mijale- ka mampijaly androzy, le tokony tsy hisy aminareo hihevitsy hanisy raty ty hafa anainareo ao.' ¹¹ Fe nanda ni hijanjy ndrozy. Nanampy ty sofiny ndrozy mba tsy hahare. ¹² Nanamafy ty fony manahaky ty vato ndrozy mba tsy hahare ty lily ndra azy safa Yaveh tompoa ty lako. nandefa ty hafatsy rey hoahy ty oloko tamy alala ty fanahiny tamy ty fotoa taloha, tamy alala ty vava ty mpaminany Ie. Fe nanda tsy nijanjy ty olo, le nimeloky mare tamindrozy Yaveh tompoa ty lako. ¹³ Lafa nikaiky Ie, le tsy nijanjy ndrozy. Manahaky zay avao,'' Hozao tiasa Yaveh tompoa ty lako,'' ro nikaihan-drozy mare Ahy, fa tsy hijanjy Zaho. ¹⁴ Fa haparitako amy ty talio amy firenena iaby rey ze mbo tsy nihitan-drozy, sady ho haolo manoriky androzy ty tany. fa tsy misy olo handrio amy ty tany ndra himpoly amizay safe fa namakily ty tanindrozy soa ho tany bevata ty olo.''