¹ Le nitoliky zaho le nampiandra ty masoko, le nahitaky, ingo, horonan-taratasy mitily! ² Hozao tiasa anjely iny tamiko: ''Ino va ty hitanao?'' Le namaly hozao zaho: ''Horonan-taratasy mitily ro hitako, roapolo hakiho ty halavany le hakiho folo ty sakany.'' ³ Le hozao tiasany amiko: ''Toy ty ozo ze miboaky heniky zao tontolo zao, fa ty mpangalats iaby le ho rava manomboky zao ze mifototsy amy ty ze nivolaniny amy ty hafa,le azy ze mivola fifanta vandy le ho rava ze mifototsy amy ze volaniny amy ty ilany hafa, araky ty safandrozy. ⁴ ''Ho aboakako zay---zay ty fanambara Yaveh tompoa ty lako---le hilitsy an-trano ty mpangalatsy noho an-trano ze mifanta vandy amy ty anarako zay. Hipetraky an-tranony ao zay sady hanimba ty hazony noho azy vatony rey.'' ⁵ Le niboaky azy anjely ze niresaky tamiko sady nivola hozao tamiko: ''Ampiandrao ty masonao le henteo ze avy eo'' Le hozao tiasako: ''Ino va igny?'' ⁶ Le hozao tiasany: ''Haro misy efaha azy avy iny. Toy ty fahadisoan-drozy amy ty kila tany iaby.'' ⁷ Le nafaha tamy ty haro ty firaky fandongofa le nisy ampela tamban'izay tao le nitoboky tao! ⁸ Le nivola hozao anjely iny: ''Faharatia toy!''Natorany tanay ty haro ndraiky ie, le natorany tamy ty famoha azy ravaky fandongofa iny. ⁹ Nampiandra ty masoko zaho le nahita ampela roe magnanto ahy, le ty tsioky le tamy ty elatsin-drozy---fa nana elatsy manahaky ty elatsy ty voropoty ndrozy.Nampionjo ty haro tanelanela ty tany noho ty lanitsy ndrozy. ¹⁰ Le nivola tamy anjely ze niresaky tamiko zaho manao hozao: ''Handesindrozy mbaia va haro iny?'' ¹¹ Le hozao tiasany tamiko: ''Hanamboara fiangona an-tany tiahy Sinara ho tiahy zay, ka llafa vono ty fiangona, le hampitoery amy ty fototsy voaoma ho tiazy any haro iny.''