¹ Bekeo nitoliky le nanaitsy ahy manahaky ty olo tairy amy ty torimasony azy anjely nivola tamiko iny. Hozao tiasany tamiko: ''Ino va ty nihitanao?'' ² Le hozao tiasako: ''Mahita fasian-jiro vita baka amy ty volamena vatany zaho, miaraky amy ty fasia soliky anabony eo. Misy lela ty fasia jiro fito amizay eo sady misy loaky fito anabo ty lahin-jiro kiraikiraiky. ³ Misy hazo ty olova roe anilanizay eo, ty raiky amy ty ilany eo amy ty tanan-kavana amy ty fisia ty soliky le ty raiky hafa amy ty ilany an-kavia.'' ⁴ lafa zay le nivola tamy azy anjely ze nivola tamiko ndraiky iny zaho. Hozao tiasako: ''Ino va ty dika ty raha rey, lahy tompoko?'' ⁵ Namaly ahy azy anjely ze nivola tamiko iny manao hozao: ''Tsy hainao va ty dika ty raha rey?'' Le hozao tiasako: ''Aha, lahy tompoko.'' ⁶ Lafa zay le hozao tiasany amiko: ''Zao ty safa Yaveh tamy Jerobabela: Tsy amy ty hery ndra amy ty hatanjaha, fa baka amy ty Fanahiko,hooasa Yaveh tompoa ty lako. ⁷ Ino moa iha? Hanjary tany mahavokatsy aloha ty Zerobabela ih, sady handay ty vato hanova tendrony ie mba hikoraky manao hozao: ''Fahasoava! Fahasoava ho amizay!''' ⁸ Niavy tamiko ty safa Yaveh, nanao hozao: ⁹ ''Nanenga ty fototsy ty trano toy ty tana i Zerobabela sady hamita anizay ty tanany. Le ho hainao fa Yavehtompoa ty lako ro nampaniraky ahy ho aminao. ¹⁰ Ia ty tsy nidary ty andro ty raha maliniky? Hifety olo rey sady hahitaky ty vato pilao an-tana i Zerobabela eny. (azy lahin-jiro fito rey ro maso ty Yaveh ze magnenty zao tontolo zao.) ¹¹ Bakeo le nanontany azy anjely iny manao hozao zaho: ''Ino ty hazo ty oliva roe ze mitsanga an-kavia noho an-kavana ty fasian-jiro rey?'' ¹² nanontany azy ndraiky manao hozao Zaho: ''Ino va azy tahon-kazo oliva roe anila ty loaky volamena roe ze misy soliky volamena mite baka aminy eo rey?'' ¹³ Bakeo le hozao tiasany amiko: ''Tsy hainao hoe ino va rey?'' Hozao tiasako: ''Aha, lahy tompoko.'' ¹⁴ Lafa zay le hozao tiasany: ''rey ty anaky soliky vaovao ze mitsanga aloha ty Tompo ty kila raha iaby zao.''