¹ Bakeo Yaveh nampitoro ahy an'i Josoa azy mpisoronabe ze nitsanga taloha ty anjely tiahy Yaveh noho Devoly nijanga tan-tanan-kavanany mba hanasara azy ho nanota. ² Hozao tiasa ty anjely Yaveh tamy ty Devoly: ''Hivola mare anao lahy Yaveh, iha Devoly; Yaveh, ze nitingy any Jerosalema lahy, hivola mare anao! Vasa tsy kata nisaraha tamy ty afo va toy? ³ Nisiky siky maloto Josoa lafa nitsanga tanila anjely iny teo. ⁴ Nivola anjely iny le niresaky tamy ze nitsanga talohany teo manao hozao: ''Apotaho aminy eny azy siky maloto rey.''Le hozao tiasany tamy Josoa: Ingp! fa nafahako taminao ty fahadisoanao le hampisikiniko siky soa iha.'' ⁵ Hozao tiasany: ''Engaho ndrozy hanenga hamama malio tanabo ty loha i Josoa ndrozy sady nampisiky azy tamy ty siky malio lafa nitsanga tanilany teo anjely tiahy Yaveh iny. ⁶ Bakeo azy anjely tiahy Yaveh iny nisery am-pahavaka any Josoa sady nivola hozao: ⁷ ''Zao ty vola Yaveh tompoa ty lako: Laha handeha amy ty lalako iha, sady laha hidary ty liliko iha, le hifehy ty tranoko iha sady hiamby ty kianjako, safe hengako handeha noho hihilitsy amy ze mitsanga alohaKo eo iha. ⁸ Janjino, lahy Josoa mpisoronabe, iha noho namanao ze mipetraky miaraky aminao rey! Fa famantara ay olo rey, safe Zaho mihintsy ro hampiakatsy ty mpanompoko azy Rantsana. ⁹ Le henteo azy vato ze nengako aloha i Josoa eo. Misy maso fito amy ty vato mitoka io, le hanao sary soratsy Zaho--- zay ty vola Yaveh tompoa ty lako--- sady hagnafaky ty fahota amy tany toy anay ty andro raiky Zaho. ¹⁰ Amy fotoa zay--- zay ty vola Yaveh tompoa ty lako--- ty olo kiraikiraiky le hanasa ty mpiharo petraky aminy mba hipetraky ambany ty voalobokiny noho ambany ty hazo ty aviaviny.''