¹ manaraky zay le nanondrotsy ty masoko zaho le nahita lahilahy niaraky tamy ty talyu fametara tan-taany teny. ² Hozao tiasako: ''handeha ho aia iha?'' Le hozao tiasako taminy: ''hanaetatsy any Jerosalema, hamaritsy ty sakany noho ty halavany,'' ³ Le nandeha azy anjely nivola tamiko le nisy anjely raiky hafa niboaky mba hitsena azy. ⁴ Hozao tiasa ty anjely faharoe iny taminy: ''Milaisa le mivolana amy pamaraky iny; volano hozao: 'Hipetraky amy ty tana misokatsy i Jerosalema noho ty halakoa ty olo noho ty biby aminy ao. ⁵ Fa Zaho---zay ty vola Yaveh---le hanjary manda afo ty mihodidy azy, le ho voninahitsy anivony eo Zaho. ⁶ Malaky! Malaky! Milaisa baka amy ty tany avaratsy---zay ty vola Yaveh---fa zaho fa nampiparitaky anareo manahaky ty tsioky efatsy ty lanitsy! ---Zay ty vola Yaveh. ⁷ Eh! Milaisa mandeha a Ziona any, nareo ze miharo petraky amy ty anakampela tiahy Babylona!''' ⁸ Fa tafara ty nanomeza Yaveh tompoa ty lako ty voninahitsy ahy noho nampandinany ahy hanohitsy azy firenena ze nandrava anareo--- fa ndra ia ndra ia mikasiky anareo, le mikasiky ty voamason-Dranahare!---lafa baka nanao anizay Yaveh, le hozao Tiasany: ⁹ ''Zaho mihintsy ro hanampatsy ty tananko amindrozy, le ho azo sambotsy hoahy ty andevony ndrozy.''Le ho hainareo fa Yaveh tompoa ty lako ro nampaniraky ahy. ¹⁰ ''Mihira hoamy ty fifalia, lahy anakampela i Ziona, Fa Zaho mihintsy ro ho avy noho hivory aminareo eo!---zay ty vola Yaveh.'' ¹¹ Bakeo firenena bevata hiaraky amy Yaveh amy andro zay. Hozao tiasany: ''Le hanjary oloko nareo; fa hivory anivonareo eo Zaho,''le ho hainareo fa Yaveh tompoa ty lako ro nampaniraky ahy ho aminereo eo. ¹² Fa Yaveh hampandova aany Joda manahaky ty hanagnany ara-dala amy ty tany masy any sady hitingy ndraiky an'i Jerosalema ho tiazy. ¹³ Ka mivola, anatreha Yaveh eo, lahy ty nofitsy iaby, fa nitsanga baka amy ty fipetrahany masy Ie!