¹ Tamy ty fahavalo vola tamy ty tao faha ra nanjaka i Dariosa, le niavy tamy ty Zakaria anakilahy tiahy Berekia anakilahy Ido, mpaminany, ty safa Yaveh, manao hozao: ² ''Meloky mare tamy ty razambenao Yaveh! Volano hozao ndrozy: '' Meloky mare tamy ty razambenao Yaveh! ³ Volano hozao ndrozy: 'zao ty nivolan'Yaveh tompoa ty lako: ''Mitoliha amiko atoy! ---zay ro fanambara Yaveh tompo ty lako--- le mitoliky aminareo Zaho, hozao tiasa Yaveh tompoa ty lako. ⁴ Tokony tsy hanahaky ty razambenareo ze nikaiha ty mpaminany rey taloha teo, manao hozao: ''zao ty vola Yaveh tompoa ty lako: Mila amy ty lala raty nareo!'' fa tsy nahare ndrozy sady tsy nidary Ahy--- zay ty fanambara Yaveh.' ⁵ Azy razambenareo, aia ndrozy? Aia ty mpaminany, atoa mandrakizay va ndrozy? ⁶ Fa azy safako noho ty lalako ze nisereko mpaninany mpanompoko rey, tsy fa nahatratsy ty razambenareo va nareo? Le nivavaky ndrozy sady nanao hozao: '' Araky ty fa nilahatsy Yaveh tompo ty lako hanovy aminay ze maeva ty lalanay noho asanay rey, ro nanoviny taminay.'''' ⁷ Tamy ty faha ropolo efatsy amby tamy faha folo raiky amby ty vola, ze vola ty Sebata, amy ty tao faharoe nanjka i Dariosa, le niavy tamy zakaria, anakilahy tiahy Berekia anakilahy ty Ido, azy mpaminany, ty safa Yaveh, manao hozao: ⁸ ''Nahita tamy nankaly zaho, le, ingo! nisy lahilahy raiky nitikitsy sovaly mena, le tamy ty haro rotsy ze tambaiboho teo ie; le tafaraniny le nisy soavaly mena, volontany mangalatsy mena, sady sovaly foty.'' ⁹ Hozaotiasako: '' Ino ty raha manahaky retia, lahy Tompo?'' Bakeo le nisy anjely raiky nivola tamiko nanao hozao: '' Ho ambarako hoe ino ty raha rey.'' ¹⁰ Le azy lahilahy ze nitsanga tamy ty hazo rotsy iny teo namaly le nivola hozao: ''rey ty nampandina Yaveh mba hikarikarioky heniky ty tany.'' ¹¹ Namaly azy anjely Yaveh ze nitsanga tamy ty hazo rotsy iny ndrozy; hozao tiasandrozy: ''fa nikarikarioky heniky ty tany toy zahay; ingo, ty tany iaby mbo mipetraky noho mijano.'' ¹² Le namaly hozao azy anjely Yaveh iny: ''Nao lahy Yaveh tompoa ty lako, zisiky ombia ro hatoronao tsy fandefera amy Jerosalema noho amy ty tana tiahy Joda ze fa niaritsy heloky fa fitopolo tao zay?'' ¹³ Namaly azy anjely ze nivola tamiko iny, tamy ty safa soa, safa fampahereza Yaveh. ¹⁴ Le nivola tamiko azy anjely iny le niresaky tamiko manaohozao: ''Mikaiha mare sady mivolana manao hozao: ''Manarahy tamy ty fitiava bevata tamy Jerosalema noho tamy Ziona Zaho! Meloky mare amy ty firenena ze anay ty filamina rey Zaho. ¹⁵ Laha mbo nimelokykely tamy rey zaho, le vo maiky nampaharaty ty fahora ndrozy. ¹⁶ Lafa zay le zao tiasa Yaveh tompoa ty lako: ''Fa nimpoly tamy Jerosalema tamy fandefera Zaho. Ho amboary anay ty tranoko----zay ty fanambara ty tompo ty lako--- le ty fanamboara le ho henjany amy Jerosalema!' ¹⁷ Mikaiky mare manao hozao ndraiky, manao hozao: ' ia ro volany ty Yaveh tompoa ty lako: Ho tondraky soa ndraiky azy tanako rey, sady hampahery any Ziona ndraiky Yaveh, sady hitingy any Jerosalema ndraiky Ie.''' ¹⁸ Le nampiandra ty masoko zaho le nahitaky tsifa efatsy! ¹⁹ Nivola tamy anjely ze nivola tamiko zaho nanao hozao: ''Ino va rey?'' Namaly ahy hozao ie: ''Retia ro tsifa ze fa naparitaky i Joda , Israely noo Jerosalema.'' ²⁰ Bakeo le nanatoro mpanao asa tana efatsy tamiko Yaveh. ²¹ Hozao tiasako: ''Ino va ty anto ty olo rey?'' Namaly hozao Ie: ''Rey ty tsifa ze nanaparitaky any Joda mba tsy hisy olo afaky hampiandra ty lohany. Faazy olo rey le niavy mba handroaky androzy,mba handrava ty tsifa ty firenena ze nanondrotsy ty tsifa manaohitsy ty tany tiahy Joda mba hanaaritaky azy''